Листбоклісь код синмалӧм Коми-Пермяцкöй округ

{{Регион
|Рӧм1                             = {{Рӧм|Рочму}}
|Коми ним                         = Коми-Пермяцкöй округ
|Ас ним                           = ''Коми-Пермяцкий округ Пермского края''
|Вужпас                           =  Coat_of_Arms_of_Komi-Permyak_Okrug_(2009).gif
|Дӧрапас                          =  Flag of Komi-Permyak Okrug.svg
|Канму                            = [[Рочму|Роч Федерация]]
|Гимн                             = 
|Статус                           = 
|Ыджытжык регион                  = [[Перем ладор]]
|Янсалӧм                   = 1 каркытш, 6 район
|Веськӧтлан шӧрин                 = [[Кудымкар]]
|медыджыт кар                     = 
|Мӧдік ыджыт каррез               =  
|Аркман кад                       = 1925' февраль 26' лун 
|Юралісь                          = [[Рычков Виктор Васильевич|Рычков Виктор]]
 |Юралісьлӧн ним                 = Министр
|Юралісь2                         = 
 |Юралісьлӧн ним2               =  
|БПЛ                              =  
 |БПЛ лыддян во                   =  
 |Места БПЛ сьӧрті                   =  
 |морт вывся БПЛ                 =  
 |Морт вывся БПЛ сьӧрті места = 
|Кыв                              = 
|Кыввез                           = [[Перем Коми кыв|коми]], [[Роч кыв|роч]]
|Оліссез                          = 116 177<ref>http://www.gks.ru/free_doc/new_site/population/demo/perepis2010/svod.xls</ref>
 |Гижӧтан во                    = 2009 во
 |Быдӧс оліссезсис процент        = 
 |Оліссез лыд сьӧрті места        = 
 |Оліссезлӧн тшӧкыта                      = 3,9
 |Тшӧкыта сьӧрті места             = 
 |Чужанвуж сьӧрті тэчас                 = [[Коми отир|комиэз]] 59%, [[Роч отир|роччез]] 38% 
 |Эскан сьӧрті тэчас             =  
|Мувывтор                            = 32 770
 |Мувывтор сьӧрті процент             =  
 |Мувывтор сьӧрті места              =  
|Медыджыт вылына              =   335
|Шӧрӧт вылына                   = 
|Медучӧт вылына               = 
|Паськыта                          = 
|Кузьта                          = 
|Мусерпас                         = RussiaPermyakia.png
|Мусерпасыслӧн ыжда                    =
|Регионлӧн мусерпас             = 
|Кад кытш                         = +5 (гожумнас +6)
|Джендӧтӧм                     =  
|ISO                              = 
|FIPS                             = 
|Телефон код                      = +7 34-260
|Пошта индекссэз                   =  619000
|Интернет-домен                   = 
|Автомобиль код                   = 59,81,159 
|Сайт                             = http://minkpo.permkrai.ru/
|Категория Commons-ын           = 
|Пасйӧттэз                       = 
}}
'''Коми-Пермяцкöй округ''' ({{кыв+ru|Коми-Пермя́цкӧй о́круг Пе́ремскӧй кра́йын}}) — ассяма статуса {{comment|мувывтор|территория}} [[Рочму|Роч Федерацияын]], [[Перем ладор|Перем ладорас]]. Куйлӧ [[Урал (керӧссэз)|Урал]] одзын, [[Кама (ю)|Кама]] йыввезын. [[Коми отир|Коми отирлӧн]] чужанін. Коми йӧзыслӧн мӧд чужан му — [[Коми Республика]], куйлӧ Коми кытшсяняс ойвылынжык.

Коми кытшыслӧн мувывтор — 32,77 сюрс км². Оліссез — 127 сюрс морт (2009), ны коласын комиэз 60,2%. {{comment|Веськӧтлан шӧрин|Административнöй центр}} — [[Кудымкар]]. Кытшас 6 район: [[Гайна район|Гайна]], [[Кӧсладор район|Кӧс]], [[Кӧчладор район|Кӧч]], [[Кудымкар район|Кудымкар]], [[Юрла район|Юрла]] да [[Юсьва район|Юсьва]] гӧгӧртасын. Кытшас дзир ӧтік кар — Кудымкар, ӧтік карок — [[Пожва (Юсьва район)|Пожва]], 30 посад, 66 посёлок да 590 грезд (деревня).

Кытшыс аркмӧма 1925' годӧ февраль 26' лунӧ. Медодз пырӧ вӧлі [[Урал лапӧв|Урал (Свердловск) лапӧлӧ]] (областьӧ), а 1938 во бӧрын — [[Перем лапӧв|Перем (Молотов) лапӧлӧ]]. 1993'-2005' воэзӧ вӧлі Роч Федерациялӧ субъектӧн, шусис [[Перем комиэзлӧн асъюралан кытш]]. 2005' годся декаб 1' лунсянь, асъюралӧмыс вӧлі вештӧма да, Коми кытшыс лоис ассяма статуса мувывторӧн вились аркмӧтӧм Перем ладорын.

