Волегов Федот Алексеевич

Босьтöм Википедияись
Волегов Федот Алексеевич
Удж:

этнограф, краевед, лингвист

Чужан лун:

1790’ во[1]

Чужан ин:
Кулан лун:

1856’ вося сентяб 16’ лун(1856-09-16)[3]

Кулан ин:

Волегов Федот Алексеевич (Öльöш Педöт, 1790–1856) – Перем муын асладор туялісь, этнограф, лингвист, Строганов увтырлöн историк. Уджаліс веськöтлісьöн Строгановвез контораын.

Олантуй[вильмӧтны | Вильмӧтны код]

Öльöш Педöт чужис Перем губерняись Оханнöй уездын, Важ Посад грездын. Сія вöлі Строганов граффезлöн крепоститöм крессянаись.

1807'-1819' воэзö том Волегов уджаліс Петракарын, Строгановвез медшöрöт контораын, а 1819'-1827' воэзö, мезмöтчöм бöрын, вöлі кан службаын. 1828' годö Öльöш Педöт бертіс Перем ладорö, кытöн Строгановвез янсöтлытöм именнёас перво вöлі Обваись медыджыт правленнёын лыддян юкöтісь юралісьöн, в 1833'-34' воэзö – С. В. Строганова именнёын Обва кытш правленнёись веськöтлісьöн.

1836'-1856' воэзö Ф.А. Волегов вöлі Строганноввезлöн Перемись именнёын веськöтлісь, пукаліс Виль Совдорын. 1856' годö сія лоис Перем губерняись статистика комитетö пырись корреспондентöн.

Куліс Öльöш Педöт 1856’ сентяб 16’ лунö Перем губерняись Совкар уездын, Виль Совдор посадын.

Историк[вильмӧтны | Вильмӧтны код]

Ф. А. Волегов, сылöн вон В. А. Волегов моз жö, вöлі Перем муын асладор туяліссез коласын медтöдчана фигураöн. Öльöш Педöт эшö 1810' воэзсянь пондіс туявны Строганов увтырлісь история да кöзяйство. Этія тема сьöрті сія лöсьöтöма кынымкö удж, кытöн сія гижö сы йылісь, кыдз колонизируйтісö Перем ладорсö XVI—XVIII веккезö да кытшöм вöлі сы коста Строгановвез роль, кытшöм состояннёын вöлісö Строгановвезлöн вотчинаэз, кыдз нія быдмисö да юксисö пияннэз коласын янсöтчöм коста нето вузалöм шогья, кыдзи зорамисö вотчинаэзын кöзяйстволöн торья виддэз.

Öльöш Педöт гижалöма Строганов увтырлісь чужанпу, лöсьöтöма Совдорись вогижöт да мый да.

Этнограф да лингвист[вильмӧтны | Вильмӧтны код]

Ф.А.Волегов ыджыт интересöн туяліс и Кама ладорын олісь отирлісь культурасö, нылісь важся история да öння быт, кыв. 1830' годдэзö сія лöсьöтöма роч-коми кывчукöр. Сэк жö сія лöсьöтöма роч, перем коми, зыряна коми, удмурттэз да чувашшез кыввез сьöрті кывлёдз.

Роч географ котырлöн архивын (Петракар) видзöны сылісь кигижöт «Собрание простонародных слов Пермской губернии», кытöн сія вежöртöтö ассяма кыввез, кöдна бергалісö Уралісь роч крессяна да рабоччöйез басниын XIX век шöрын.

Волеговвезлöн фонд[вильмӧтны | Вильмӧтны код]

Уна материаллэз, кöдна сьöрті позьö туявны Ф. А. Волеговлісь удж, куйлöны Перем ладорись архивын Волеговвез фондын (Ф. 672).

Гижöм[вильмӧтны | Вильмӧтны код]

  • Сведения о пермских соляных промыслах, основанных фамилией господ Строгановых // Пермские губернские ведомости. 1854. № 43
  • Пермяки // Пермские губернские ведомости. 1854. № 44
  • Исторические сведения о гг. Строгановых // Пермские губернские ведомости. 1876. № 89—95, 1877. № 1—6
  • Усольская летопись // Пермские губернские ведомости. 1882. № 96—97
  • Историко-статистические таблицы на Пермские имения господ Строгановых с 1558 по 1850 год // Памятная книжка и адрес-календарь Пермской губернии на 1889 год. Пермь, 1888
  • Хозяйственные записки по Пермскому имению гр. С. В. Строгановой, составленные в начале 1820 года // Пермский край. Пермь, 1893. Т. 2
  • Родословная Строгановых // Пермский край. Пермь, 1895. Т. 3
  • Краткое описание села Пянтежского и находящейся в нем деревянной церкви // Материалы по изучению Пермского края.— Пермь, 1915. Вып. 5
  • Permjakiches Wörterverzeichnis aus dem Jahre 1833 auf Grund der Aufzeichnungen F. A. Wolegows von Karoly Redei. Budapest, 1968
  • Свод некоторых слов русских, пермяцких, зырянских, вотяцких и чувашских // Вопросы истории и грамматики чувашского языка. Чебоксары, 1977

Лыддьöтан[вильмӧтны | Вильмӧтны код]

  • Дмитриев А. А. Ф. А. Волегов как историк Строгановых // Пермские губернские ведомости. 1884. № 30; 31; 32; 33; 34; 36; 37; 38
  • Дмитриев А. А. Федот Алексеевич Волегов: очерк его жизни и переписка // Пермский край: сб. сведений о Пермской губернии. Пермь, 1895. Т. 3. С. 122 - 149
  • Царт М. Н. Историк земли Пермской // Календарь-справочник Пермской области. 1970 г. Пермь, 1969. С. 29 -30
  • Алексеев А. А. Ф. А. Волегов и его «Свод некоторых слов русских, пермяцких, зырянских, вотяцких и чувашских» // Вопросы истории и грамматики чувашского языка. Чебоксары, 1977
  • Шилов А. В. Из истории краеведения на Урале: (краеведческая деятельность Ф. А. и В. А. Волеговых) // Из истории демократической культуры на Урале (XVIII - начало XX в.): межвуз. сб. науч. трудов. Пермь, 1986. С. 29-41
  • Гилева С. И. Волегов Федот Алексеевич // Уральская ист. энцикл. 2-е изд., перераб. и доп. Екатеринбург, 2000. С. 126
  • Öльöш Педöт йылісь Перем ладор энциклопедияын
  1. http://enc.permculture.ru/showObject.do?object=1804126168
  2. http://zz-project.ru/personalii/1771-volegov-fedot-alekseevich
  3. 3,0 3,1 https://ural.academic.ru/395/%D0%92%D0%BE%D0%BB%D0%B5%D0%B3%D0%BE%D0%B2%2C_%D0%A4%D0%B5%D0%B4%D0%BE%D1%82_%D0%90%D0%BB%D0%B5%D0%BA%D1%81%D0%B5%D0%B5%D0%B2%D0%B8%D1%87