Коми отир

Босьтöм Википедия вылiсь
Вешшыны татчö: уялöм, кошшан
Коми увтыр

Коми отир (мукӧд диалекттэзын: коми войтыр, коми утьӧр, коми йӧз) – чудь-йӧгра вужись петӧм отир. Рӧдвуж сьӧрті комиэзлӧ медматынӧсь удмурттэз.

Коми отирлӧн эм кык ыджыт субэтнос – коми зыряна да перем комиэз, кык лыддьöтан кыв – коми (зыряна) кыв да перем коми кыв, кык асланым регион – Перем ладорись Коми кытш да Коми Республика и кык канкар – Кудымкар да Сыктывкар.

Комиэз – öтік отир[мöдкодьсьöтны | править вики-текст]

Коми дӧрапас

Коми отир пытшкын торьясьӧны кык ыджыт субэтнос: перем комиэз (125 235 морт) да коми зыряна (309 013 морт).

Мукӧд туяліссез лыддьӧны перем комиэзӧс да коми зырянаӧс торья этноссэзöн (народдэзöн). Этія нёджжӧлыс ӧддьӧн кивыв и роч юраліссезлӧ, да сысянь сідз и гижсьӧ быдӧс роч небӧггезын, этадз и велӧтӧны коми челядьӧс школаэзын.

Но асьнысӧ коми отир быдлаын ас кыв выланыс шуӧны комиэзӧн, быд комиыс шуӧ асьсӧ коми морт. Быдкодь регионнэзын быдмӧм комиэз мырсьытӧг вежӧртӧны ӧтамӧднысӧ, эд коми йӧзлӧн басниэз торьясьӧны токӧ кыдз диалекттэз. Ассиныс кывнысӧ комиэз быдлаын шуӧны коми кыв (диалекттэзын сідзжӧ коми кыл, коми кыы).

Коми зыряна коласісь ӧні мӧдӧны торйӧтчыны Изьва дорись комиэз (15 607 морт, кӧдна медбӧрья гижӧтӧм дырни босьтӧмась аслыныс ним изьватас, рочӧн – коми-ижемцы)

Перем комиэз коласісь торья отирӧн шусьӧны бы Язьва дорись мукӧд комиэз (20 морт, кӧдна 2002 вося гижӧтӧм дырни нимтӧмась асьнысӧ язьвинскӧй пермяккезӧн).

Ним йылісь[мöдкодьсьöтны | править вики-текст]

Медодз роччез шуӧмась быдӧс коми отирсӧ ӧтласа нимӧн – пермяна нето пермяки, пермичи, но XVII вексянь ойвыв комиэсӧ рочӧн пондісӧ гижны зырянаӧн, а лунвыв комиэсӧ – пермяккезӧн. Этнія ниммез дынӧ жагӧник велалісӧ и асьныс комиэз, да унажыкыс сідз и кутчисӧ шуны асьнысӧ, кӧр баитӧны рочӧн.

Ойвыв комиэз (зыряна) 1921 годӧ шупкисӧ роччезлісь босьтӧм нимкодьсӧ да рочӧн шуӧны асьнысӧ дзир комиэзӧн (коми народ пӧ мы), кӧть роч наукаын нагладь лӧсьӧтісӧ ним коми-зыряна, мед вежӧртны, кӧдладорись комиэз йылісь сёрниыс.

Коми кытшын олісь комиэзлӧ, кӧдна одзжык асьнысӧ шуисӧ рочӧн пермяки, а комиӧн коми, 1925 во бӧрын юраліссез тшӧктісӧ и рочӧн, и комиӧн шусьыны коми-пермяккезӧн (коми-пермяки). Коми отир татӧн дыр вермасисӧ, мед чапкыны этійӧ нимкодьсӧ, но 1937 во бӧрын сетчисӧ, кӧть и аспондасиныс сё шуӧны асьнысӧ важ мозӧн - коми.

Язьва дорын олісь комиэз ӧнӧдз шуӧны асьнысӧ рочӧн дзир пермяккезӧн, а Киров лапӧлын комиэз (зюзьдінса) – пермянаӧн.

Мукӧд перем комиэз (Сыктыв йылын, Лэт йылын да Луз дорын оліссез), кӧдна совет кадӧдз рочӧн шуӧмась асьнысӧ пермяккезӧн, ас кадӧ пырӧмась Коми Республикаӧ да ӧні наукаын лыддисьӧны коми зыряна колысын.