Медыджыт мортӧн Коми кытшын лыддисьӧ Перемсянь иньдӧм министр. Сылӧн эм аслас веськӧтлан, рочӧн шусьӧ Перем ладорлӧн Коми кытш делоэз сьӧрті министерство. Медодзза министрӧн 2005'-2008' воэзӧ вӧлі [[Баяндин Валерий Ильич|Баяндин Валерий]]. Сэсся, 2008' год {{comment|помсянь|конецсянь}}, Коми кытш сьӧрті уджалісь министрын пукаліс [[Быкариз Игорь Яковлевич|Быкариз Игорь]], а 2012 во юньсянь [[Рычков Виктор Васильевич|Рычков Виктор]].

Кытшыс олӧ Урал кад сьӧрті: муюгыт (Гринвидз) кад + 5 час (гожумнас + 6 час), Мӧсква кад + 2 час. 

Сьӧмнас Коми кытшын лыддисьӧ роч шать (руб). 1 шать = 100 {{comment|ур|копейка}}.

Унажык отир олӧны вӧр лэдзӧмӧн, тшак-ягӧд да йӧв-яй вузалӧмӧн, мукӧдыс уджалӧны {{comment|кысъялан|обслуживаннё}} сфераын.

Коми кытшын абу кодя кӧрттуйез. Кудмыкарсянь кӧрттуй дынӧдз (Менделеёв нима поз дынӧдз) колӧ мунны 100 км. 

== Ним ==
'''Перем ладорись Коми кытш''' рочӧнжык шусьӧ '''Коми-Пермяцкӧй округ Перемскӧй крайын'''. Татӧн олісь отирыс пыр шуисӧ и шуӧны ассиныс кытшнысӧ '''Коми округ'''. ''Округыс'' — роч вылісь кӧ вуджӧтны лоӧ ''кытш''. Сідз и пондамӧ сійӧ сэсся шуны ас кыв вылын — '''Коми кытш'''. Юраліссез нимтӧмась кытшсӧ медодз '''Коми (пермяцкӧй) национальнӧй округ''', 1937' год бӧрын '''Коми-Пермяцкӧй национальнӧй округ''' (комиӧн кӧ шуны, этія лоӧ '''Коми отирлӧн кытш'''), 1977' восянь, Роч муын виль Конституция лэдзӧм бӧрас, кытшыслӧн нимыс лоис '''Коми-Пермяцкӧй автономнӧй округ''' (комиӧн — '''Комиэзлӧн асъюралан кытш'''). Ӧні, асвеськӧтлӧм абу ни да, тыр нимыс кытшыслӧн лоӧ '''Перем ладорись Коми кытш'''.

Ассис нимсӧ кытшыс босьтӧма татӧн важынсянь олісь [[коми отир]] ним сьӧрті, кӧдна понда сія и вӧлі лӧсьӧтӧм. 

== Статус ==
[[Файл:Komi kych doryn pas.JPG|thumb|right|350 px|Коми кытш дорын пас]]
{{Main|Перем ладорись Коми кытшлӧн статус}}

Ӧння тодильнӧй статус Коми кытшыслӧ вӧлі пуктӧма 2007 годӧ апрель коста, кӧр Перем ладор понда [[Перем ладорлӧн туйдӧттэз лэдзись ӧксян|туйдӧттэз лэдзись ӧксян]] (Законодательнӧй собраннё) пыртіс оланӧ [[Перем ладорлӧн Устав|Перем ладорлісь Устав]]. 
Сы сьӧрті Коми кытшыслӧн мувывторыс (территория) кольччӧ сы ыжда жӧ, мый ыжда вӧлі Перем лапӧвкӧт ӧтлаасьтӧдз. 

Перем ладор понда туйдӧттэз лэдзись ӧксянын Коми кытш нимсянь баитӧны кык морт, кӧднӧ бӧрйӧны ӧті манадата кык бӧрьян кытшын.

Коми кытшын Перем ладор юраліссезлісь шуӧммесӧ пыртӧ оланӧ Перем ладорлӧн Коми кытш делоэз сьӧрті министерство. Этія министерствонас веськӧтлӧ Перем ладорлӧн министр, кӧда лоӧ Коми кытшын юралісьӧн. 

Уставись 42 параграф сьӧрті [[Перем ладор|Перм ладорын]] канму (государство) нимсянь веськӧтлан органнэзлӧ колӧ лӧсьӧтны уджнысӧ сідз, '''медбы перем коми отирлӧн зорамис кыв, лов культура да этнослӧ аскодя мӧдік берся'''. 

Перем ладорись Коми кытшын веськӧтлан кылӧн лоӧ [[роч кыв]]. Сыкӧт ӧтлаын веськӧтлан керкуэзын позьӧ баитны и комиӧн ([[Перем Коми кыв|перем коми кыв]] вылын).

