Рочов (Кудымкар район)

Рочов Рочево
Му:	Рочму
Статус:	грезд
ладор:	Перем ладор
район:	Кудымкар район
Инлыдпассэс:	59°14′01″ с. ш. 54°53′15″ в. д.
Веськӧтлан кыв	коми, роч
Отир лыд	118 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619562
Авто нумерӧ содтӧт:	59, 81

Рочо́в — Перем ладорись Коми кытшын, Кудымкар районсис Ошыб посадмуас коми грезд (деревня).

Ним йылісь

Рочов грездыс шусьö сідз натьтö медодзза олісь сьöрті, кöдалöн вöлі нимкодь Роч.

География

Грездыс сулалӧ Тыашор ю дорын, Ошыб посадсянь ойвылö джын километра ылынаын. Ойланяс Рочовсяняс 300 м ылынаын сулалöн учöтик грездок Важ Пальник.

Рочов сулалö Тыашор увтасын. Рочовын Тыашорсö шуöны сідзжö Рочовшор. Шорас гывьясьöны да туллясьöны. Чериыс етша, мыля катытын, Важ Пальникас, лöсьöтöмась пруд, кытöн йылöтöны карппез.

Янсалöм

Рочов грездын куим тор: Виль Деревня, Дуко́вчи (Важ Пальник ладорын) да Жопи́нчи (öтік керку кольччис).

Туйез

Рочовын öні лыддьöны öтік туй, кöда шусьö Медшöр туй (рочöн ул. Центральная) .

Веськöтлан

Ӧні Рочовыс пырӧ Ошыб посадмуӧ.

Отир

Рочовын олöны рочо́вса (öтік морт рочо́вись). Гумагаэз сьöрті 2009’ во пондöтчикö татöн лыддьöмась 118 мортöс, кöдна видзöмась 27 горт. Оліссес комиöсь, баитöны комиöн. Токö öтік семьяын сёрнитöны рочöн.

Отирыс гишшöны то кыдз:

• Бачев
• Вилесов
• Власов
• Кольчурин (олöны Жопинчиын)
• Лунегов (уна)
• Радостев
• Са́йкинов
• Чугайнов
• Щуков

Кöзяйство да быт

Колхозыс öні Рочовас абу. Отирыс видзöны баляэз, пороззэзöс, куканнэзöс, мöссэзöс (кöзаэз абуöсь!). Карчйöрö садитöны картовка, сёква, морков, лук, кушман, калиг.

Туйыс куш му. Медматын автобус сувтчан Ошыбын.

• Рочев грездын эм Ошыб сельполöн лавка

Культура

Культура керку да шöрöт школа Ошыбын.

Гора нима отир

• Бачева Галина Михайловна, коми поэт

Лыддьöтан

• Коми-Пермяцкий национальный округ. Москва-Ленинград, 1948.