Тшӧтшкӧр

Босьтöм Википедия вылiсь
Вешшыны татчö: уялöм, кошшан
Шӧма тшӧтшкӧр
Rumex acetosa - Hapu oblikas.jpg

Тшӧтшкӧр (лат. Rumex acetosa, рочӧн щавель кислый) – шомкор увтырись быдмас.

Унавося кыкгорта турун. Заыс веськыт, быдмӧ метра вылынаӧдз. Корыс шӧма. Лиссэз вуж дороттяс пукалӧны кузь идззез йылын, ньӧвъёсь кодьӧсь подланяс, дорыс вундавтӧм, кор шӧрӧттяс мунӧ бура тӧдчана сӧн. Ачыс корыс вермӧ лоны 15-20 см кузя. За вылас лиссэз мунӧны сьӧрсьӧн-бӧрсьӧн, идзныс пошти абу.

Дзоридзыс ӧтікпӧлаӧсь, мурӧмаӧсь нето гӧрдкодьӧсь, ӧктӧмӧсь цилиндрчужӧма моногам росоккезӧ.

Тшӧтшкӧр пантасьӧ Евразияын, Ойвыв Африкаын да Рытвыв Австралияын. Быдлаын сійӧ видзӧны сёян да бурдӧтчан турун туйӧ.

Коми муын быдмӧ видззез вылын, вӧр доррезын, вӧр кушиннэзын да пода йирсяніннэзын.

Коми отир тшӧтшкӧрсо бура сёйлӧны да тэчлӧны сёянӧ шӧм кӧрыс увья.

Коми диалекттэзын тшӧтшкӧрыслӧн эм и мӧдік ниммез:

  • Кислича
  • Шомаваля
  • Шомагунь
  • Шомань
  • Шоманька
  • Шоманьга
  • Шомапель
  • Шоматурун
  • Шомач
  • Шомачтурун

Ӧшмӧссэз[мöдкодьсьöтны | править вики-текст]

Ракин А.Н. Краткий коми-русский, русско-коми ботанический словарь. Сыктывкар, 1989.