== Янсалӧм ==
[[Файл:Location of Komi-Perm Okrug (Perm Kray).svg|thumb|right|250 px|Коми кытш Перем ладорын]]
{{Main|Перем ладорись Коми кытшлӧн янсалӧм}}

Перем ладорись Коми кытшӧ пырӧны квать район да ӧтік кар.
{| border=1
!Районлӧн ним
!Ыджда 

(км²)
!Отир лыд 

(сюрс морт)
!Кыным 

олан ин
!Шӧрин
|-
|[[Гайна район]] 
|14928
|21
|51
|[[Гайна (посёлок)|Гайна]]
|-
|[[Кӧсладор район]] 
|3462
|10
|61
|[[Кӧс посад|Кӧс]]
|-
|[[Кӧчладор район]] 
|2700
|12,3
|79
|[[Кӧч посад|Кӧч]]
|-
|[[Кудымкар район]] 
|4741
|29,9
|295
|[[Кудымкар]]
|-
|[[Юрла район]] 
|3831
|12,2
|94
|[[Юрла (посад)|Юрла]]
|-
|[[Юсьва район]]  
|3100
|29,5
|166
|[[Юсьва (посад)|Юсьва]]
|}
Ны коласын коми районнэзӧн лыддисьӧны Гайна, Кӧс, Кӧч, Кудымкар да Юсьва, сваль роч районӧн — Юрла. Ӧнісӧ коми отир лёка рочсялӧ быдлаын, сійӧн и одзза районнэсӧ оз ни позь шуны тырмӧмви комиэзӧн.

Ойвыв районнэз коласӧ пырӧны Гайна, Кӧс, Кӧч да Юрла увтісь муэз, лунвыв районнэзӧн лоӧны Кудымкар да Юсьва увтісь муэз.

Быд районын эм отирсянь бӧрйӧм юралісьыс да ӧксяныс. Нія лӧсьӧтӧны районлыслӧ бюджет да видзӧтӧны асланас мувывторын кӧзяйство да культура зорӧтӧм сьӧрын.

Районнэз асьныс янсалӧны поснитжык муниципал юкӧттэз — посадмуэз вылӧ .

== География ==
{{Main|Перем ладорись Коми кытшлӧн география}}
[[File:Permyakia03.png|thumb|right|250px]]
Перем ладорись Коми кытшыс куйлӧ [[Роч мупод|Роч муподыслӧн]] асыввыв тор вылын, [[Урал (керӧссэз)|Урал]] керӧссэзсянь рытланьын, [[Кама (ю)|Кама]] ю йыввезын. Перем ладорсис кытшыс босьтӧ ой-рытвыв тор. 

Кытш олӧ IV час отын, неӧткодьыс Мӧскваыскӧт — +2 час.

'''Мувывтор'''

Муыслӧн ыжда 32,77 сюрс км², этія лоӧ Перем ладорись 20,4%. Коми кытш ыджытжык сэтшӧм канмуэзся кыдз [[Штиприя|Албанму]], [[Аястан|Арменму]] нето [[Белгия]].

Ойвывсянь лунланьӧ кытшыс нюжалӧ 280 км, рытвывсянь асывланьӧ — 180 км.

Кытшыс куйлӧ вылын паськытаэзын. Сылӧн медылісь чутоккез: ойвылын 61°04′ о. п., 52°52′ а. к., лунвылын 58°33′ о. п., 54°47′ а. к., рытвылын 69°32′ о. п., 51°47′ а. к., асыввылын 59°15′ о. п., 56°15′ а. к.

Ойвылас кытшыскӧт ордчӧн куйлӧ коми йӧзыслӧн мӧд чужан му — [[Коми Республика]], рытвылас — [[Киров лапӧв|Киров лапӧлі]]сь [[Камакатыт район|Камакатыт]] да [[Зюзьдін район|Зюзьдін]] районнэз, лунвылын — Перем ладорись [[Сива район|Сива]], [[Карагай район|Карагай]] да [[Ильинскӧй район|Ильинскӧй]] районнэз, асыввылын — Перем ладорись [[Добрянка район|Добрянка]], [[Усоллё район|Усоллё]], [[Совкар район|Совкар]] да [[Чердын район|Чердын]] районнэз. 

Ойланься визирыс мунӧ [[Ойвыв мыссэз]] кузя, рытланься — [[Вятка-Перем мыссэз|Вятка-Перем мыссэзӧт]] да [[Камайыв вылынін]] кузя, лунланьсяыс — сія жӧ вылыніныслӧн мусюррезӧт да [[Обва-Иньва волькытін]] кузя. Асывланяс визирыс мунӧ [[Кондӧс мыссэз|Кондӧс мыссэзӧт]], [[Кӧсва лажмытін|Кӧсва]] да [[Весляна лажмытін|Весляна]] лажмытіннэз кузя.

