Пыдӧс (Кӧсладор район)

Босьтöм Википедияись
Пыдӧс
Пыдосово
Му:  Рочму
Статус:  грезд
ладор:  Перем ладор
район:  Кӧсладор район
Инлыдпассэс:  59°51′00″ с. ш. 54°40′25″ в. д.HGЯO
Веськӧтлан кыв коми, роч
Отир лыд  117 морт (2009)
Час кытш:  UTC+5
Телефон нумерӧ содтӧт:  +7 34298
Почта инпас:  619451
Авто нумерӧ содтӧт:  59, 81

Пыдӧ́сПерем ладорись Коми кытшын, Кӧсладор районісь Чадзӧв посадмуын грезд (деревня).

Ним йылісь[вильмӧтны | Вильмӧтны код]

География[вильмӧтны | Вильмӧтны код]

Пыдöс грезд сулалö Кӧс посадсянь лунвыв-асыввылö 20 км ылынаын, Бачман ладорын.

Медматісь грезддэз поздісьöмась Пыдöсыссянь асыввылö: Чоййыл да Бачманöв (километра етш ылынаын), Гортлуд (3,5 км ылынаын) да Красинькöв (4,5 км ылынаын).

Мыссэз:

  • Чöлпа́наму = Городищё (вöрсялöм ыб)
  • Кыдзза́мыль

Матісь нюррез:

  • Го́ртнюр
  • Красноя́рнюр
  • Öме́н

Матісь юэз:

  • Гортшо́р
  • Кульпо́зъяшор
  • Сьöдшо́р

Пруддэз:

  • Бади́ пруд
  • Мико́л пруд

Мельничаэз:

  • Кона́ мельнича
  • Кульпозъя мельнича
  • Маті́сь мельнича
  • Тима́ мельнича

Янсалöм[вильмӧтны | Вильмӧтны код]

Пыдöс грездын нёль тор:

  • Бе́рег (шор сайын)
  • Тыгӧ́п (гöпыс косьмöм ни)
  • Ляпи́нчи (ляпинчи увтыр сьöрті)
  • Барми́нчи

Туйез[вильмӧтны | Вильмӧтны код]

Öні Пыдӧсын лыддьöны нёль туй [1]:


Коми ним Роч ним
Вапöв туй ул. Набережная
Вердöл туй ул. Высотная
Ёртасян туй ул. Дружбы
Колхоз туй ул. Колхозная

История[вильмӧтны | Вильмӧтны код]

Веськöтлан[вильмӧтны | Вильмӧтны код]

Ӧні Пыдӧсыс пырӧ Чадзӧв посадмуӧ.

Посадмуись специалист Нилогова Галина Алексеевна пукалö Бачманöвын.

Почта да полициялöн урядник вовлöны Чадзöвсянь.

Отир[вильмӧтны | Вильмӧтны код]

Олöны Пыдöсын пыдӧ́счи, айка мортöс шуöны пыдӧ́сöвеч, инька мортсö пыдӧ́ска; тöдчаннимыс пыдӧ́сісь нето пыдӧ́сöвскöй.

Отирыс комиöсь, баитöны комиöн.

Гумагаэз сьöрті 2009' во пондöтчикö Пыдӧсын олöмась 117 морт, кöдна видзöмась 31 горт. Былись олöны 70 мымда морт, кöзяйствоэз 24 гöгöр.

Медваж фамиллёыс Пыдöсас Кучев. Йöзыс гишшöны сідзжö Нилогов, Пономарёв, Сизов.

Пыдöс грездын вöлöмась сэтшöм увтыррез:

  • Абра́м рöд
  • Бади́ рöд
  • Ва́рка рöд
  • Додо́ рöд
  • Карла́ш рöд
  • Кона́ рöд
  • Кузьне́ч рöд
  • Ла́дько рöд = Тупка рöд
  • Ляпи́ч рöд
  • По́лько рöд
  • Селькӧ́в рöд

Öні инькаэз грездын кольччöмась етша, унажык олöны мужиккез. Томмез мунöны Пыдӧсісь овны мöділаö.

Кöзяйство да быт[вильмӧтны | Вильмӧтны код]

Колхозыс разьсьöм бöрын сюсö кöдзны дугдöмась. Отирыс торйöн видзöны пода (мӧссэз, вӧввез, порссез, баляэз), быдтöны карч, унажыксö картов.

Айка морттэз ветлöны вахтаэзö.

Öктöны пуягӧд, чöд (сьӧдъягӧд), нюрмöль (туримоль), нямыр, сьӧлаягӧд, малина (ӧмидз), муягöд (озъягӧд), сэтӧр.

Туйес Пыдöсас куш му. Автобус абу, эм асторья такси. 8-9 мортлöн эм ас машина.

Телевизор мыччалö, радио кывзан токö приёмник пыр. Гортся телефоннэз етша. Мобильниккез кутöны UTEL.

Эм кык асторья лавка.

Быт службаэз абуöсь, шырсьыны да мый да ветлöны Кöсöдз.

ФАП Бачманöвын, сэтчин жö öтласа шойна.

Велöтан[вильмӧтны | Вильмӧтны код]

Челядьыс ветлöны велöтчыны Бачманöвö, кытöн уджалö под школа - челядьсад. Велöтöны коми кыв.

Культура[вильмӧтны | Вильмӧтны код]

Культура керку Бачманöвын, сэтöн жö библиотека.

Бачманöвас овлöны и быдöс чулöтаннэз.

Бачман ладорись вежалун — вöв празьник Гаврил лун — порйöтöны юль 26' лунö.

Казьмöтаннэз да сингажöтаннэз[вильмӧтны | Вильмӧтны код]

Ыджыт косясянын усьöммезöс казьтыланін лöсьöтöмась Бачманöвын.

Лыддьöтан[вильмӧтны | Вильмӧтны код]

  • Коми-Пермяцкий автономный округ на рубеже веков. Кудымкар, 2000. ISBN 5-87901-051-1
  • Коми-Пермяцкий национальный округ. Москва-Ленинград, 1948.
  • Мартынов М. Е. Селения Косинского района. Справочно-статистический материал. Кудымкар, 2009. ISBN 978-5-87901-127-2
  • Шаги времени. К 80-летию образования Косинского района / редактор-составитель О. П. Кучева. Пермь, 2004. ISBN 5-93683-030-X.

Ыстісяннэз[вильмӧтны | Вильмӧтны код]

  1. Вот öктіссез сайтісь