Чадзӧв сельсовет

Чадзӧв сельсовет – 1918-2004 воэзӧ веськӧтлан юкӧт Коми кытшись Кӧсладор районын. 2003 во кежӧ татӧн вӧлі 9 оланін, да оліс 957 морт. Шӧрин – Чадзӧв грезд.

1930 годдэзӧ татӧн вӧлісӧ грезддэз: Чадзӧв, Подъячӧв, Важгорт, Пеклаыб, Карчой, Пыдӧс, Абакумӧв, Шӧрӧт Бачман, Бачман, Красильникӧв, Тылавыл, Котша, Гортлуд.

1960 воын Чадзӧв сельсовет увтісь торйӧтлӧмась муэз Лолӧг ю кузя, кытчӧ лӧсьӧтісӧ Сосновка сельсовет.

2005 годӧ Чадзӧв сельсовет туйӧ лӧсьӧтісӧ Чадзӧв посадму кытчӧ бӧр пыртісӧ муэсӧ вӧвлӧм Сосновка сельсоветісь.

Чадзӧв сельсоветын 2003 годӧ олан иннэз:

• Бачман
• Гортлуд
• Карчой
• Красильникӧв
• Пеклаыб
• Подъячӧв
• Пыдӧс
• Чадзӧв
• Чоййыл (Шӧрӧт Бачман)

Кӧркӧся оланіннэз:

• Абакумӧв
• Важгорт
• Котша
• Пилипшин (хутор)
• Тылавыл
• Шарыб (хутор)