=== Му ===
'''Му пытшкӧс'''

Роч мупод, кӧдалӧн тай асыввыв дорланяс куйлӧ Коми кытшыс, лоӧ кыксувда: улынжык — кристалл кодь топыт фундамент, вылынжык — пуксьӧссэзісь (осадочнӧй) вевтӧс. Медся уна пуксьӧссэз кольччӧмась палеозой кадся перем системасянь. Коми кытшыслісь мувывторсӧ нія тыртӧны 60% вылӧ. Коми кытш рытвыв визир пӧлӧн паськалӧмась мезозой кадся пуксьӧссэз (вевттьӧны 30% мувывторсис). Геология сьӧрті медтом — кайнозой — кадся пуксьӧссэз быдлаӧт вӧснит вевтӧсӧн шебралӧны важынжык, палеозӧй да мезозой кадӧ, пуксялӧмсӧ. 

'''Му вевдӧр'''

Му вевдӧрыс Коми кытшын абу ӧткодь. Пуксьӧса породаэз куйлӧны топыт фундамент вылас горизонталь нёжӧнжык, сійӧн и рельефыс унажыксӧ лажмыт да волькыт. Муыс лэбӧма, саридз вевдӧрсянь кӧ лыддьыны, шӧркодяс 100-200 м вылынаӧ. 

Кытшыс ойвылын да рытвылын муыс вылынжык. Татӧн сулалӧны [[Ойвыв мыссэз]] да [[Камайыв вылынін]]. Медся джуджыта муыс лэбӧма Лопва да Юм ю йыввезын, кытӧн адззӧмась и кытшыслісь медвылын чутокcӧ — 329 м. 

Лажмытжык да волькытжык муэз паськалӧмӧсь Коми кытш шӧрӧттяс да лун-асыввылын: [[Весляна лажмытін]] (татӧн куйлӧны кытшись медлажмыт чутоккез — 120-130 м), [[Кӧсва лыжмытін]], [[Обва-Иньва волькытін]].

Асыввыв визирыс пӧлӧн Коми кытшас буракодь тӧдчӧны [[Кондӧс мыссэз]]. Кӧсва да Велва коласын ва юкан визьӧттяс нія йитчӧны Камайыв вылынінкӧт.

'''Мупытшся шедтассэз'''

Мупытшся шедтассэзісь Коми кытшын медодз колӧ казьтыштны кӧрт руда, кӧдӧ адззӧмась эшӧ XIX век шӧрын. 1856' годӧ граф Строганов осьтӧма Кува дорын металл керан завод, кӧда уджалӧма 1909 воӧдз. Эмӧсь сідз жӧ мусир (нефть), торф, бивидзан сёйез, извесь иззэз, лыа (песӧк), охра. 
 
Коми кытш озыр и минерал ваэзӧн. Кудымкар да Юсьва районнэзын адззӧмась веськӧтчӧм понда ӧддьӧн лӧсялан ваэз: хлорида-натрияӧсь, сульфата-натрияӧсь, иода-бромаӧсь да сира-ваувтыраӧсь. Позьӧ босьтны бурдӧтчӧм могись и Майкар дорись минерал ва петаніннэз.

'''Мусиннэзз'''

{{Main|Перем ладорись Коми кытшын мусиннэз}}

=== Ваэз ===
'''Юэз''' 

Коми кытшас 400-ся унажык ю. Невна не быдӧнныс лоӧны [[Кама (ю)|Кама]] бассейнын. Ачыс Кама ю кытшыс му кузя котӧртӧ рытвывсянь асывланяс, а сылӧн вожжес (притоккез) артмӧтӧны кытшыслӧ быдӧс ю везӧт (речнӧй сеть). Шульга вожжес ([[Весляна (Коми кытшын ю)|Весляна]], [[Луп (ю)|Луп]], [[Леман (ю)|Леман]]) ӧктӧны ва Ойвыв мыссэзісь, а веськыттэз ([[Иньва (ю)|Иньва]], [[Кӧсва (ю)|Кӧсва]]) — Камайыв вылынінісь.

Иньва вожжезісь колӧ казьтыштны [[Кува (Иньваӧ усян ю)|Кува]], [[Велва (ю)|Велва]], [[Юсьва (ю)|Юсьва]], [[Исыв (ю)|Исыв]].

Кӧсва вожжезісь медкузьӧсь — [[Лолӧг (ю)|Лолӧг]], [[Лопва (ю)|Лопва]], [[Янчер (ю)|Янчер]], [[Онолва (ю)|Онолва]], [[Сэпӧль (ю)|Сэпӧль]], [[Юм (ю)|Юм]]. 

Весляналӧн медыджыт вожӧн лоӧ [[Сьӧдъю]]. 

'''Тыэз''' 

Тыэз Коми кытшын етшаӧсь, и куйлӧны нія ойланьынжык — [[Кама]] ольын, шульга вадӧрас. 