Изьва ю дорын олісь комиэз, кӧр мӧдӧны мыччавны ассиныс неӧткодьсӧ мӧдік зыряна коласісь шуӧны асьнысӧ изьватас, мый лоӧ ‘Изьва ладорын оліссез’. Рочӧн нія асьнысӧ шуӧны коми ижемсаӧн (Ижмаӧн роччез нимтӧны Изьва юсӧ), кӧть и совет кадӧдз татісь отирыс вӧлі тӧдса кыдз ижемскӧй зыряна.

Перем коми кыв вылын, кӧр колӧ тодиль мыччавны кӧда субэтнос йылісь басниыс, пондамӧ гижны сідз: перем комиэз да коми зыряна.

Олан муэз[мöдкодьсьöтны | править вики-текст]

Унажык сы йылісь видзӧт: Коми отирлӧн олан муэз

Коми отирлӧн оланіннэз Рочмуын

Коми отирлӧн горт муэз куйлӧны Коми Республикаын, Перем ладорын да Киров лапӧлын. Ыджыткодь чукӧррезӧн комиэз олӧны и ордча муэзын: Мурман лапӧлын, Яран кытшын, Ямал кытшын, Йӧгра кытшын.

Лыд[мöдкодьсьöтны | править вики-текст]

Унажык сы йылісь видзӧт: Коми отирлӧн демография

Коми отирлӧн лыдыс Роч му пасьта 2002 вося гижӧтӧм сьӧрті вӧлӧма пӧ быдсӧн 434 248 морт. Унажыкыс олӧны Коми Республикаын (256,5 сюрс морт) да Перем ладорын (103,5 сюрс морт).

Янсалӧм[мöдкодьсьöтны | править вики-текст]

Унажык сы йылісь видзӧт: Коми отирлӧн янсалӧм

Коми отир янсалӧ кык ыджыт тор вылӧ: перем комиэз да коми зыряна, кӧдна лоӧны коми отирлӧ медшӧр субэтноссэзӧн.

Быд ыджыт субэтносын этнограффез торйӧтӧны поснитжык чукӧррез. Коми отирлӧн эттшӧм чукӧррез олӧны мӧдіккезсянь торйынмоз, нылӧн эм аскоддяыс быдлуння оланын, поверьёэзын, юрбытаннэзын да быдӧс лов культураын.

Перем комиэз коласын адззам то кытшöм этногруппаэз:

Коми зыряна коласын эмӧсь сэтшӧм юкӧттэз:

Мукӧд комиэз мунӧмась Сибирӧ да сэтчин аркмӧмась сэтшӧм чукӧррез:

Кыв[мöдкодьсьöтны | править вики-текст]

Унажык сы йылісь видзӧт: Коми кыв

Перем ладорын да Коми Республикаын олісь комиэзлӧн эм быдас аслас кыв стандарт, кӧдӧ аркмӧтӧмась татісь диалекттэз под вылын. Перем ладорись Коми кытшын лӧсьӧтӧм кывcӧ шуам перем коми кыв (нето перем комиэзлӧн лыддьӧтан кыв, рочӧнжык: коми-пермяцкӧй литературнӧй кыв), а Коми Республикаын лӧсьӧтӧм кыв стандартсӧ – коми зыряналӧн лыддьӧтан кылӧн, нето дженытжыка коми зыряна кылӧн (асьныс зырянаыс сійӧ нимтӧны коми гижӧд кыв).

История[мöдкодьсьöтны | править вики-текст]

Унажык сы йылісь видзӧт: Коми отирлӧн история

Видзӧт сідзжӧ[мöдкодьсьöтны | править вики-текст]

Ӧшмӧссэз[мöдкодьсьöтны | править вики-текст]

  • Белицер В.Н. Очерки по этнографии народов коми. М., 1958.
  • Коми войтыр: культура да история йылысь дженьыд серпаскывъяс. Сыктывкар, 2008. ISBN 978-963-9876-02-6.
  • Коми-зыряне. Историко-этнографический справочник. Сыктывкар, 1993. ISBN 5-7555-0440-7.
  • Коми-пермяккез. Кудымкар, 2008. ISBN 978-963-9876-09-05.
  • Народы Поволжья и Приуралья // Коми-зыряне, коми-пермяки, марийцы, мордва, удмурты. М., 2000.
  • Теплоухов А.Ф. Пермяки и зыряне // Пермский краеведческий сборник. Вып.2. Пермь, 1926.


Чудь-йöгра отиррез
Волга вуж: мариэз | эрзяэз | мокшаэз

Йöгра вуж: мадьяррез | мансиэз | хантыэз

Перым вуж: комиэз | удмурттэз

Саам вуж: сааммез

Чудь вуж: вадьяэз | вепссэз | ижора | кареллэз | ливвез | финнэз | эсттэз