Иньва (ю)

Босьтöм Википедия вылiсь
Вешшыны татчö: уялöм, кошшан
Иньва ю

И́ньва (одзжык шуöмась Инва) — ыджыткодь ю Перем ладорись Коми кытшын, Камалӧн веськыт вож.

Иньвалӧн кузяыс – 257 км. Бассейныс – 5 920 км² ыжда. Ваӧктан вылынаыс (шӧркодяс) – 188 м. Пӧлінь (шӧркодяс) – 0,2 м/км [1].

Иньва пондӧтчӧ Камайыв вылынінын, неылын Киров лапӧвкӧт визирсяняс. Юыс котӧртӧ Коми му кузя асыввылӧ да усьӧ Кама вавидзанӧ Майкар дорын, Иньва курья аркмӧттӧнняс.

Юыс йысялӧ унажыксӧ октяб помын нето нояб пондӧтчикӧ, а оссьӧ – апрель коста.

Иньвалӧн уна вож.

Шульгаланьсянь сыӧ усьӧны

Веськыт ладорсянь сыкӧт ӧтлаасьӧны:

Медыджытӧсь ны коласын – Велва, Юсьва, Кува да Исыв.

Ю котӧртӧ Коми кытшись кык район пыр: Кудымкарскӧй да Юсьвинскӧй. Сы дорын сулалӧны олан иннэз: Видзай, Дёма, Нёльсин, Иньвайыв, Пешнигорт, Кудымкар, Тшакылёвчи, Карпов, Аксёновчи, Купрӧс, Ыджыт Можга, Ӧнь, Майкар.

Иньва бассейнын унажык отирыс – комиӧсь, кӧдна аркмӧтӧны этнография сьӧрті тодильнӧй группа – иньвенса.

Иньва, кыдз и Кӧсва – перем коми отирлӧн ошшасян. Юсӧ сьылӧтӧны быдкодь писняэзын да кывбуррезын.

«Иньва» ним новйӧ сідзжӧ перем коми лыддьӧтан ӧктӧт, кӧдӧ кадісь кадӧ лэдзлӧны Кудымкарын асланым гижиссез журналыс туйӧ.

Ыстісяннэз[мöдкодьсьöтны | править вики-текст]

  1. Перем лапӧвлӧн энциклопедия — ИНЬВА

Ӧшмӧссэз[мöдкодьсьöтны | править вики-текст]

  • География Коми-Пермяцкого автономного округа. Пермь, 1992. ISBN 5-7625-0162-0.
  • Коми-Пермяцкий национальный округ. Москва-Ленинград, 1948.