Унажык тыыс — ю дорсяӧсь. Нія аркмӧны юыслӧн важ ӧрын, лоӧны джын тӧлісь кодьӧсь, кузьмӧса нето лента кодьӧсь. Медыджыт ны коласіь [[Нахты]], ссээся эмӧсь [[Кривчи (ты)|Кривчи ты]], [[Тундра ты]], [[Улын Старича (ты)|Улын Старича]], [[Вылын Старича (ты)|Вылын Старича]], [[Вежаты]], [[Леман ты]], [[Валаужом]]. Ны коддьӧм жӧ юдорся тыэз, кӧть и бура учӧтжыкӧсь панталамӧ Кӧсва, Иньва да Весляна оллезын. Медгырисьӧсь ны коласын аркмӧмась Юсьва районын, [[Купрӧс]] посад дынын.

Юдор тыэзся эмӧсь и сэтшӧм тыэз, кӧдна аркмисӧ му вевдӧрын важся лажмалӧммезын, кӧр кыссян йы (ледник) сылікӧ ны кузя котӧртіс ваыс. Этатшӧм тыэзӧн лоӧны [[Вадты]] да [[Оныл (ты)|Оныл]], кӧдна куйлӧны Коми кытш ой-рытвылын, [[Порыш]] да [[Утьва]] юэзлӧн ваюканінын, дзибья вӧр да нюррез коласын.

'''Пруддэз''' 

Коми кытшын 70 кыным пруд. Нія не быдлаын ӧтмымдаӧсь. Медуна пруддэз Юрла да Кӧч районнэзын. Медыджыттэз коласісь лыддісьӧ сідзжӧ [[Кува пруд]] Кудымкарын. Татісь босьтӧны ва карын оліссез понда. Уна пруддэзын быдтӧны чери, мукӧдас чериалӧны, мукӧд дорас шоччисьӧны отир: тульӧтчӧны да уялӧны. 

'''Кама вавидзанін''' Коми кытшланьӧ петӧ рытвыв дорнас. Татӧн аркмӧмась Иньва да Пожва курьяэз, кытӧн сулалӧны порттэз: [[Усть Пожва]] да [[Майкар]]. 

'''Нюррез'''. 

Сійӧн, мыля Коми кытшыс куйлӧ волькытінын, ваыс кымӧрсянь усьӧ унаӧв, а пакмӧ сія муись умӧля, татӧн и аркмӧмась ӧддьӧн уна нюррез, медуна ойланяс да шӧрӧттяс. Нюррезісь унажыкыс вевдӧрсяӧсь нето вуджанаӧсь. 

Паськыт нюррез куйлӧны Важты да Онолва тыэз гӧгӧр, Утьва да Порыш ю йыввезын. Паськыт да кузь визьӧн нюжалӧны нюррез Кама шульга вадӧр пӧлӧн, Тимшор, Луп, Леман дорезын, Весляна йыввезын. Нюррезлӧн этія чукӧр шусьӧ Гайна нюррезӧн. Уна нюр эм Кама да Кӧсва коласын ва юканінын ([[Селиш нюр|Селиш]], [[Солым нюр|Солым]], [[Булач нюр|Булач]]). Нежык гырись нюррез куйлӧны Кӧсва да Лолӧг коласын, а сідзжӧ Чус, Янчер да мукӧд ю йыввезын. 

Коми кытш лунвылын, кытӧн вундалӧм мыса-кыраса вевдӧрыс сетӧ вевдӧрся ваэзлӧ мымдакӧ дренируйтчыны, нюррез етшажыкӧсь. Невна не быдӧнныс — увдӧрся нюррез, васӧ кыскӧны грунтісь. Куйлӧны нія Иньва бассейнын да ыждананас абу гырисьӧсь. 

=== Климат ===
{{Main|Перем ладорись Коми кытшын климат}}

Руыслӧн сям Коми кытшын небыта континентвывся: гожумыс кӧть и шоныт, а дженыт, тӧввез жӧ мукӧд воэзӧ сулалӧны ӧддьӧн ни кӧдзытӧсь. Этійӧ позьӧ вежӧртны: кытшыс куйлӧ экваторсянь зэв ылын да и океан доррезсянь абу матын. Сійӧн и руыслӧн тӧвся шонтӧгыс (температураыс) лажмытӧв, а неӧткодьыс тӧвся да гожумся шонтӧггез коласын ӧддьӧн ыджыт.

Уна во сьӧрна казялӧмась: январын шӧрӧт шонтӧгыс (температураыс) Коми кытшас -16°С, юль коста — +17°С. Сідзкӧ неӧткодьыс шонтӧгыслӧн лоӧ годнас 33°, а мукӧд воэзӧ медыджыт да медучӧт шонтӧггез коласын неӧткодьыс вермас локны 85°-ӧдз. Кӧть и кытшыс куйлӧ 3000 км-ся ылынжык [[Атлантика океан|Атлантика океансяняс]], этія океаныс сё жӧ буракодь павкӧ сы климатыслӧ. Годыслӧн кӧдзыт кадӧ рытвыв да лун-рытвыв тӧввез вайлӧны кымӧррез, сы коста пондӧ лымьявны да шоналыштлӧ. А воыслӧн шоныт кадӧ нія жӧ тӧввез чинтӧны руыслісь шонтӧгсӧ да вайлӧны зэррез.

