Вачӧртыдін (Удора район)

Босьтöм Википедия вылiсь
Перейти к навигации Перейти к поиску

Вачӧртыдін (рочӧжык Усть-Вачерга) — грезд (деревня) Коми Республикаись Удора районын, Благоев кармуас. Куйлӧ Удора район рытвылын, Кослан посадсянь 64 км ылынаын.

Ним йылісь[мöдкодьсьöтны | править код]

Вачӧртыдін ним артмӧма нёль кылісь: ва + чӧр (ю вис) + ты + дін (дын). Мӧд нимыс грездыслӧн – Важдыдін, сійӧ позьӧ вежӧртны кыдз важ + ты + дін.

История[мöдкодьсьöтны | править код]

  • Грезд аркмӧма 1646 во бӧрын, первуись казьтывсьӧ 1678 вося гижӧтан небӧгын (дер. Вачерта, 7 горт).
  • 1719 годӧ Усть-Вачерга грездын вӧлӧма 6 горт, олӧмась татӧн Савин, Елисеев, Пантелеев увтыррез.
  • 1859 воын Вачӧртыдінын вӧлі 8 горт, 68 олісь.
  • 1910 годӧ земство татчӧ осьтӧма пондӧтчан училищё. Революция одзын отирыс гӧрлӧмась му, видзлӧмась пода, вӧравлӧмась, чериавлӧмась, ветлывлӧмась шедтыны мед вӧрлэдзӧмын.
  • 1918 годӧ татӧн вӧлі 27 горт, 163 морт, 1926 годӧ – 30 горт, 158 морт. 1925 воын татӧн лоис потребкотыр.
  • 1930 годӧ грездсӧ гижӧмась Вачӧж-тыдін, сія кадӧ татӧн вӧлі 1-а тшупӧта школа, потребкотыр, милициялӧн пост, гӧрд пельӧсок, сельсӧвет.

Отир[мöдкодьсьöтны | править код]

  • 1970 – 265 морт
  • 1979 – 150 морт
  • 1989 – 95 морт
  • 1995 – 74 морт (49 горт)
  • 1999 – 39 морт (24 горт)
  • 2000 – 38 морт (26 горт)

Инфраструктура[мöдкодьсьöтны | править код]

1990 воэз помын Вачӧртыдінас вӧлі крессянин-фермерлӧн кӧзяйство «Тулыс», вӧрвидзан, клуб, медпункт.

Ӧшмӧссэз[мöдкодьсьöтны | править код]