Чуша

Босьтöм Википедия вылiсь
Вешшыны татчö: уялöм, кошшан
Чуша — америкаись анча

Чуша нето америкаись анча (лат. Neovison vison) — дона кучишока вӧй пода. Перво олӧма Ойвыв Америкаын, а ХХ векӧ, сійӧ овмӧтӧмась и Евразияын, кытӧн сія пондіс бура йывны.

Классификация сьӧрті чушаыс пырӧ нимӧтчиссез классӧ, лёквиррез чукӧрӧ, тулан котырӧ, чуша увтырӧ. Одзжык сійӧ лыддьӧмась миян анчалӧ медматісь родняӧн, но виль туялӧммез сьӧрті, америкаись анчаыс вӧлӧма матынжык тулан увтыр дынӧ, а миянісьыс — колоноккез дынӧ.

Мыгӧрнас чушаыс миян анча кодь жӧ, токӧ невна ыджытжык (лысьӧрыс — 50 см кузяӧдз, сьӧкытаыс — 2 кг-ӧдз, бӧжыс 25 см кузяӧдз). Чуннез коласын уялан дыжыс чушаыслӧн абужык зораммӧм. Кучишоккез кыкнан анчаыслӧн ӧткодь рӧмаӧсь, но чушаыслӧн гӧныс чочкомвидзӧ токӧ улісь тырп (чуш) вылас, а вылісьыс — юрвыв гӧн рӧма.

Америкаын чушасӧ кучишокыс понда быдтӧны и фермаэзын. Медыджыт фирмаэз: American Legend Cooperative да NAFA.