=== Быдмассэз ===
{{Main|Перем ладорись Коми кытшын быдмассэз}}

Коми кытшын быдмӧтыс быдсяма.

=== Вӧрпода ===
{{Main|Перем ладорись Коми кытшын вӧрпода}}

Коми кытшыслӧн ыджытжык тор вӧр увтын куйлӧ, сійӧн и фаунасӧ татӧн аркмӧтӧны вӧрын олісь подаэз. Ассямаӧн лоӧ сія, мый кытшас сорасьӧны ӧтамӧдныскӧт фаунаэз Европалӧн да Азиялӧн. 

Йӧлӧнвердіссезлӧн татӧн эм кынымкӧ увтыр. 

Сюраэз коласісь пантасьӧны [[вӧрмӧс]] (йӧра), ойвыв [[кӧр]], Сибирись вовлӧ [[косуля]]. 

Лёквиррезӧн шусьӧны руда-гӧрд [[ош]], [[кӧин]], [[руч]], [[вӧркань]], [[тулан]], [[чужмӧр]], [[учкись]], [[хорь]], [[барсук]], [[вурд]], [[лана]]. 

Йылӧмӧн йылӧны йирсиссез: [[ур]], [[кӧч]], [[виззяорда]], [[Ондатра|ондатара]], [[мой]], быдкодь [[Шыр|шыррез]]. 

Гебсёйиссез шӧрись казьтыштам [[Мукань|муканьӧс]], [[Ёж|ёжӧс]], [[Мушыр|мушырӧс]].

Кайпӧлӧс быдчужӧма жӧ. Вӧрын олӧны [[Вӧр сьӧла|сьӧла]], [[дозмӧр]], [[тар]], чочком да руд [[Чочком бадьӧг|бадьӧг]], [[вальдшнеп]], а нысся и поснит каёккез: сера [[кыр]], [[сизь]], [[уркай]], [[кӧк]], [[герскан]], [[сырчик]] (пичик), [[перк]], [[жонь]], [[чикыш]], [[джыдж]], [[пистӧг]], [[рудкай]] да мӧдіккез.

Уялісь пӧткаэзӧн лоӧны быдкодь [[Чӧж|чӧжжез]] (уткаэз), [[Дзодзог|дзодзоггез]], [[Тури|туриэз]], [[Юсь|юссез]]. 

Яй вылын олӧны [[кутш]], [[кайварыш]], [[шырварыш]], [[тарварыш]], [[сюзь]], [[тюгуй]] (лунь), [[тупка]], [[зобга]] (неясыть) да мукӧд.

Чериэз Коми кытшын 30-ся унажык берся. Мудунаӧсь карп увтырись чери: [[ёді]], [[сын]], [[кельчи]], [[жерег]], [[аргыш]], [[шаклей]], [[гов]], [[тыпыв]], [[пескан]], [[линь]]. 

Лёквиррез коласын тӧдсаӧсь [[сирчери]], [[судак]], [[муткыль]], [[ёкыш]], [[дарга]] да кин да.

Коми кытшын отир важынсянь вӧралӧны. Ӧні кыйӧны 30 мымда вид вӧрпода. Медуна уралӧны, кӧчалӧны, ручалӧны. Кучиккез понда кыйӧны ондатраӧс, туланӧс да мойӧс. {{comment|Лэдзӧгыс|Лицензия}} кӧ эм, позьӧ петны и гырисьжык вöрпиэз вылӧ: кутны вӧрмӧсӧс, ошӧс, кӧинӧс. Арнас позьӧ кыйны и кай-пӧтка: тар, дозмӧр, сьӧла, уялісь кайсӧ (чӧжжесӧ).

=== Экология ===
{{Main|Перем ладорись Коми кытшын экология}}

== Отир ==
{{Main|Перем ладорись Коми кытшлӧн демография}}

'''Кытӧн олӧны'''

'''Мый керӧны'''

== История ==
{{Main|Перем ладорись Коми кытшлӧн история}}

'''Парма медважся кадӧ'''

{{Main|Коми Парма медваж кадӧ}}

Коми Пармаын вӧлӧмась археология сьӧрті сэтшӧм культураэз: 
* [[Ананьинсалӧн культура|Ананьинса]] 
* [[Гляденсалӧн культура|Гляденса]] (м.э.о. II вексянь м.э. III векӧдз)
* [[Ломоватовсалӧн культура|Ломоватовса]] (IV-IX веккезӧ)
* [[Родановсалӧн культура|Родановса]] (IX-XV веккезӧ)
 
'''Коми Парма роч саррез увтын'''


'''Коми кытш аркмӧтӧм'''


'''Коми кытш Советтэз дырни'''


'''Коми кытш субъекталікӧ'''


