Гайзер Вячеслав Михайлович
Гайзер Вячеслав Михайлович (кз. Микол Вечь Гайзер) — Коми Республикаись Юралісь 2010 январ 15 лунсянь.
Шогмис 1966 декаб 28 лунӧ Коми АССР-ын, Инта карас. Чужанвуж сьӧрті коми.
Велӧтчӧм[вильмӧтны | Вильмӧтны код]
Сылӧн медвылын велӧдчан тшупӧтыс – 1991 годӧ помаліс Мӧскваын экономика да статистика сьӧрті институт, специальносьыс – "Веськӧтлӧмын автоматизируйтӧм системаэз";
1999 годӧ помаліс Мӧскваын жӧ Экономика, статистика да информатика сьӧрті кануниверситет, специальносьыс – "Финанссэз да кредит".
Асторья удж[вильмӧтны | Вильмӧтны код]
1991 восянь – регион нимсянь баитчаніннэзын (представительствоэзын) секторись эксперт, наука да техникалісь прогресс сьӧммӧдан коммерческӧй "Менатеп" нима пайпасвывся (акционернӧй) банкын Сыктывкар филиалісь веськӧтлісьӧс вежись.
1993 годсянь – асторъя (частнӧй) пыртӧссэз сьӧрті юкӧтын юралісь, "Комибанк" коммерческӧй пайпасвывся банкын вице-президент.
1996 восянь – веськӧтлісьӧс вежись, "Коми социальнӧй банк" нима коммерческӧй банклӧн юраланінын (правленнёын) веськӧтлісь.
Кан удж вылын[вильмӧтны | Вильмӧтны код]
2002 годсянь В. М. Гайзер пондіс уджавны Коми Республикаын финанссэз сьӧрті министрӧс медодзза вежисьӧн.
2003 июль 22 лунсянь Коми Республикаись Юралісь тшӧктӧмӧн сія вӧлі пуктӧма Коми Республикаын финанссэз сьӧрті министрӧ.
2004 август 27 лунсянь Коми Республикаись Юралісь лэбтӧма В. М. Гайзерӧс «Коми Республикаись Юралісьӧс вежись-Коми Республикаын финанссэз сьӧрті министр» пост вылӧ.
2009 август 20 лунсянь Коми Республикаись Юралысь пыртӧма сійӧ «Коми Республикаись Юралісьӧс медодзза вежись-Коми Республикаын финанссэз сьӧрті министр» чинӧ.
Коми Республикаись Юралісь[вильмӧтны | Вильмӧтны код]
2010 январ 6 лунӧ Роч Федерацияись президент Д. А. Медведев вӧзйис Коми Республикаись Каналан Советлӧ В. М. Гайзерлісь кандидатура Коми Республикаись Юралісь пост вылӧ.
2010 январ 15 лунӧ Коми Республикаись Каналан Совет ошкис Рочму президентлісь вӧзйӧмсӧ да бӧрйис В. М. Гайзерӧс Коми Республикаись Юралісь пост вылӧ. Виль Юралісь кутчисис удж бердӧ 2010 январ 15 лунӧ.
Увтыр[вильмӧтны | Вильмӧтны код]
Гӧтыра, эм кык челядь.