Ниппон

Босьтöм Википедияись

Ниппон канму
日本国

Дӧрапас Вужпас

Гимн: Kimigayo (君が代)

Аркман кад 660' февраль 11' лун
Каналан кыв ниппон кыв
Юркар Токио
Веськӧтлан нёж парламента монархия
Юралісь Naruhito
Премьер Фумио Кисида
Мувывтор
му югытас
ва увтын %
377.944 км²
62’ местаын
0,8
Оліссезлӧн лыд
Му югытас
Тшӧкыта
126 672 000 (2017)
10’ местаын
336 морт/км²
Валюта эн 円 (¥, JPY)
БПЛ
му югытас
БПЛ/морт
му югытас
4,309 трлн. $ (2010)
3’ местаын
33,804 $
’ местаын
Интернет домен .jp
Телефон код +81
Кад кытш
гожумнас
JST (UTC+9)
абу (UTC+9)

Ниппон нето Нихон (ниппон кыв вылын 日本, рочöн Япония) — Асыввыв Азияын, діэз (островвез) вылын вына канму. Тыр нимыс — Ниппон канму 日本国 (Ниппон коку нето Нихон коку)[1].

Ниппоныс куйлö Лӧнь океанын, Ниппон саридзсянь асыввывланяс. Рытвылас сысянь матын куйлöны канмуэз: Рочму, Китай, Ойвыв Корея, Лунвыв Корея. Ниппоныс нюжалö Оката саридзсянь ойвылас Асыввыв Китай саридзöдз лунвылас.

Ниппоныслöн нимыс гижсьö иероглиффезöн, кöдналöн вежöртасыс "Шонді петан", сійöн Ниппонсö и шуöны Шонді петан канмуöн.

Ниппон - 6852 острова архипелаг. Медыджыт діэз нёля: Хоншу, Хоккайдо, Кюшу да Шикоку. Öтлаын нія босьтöны канмуын 97% муывывторсис. Ниппонын олöны 127 миллён морт, öні канмуыс лоö му вылас дасöт местаын оліссез лыд сьöрті. Ыджыт Токио, кöдаö пырö Ниппонлöн быльнöй канкарыс да кынымкö ордча лапöв, лыддиссьö му югытас медыджыт кар ареалöн, кытöн олöны 30 миллён морт.

Археологгез шуанöн отирыс олöны öння Ниппон му вылын вылісь палеолит кадсянь. Первуись Ниппон йылісь казьтывсьö Китайись хроникаэзын миян эрася I векын. Ниппонса понда öддьöн ассяма то мый: нія мукöд коста паськыта босьтлöмась культура йöзладорись, а мукöдкоста дыр кежö пöднассьывлöмась быдöс мирсис. XIX век помын да XX век пондöтчикö Ниппон лоис вына военнöй канмуöн, вермис китайсаöс, роччезöс, а сэсся и дӧсмирись медодзза войнаын лоис вермиссез коласын. 1937' годсянь Ниппон пондöтіс мöдік война Китайлö паныт, кöда сэсся вуджис Дӧсмирись мӧд войнаö. Этія войнаын Нипонсö пасьвартісö 1945' годö, кöр Хирошима да Нагасаки вылö чапкöмась атомнӧй бомбаэз. 1947' годö канмуын примитöмась виль конституция, кöда сьöрті Ниппоныс лоис парламента монархияöн.

Ниппон - ыжжыт вын мирись экономикаын. Сылöн БПЛ (быдöс пытшкöсся лэдзöмыс) ыжда сьöрті му югытас куимöт. Экспорт да импорт сьöрті Ниппоныс нёльöт местаын мирын. Кöть и сылö конституция сьöрті оз позь видзны армия, Ниппонын эм асдорьян выннэз, кöднö позьö ыстывлыны йöз муэзö раммöтан могöн. Ниппоныс мортвийöм сьöрті мирас мöд местаын улісянь (Сингапура бöрын). Шуöны, Ниппонын пö отирыс олöны дыржык, нежö быдöс мöдік канмуэзын.

Ыстісяннэз[вильмӧтны | Вильмӧтны код]

  1. Пайдаё информация йӧн Япония