'''Коми кытш 2000-ӧт воэзӧ'''

== Политика ==
{{Main|Перем ладорись Коми кытшын политика олан}}

== Кӧзяйство ==
{{Main|Перем ладорись Коми кытшлӧн кӧзяйство}}


'''Берся керӧтӧм''' (перерабатывающӧй промышленность)


'''Видз-му уджалӧм''' (сельскӧй кӧзяйство)


'''Вӧр лэдзӧм'''


'''Строитчанторрез керӧм'''


'''Транспорт да йитчан''' (связь)


'''Вузасьӧм'''


'''Бытын отирлӧ отсасьӧм'''


'''Сьӧм бергӧтӧм''' (финанссэз)


'''Керкаэз видзан''' (жилкомхоз)


'''Учӧт уджбергӧтӧм''' (малӧй предпринимательство)

== Культура ==
{{Main|Перем ладорись Коми кытшлӧн культура}}

''Видзӧт сідзжӧ: [[Коми отирлӧн важся культура]]''


'''Важ поверьёэз'''


'''Серӧтӧм'''


'''Паськӧм'''


'''Театр'''
* [[Перем коми отирлöн театр]] (М. Горькӧй нима)

'''Небӧг лэдзӧм'''


'''Библиотекаэз'''

* [[Перем коми отирлӧн медшӧрӧт библиотека]] (М. П. Лихачёв нима)
* [[Перем коми челядь понда медшӧрӧт библиотека]] (А. Н. Зубов нима)


'''Архиввез'''
* [[Перем коми кытшись архив]] <ref>[http://www.komi-permarchiv.ru/ Перем коми архивлöн сайт]</ref>

'''Музейез'''

* [[Перем коми асладор музей]] (П. И. Субботин-Пермяк нима) <ref>[http://www.museum.ru/M780 Перем коми асладор музейлöн сайт]</ref>
* [[Субботин-Пермяклӧн керку-музей]]

'''Культура шӧриннэз'''
*  [[Перем коми этнокультура сьӧрті шӧрин]]

'''Кино'''

== Религия ==
{{Main|Перем ладорись Коми кытшын религия}}

Коми кытшын унажык отирыс важынсянь, XV сугӧдсянь эшӧ, эскӧмась-веритӧмась [[Иисус Христос|Иисус Христослӧ]], кӧть и [[Чучкӧй вера|чучкӧй]] (языческӧй) нёж юрбытӧм абу жӧ нач вунӧтӧма. 1894' воын ӧння Коми кытш му вылын вӧлӧма 24 вичку да 1 монастыр. Советтэз дырни унажык йӧзыс ентӧмалӧм, вичкуэз пӧднассьӧмась. Мукӧдыс Ентӧг олӧ и ӧні. Но 1990' воэз бӧрын Христоса вичку бӧра пондіс кыскыны ас дынӧ йӧзсӧ. 

Медуна отирыс пыртчӧмӧсь [[Роч буркывья вичку]] велӧтӧм сьӧрті. Этія вичкулӧн оссьӧмась 12 юрбытан керку: Кудымкарын ([[Вежа Микола вичку (Кудымкарын)|Микола вичку]]), [[Карпов (Кудымкар район)|Карпов]] посадын да мукӧдлаын. 

Мӧднёжа эскиссез коласын эмӧсь адвентисттэз (Христосаэзлӧн [[Сизимӧт лун видзчисян вичку]]), витдасӧтлунняэз (Христосаэзлӧн [[Виль Йитӧт (вичку)|«Виль Йитӧт» вичку]]), баптисттэз (Христосаэзлӧн «[[Бур юӧр сьӧрті (вичку)|Бур юӧр сьӧрті]]» вичку). Коми кытш ойвылын ӧті-мӧділаын олӧны и кержаккез. 

Перем коми кыв вылӧ [[Бур юӧр (небӧг)|Бур юӧр]] (Евангеллё) медодз вӧлі вуджӧтӧма 1823' годӧ (небӧгсӧ гижӧма [[Йӧг (посад)|Йӧг]] посадісь поп [[Любимов Феодор]]), сэсся вежа небӧггез комиӧн печатайтлӧмась XIX век помын — XX век пондӧтчикӧ [[Казань (кар)|Казаньын]]. Ӧння кадӧ Коми кытш понда Ен гижӧт лэдзӧны [[Финн му|Финн муын]], сэтчинісь öкмыс коми небӧг ни вайӧмась Христос велӧтӧм сьӧрті.

Медбӧрья кадӧ Перем ладорись юраліссез мӧдӧны лӧсьӧтны Коми кытшын чучкӧй нёж юрбытан шӧрин, мыля комиэз коласын бура видзсьӧ и чучкӧй лолыс. 

== Юӧртан везӧт ==
{{Main|Перем ладорись Коми кытшын юӧртан везӧт}}

Коми кытшын петӧны сизим газета. Ны колысын омӧн округ пасьта мунӧны [[Парма (газета)|«Парма»]] да [[Парма-Новости (газета)|«Парма-Новости»]]. Вит районын сідз жӧ эм асланыс газетаӧн. Шочыника лэдзӧны челядь понда журнал, [[Силькан (журнал)|«Силькан»]] нимаӧ, öні Перем лэдзö челядь понда мöд журнал [[Сизимок (журнал)|«Сизимок»]]. 

«Парма» газетаын недель вылас ӧтчид петӧ коми кыв вылын листбок [[Коми говк(лист бок)|«Коми говк»]]. Иньва районісь «[[Иньвенскӧй край]]» нима газетаын тӧлісьнас ӧтпырись петӧ комиӧн нёль полосаа содтӧт «[[Кама кытшын]]». 2010' март 5' лунсянь «Кама кытшын» лыддиссьӧ торья газетаӧн, тӧлісь вылас петӧ кык нумерыс.

Кудымкарын кык радио шӧрин. Ӧтыс — «Всеросcийскӧй» телерадиокомпания бердын «Перем» филиалыслӧн юкӧт. Мӧдыс — аспондасис уджалан [[Союз-FМ-Кудымкар (радиопоз)|«Союз-FМ-Кудымкар»]] радиопоз, кӧда лэдзӧ эфирӧ программаэз ультрадженыт гыэз пырйӧт.

Телевидз лӧсьӧтӧ сія жӧ «Перем» филиал.

Комиӧн телевизорӧт баитӧны «Перем» юкӧтсянь лун вылас джын час, радиӧт — 10 минут гӧгӧр.
Радио «Союз-FМ-Кудымкар» пыр мукӧд коста кылӧ жӧ коми сёрниыс.

== Отирӧс велӧтӧм ==

{{Main|Перем ладорись Коми кытшын отирӧс велӧтӧм}}

* [[Кудымкарын Удмуртскöй государственнöй университетлöн Филиал]]


== Лысин видзӧм ==
{{Main|Перем ладорись Коми кытшын лысин видзӧм}}

Коми кытшын уджалӧны сэтшӧм лысин видзаніннэз:
* кытш понда больнича (Кудымкар)
* кар понда поликлиника (Кудымкар)
* пиньвеськӧтан поликлиника (Кудымкар)
* синвеськӧтан диспансер (Кудымкар)
* туберкулёзвеськӧтан диспансер (Кудымкар)
* кучик да венерология сьӧрті диспансер (Кудымкар)
* физкультура сьӧрті диспансер (Кудымкар)
* инькаэз понда консультация (Кудымкар)
* челядь понда консультация (Кудымкар)
* кытш понда санитария-эпидемиология сьӧрті поз (Кудымкар)  
 

== Спорт ==
{{Main|Перем ладорись Коми кытшын спорт}}

== Видзӧт сідзжӧ ==
* [[Коми Республика]]
* [[Перем ладор]]
* [[Коми отир]]
* [[Коми кыв]]


== Ыстісяннэз ==
<references/>

== Ыстöттэз ==
* Коми кытш делоэз сьӧрті министерстволӧн сайт: [https://web.archive.org/web/20140818091224/http://www.minkpo.permkrai.ru/]
* «Парма-новости» газеталӧн сайт: [http://parmanews.ru/]
* «Парма» газеталӧн сайт: [https://web.archive.org/web/20110525014211/http://gazetaparma.ru/]
* Коми кытшись сайт «kudymkar.org» = «komiperm.ru» [https://web.archive.org/web/20100304135232/http://www.kudymkar.org/]
* Коми кытшлӧн важ сайттэз: [https://web.archive.org/web/20090710031303/http://www.komipermyatskiiao.ru/], [https://web.archive.org/web/20140517212313/http://komiokrug.ru/], [https://web.archive.org/web/20071214185909/http://www.okrug.perm.ru/]
* Чудь-йӧграэзлӧн юӧртан шӧрин: [https://web.archive.org/web/20101122105914/http://finugor.ru/ru]

== Ӧшмӧссэз ==
* Бачев Г.Т., Зубов Ю.П. Страницы истории Коми-Пермяцкого автономного округа. Пермь, 1995. ISBN 5-88-9-008-6.
* География Коми-Пермяцкого автономного округа. Пермь, 1992. ISBN 5-7625-0162-0.
* Коми-пермяккез. Кудымкар, 2008. ISBN 978-963-9876-09-05.
* Коми-Пермяцкий автономный округ. Страницы истории. Кудымкар, 1988. ISBN 5-7625-0178-7.
* Коми-Пермяцкий автономный округ на рубеже веков. Кудымкар, 2000. ISBN 5-87901-051-1.
* Коми-Пермяцкий национальный округ. Москва-Ленинград, 1948.


{{Коми муэз}}
{{Чудь-Йöгра муэз}}

[[Категория:Перем ладорись Коми кытш]]
[[Категория:Коми муэз]]
[[Категория:Википедия:Бур гижӧттэз]]