Кудымкар район

Кудымкар район Перем ладорын

Кудымкар район – веськöтлан юкöт Перем ладорись Коми кытшын. Куйлö Иньва ю катытын, да Иньваö усян Кува да Велва юэз пöлöн.

Лöсьöтöм февраль 27 лунö 1924 годö. Медодз вöлi Кама катыт кытшын, а февраль 26 лунö 1925 воын, Коми кытш аркмикö, лоис сы торöн.

Ыждаыс 4733 км². Ойвывсянь лунвылö районыс нюжалö 105 км ылына, рытвывсянь асыввылö волокыс 110 км ылына. Межаасьö ойвылын Кöсладор да Юрла районнэзкöт, рытвылын – Зюзьдiн (Афанасьева) районкöт, лунвылын – Сива да Карагай районнэзкöт, асыввылын – Юсьва да Усоллё районнэзкöт.

Районын лыддисьö 279 олан ин, ны коласын 11 посад, 9 посёлок да 259 грезд (деревня). Олöны 27,9 сюрс морт. Кудымкар районын медуна коми отир. Йöзыслöн топыта – 7,1 морт/км²-ын.

Веськöтлан шöрин – Кудымкар.

Район вылын юралiсьыс – А.А. Зырянов (1993 восянь).

Янсалöм

Кудымкар районын 6 посадму:

Ним	Му ыжда (км2)	Кыным морт (2009.01.01)	Кыным олан ин (2009.01.01)
Белоёв посадму	990	6436	57
Иньвайыв посадму	1108	6001	63
Йöг посадму	308	4126	40
Ленинск посадму	876	3555	50
Ошыб посадму	163,8	4170	35
Степанов посадму	331	5400	34

География

Му вевдöр сьöртi – волькыткодь мысаин, рытвылын лэбöны лажмытик Кымайыв мыссэз, а ой-рытвылын – Кондöс мыссэз. Климат шöркодя континентвывся, кöдзыттэз оз овлö 102 лунöн. Шöрöт шонтöгыс (температура) январь коста -15,7°С, июль коста +17,6°С. Медвылö шонтöгыс кайлöма кöркö +37°С-öдз, медкöдзыт вöлöма -48°С. Енöжва усьö год сьöрна шöркодяс 518 мм.

Район му кузя котöртöны Иньва да сылöн вожжез. Ны коласын медкузьöсь – Кува, Юсьва да Велва.

Мусиныс унажыксö ежаа-шаргуна да сёйвевья, мукöдлаын ежаа-шома, юэз пöлöн – видзвыв ежаа. Быдöс муэз буракодь шогмöтанаöсь, но нiйö колö пыр вынсьöтны.

Быдмассэз нiя жö, кыдз и быдлаöт лунвыв тайга ойладорын. Дöс муись вöрсялöма 67%, медуна быдмö кöз (48%) да кыдз (39%). Панталан татiсь и пожум, пипу, ньывпу, нинпу; ыджыт пуэз увтын быдмöны поснит кора тэлляэз. Унакодь видззез, мукöдлаын нюррез.

Вöррезын олöны вöрмöс, ош, кöин, руч, вöркань, тулан, ур. Кай-пöткаись пантасьлöны дозмöр, сьöла, тар, кыр, ыбшар, пытьканкай, герскан. Юэзын уялöны пескан, тыпыв, сирчери, ёкыш, ёдi.

Вöр-ваись аскоддя ладорöн лыддиссьö Öстап нюр; куимлаын дорйöны и быдмасэз (шуам, Иньва йылын Буждöм кöзъяинас). Ыджыт интерес видзöны Крот урочищё, Кува дорись пожума яг да пруд, а сiдзжö Ошыбись дорйöмин.

Лунвывсянь ойвылö район му кузя мунö асфальтöсь автотуй, кöда кыссьö сэсся Гайналаньö. Район пасьта этiя ыджыт туйсяняс öтмöдöрö вожасьöны учöтжык туйез: асфальтöсь, гравийöсь да муöсьöсь.

Кöзяйство

Кудымкар районын важынсянь зорамö быдкодь чужöма экономика.

Му-видз уджалöм аркмöтö район кöзяйстволö под. Иньдöтöм ас товаррезлöн да керöм уджжез и кысйöттэзлöн (услугаэзлöн) ыждаыс лоö 158,503 млн. шайт нето 53 % öтласа ыжда сьöртi.

Му-видз районас уджалöны 9 уджкеранiнын, крессяна-фермеррезлöн 24 кöзяйствоын да 9,9 сюрс мымда асторья гортгöгöрся кöзяйствоын.

Му-видз уджалöм сьöртi медыджыт кооперативвез:

СПК-лöн ним	Почта понда инним	Юралiсь
Киров нима колхоз	619657, Коми кытш, д. Мижуй, Медшöрöт туй, 14.	Трушников Михаил Николаевич
Кувинса	619558, Коми кытш, Кува п., Ленин туй, 26.	Надымов Алексей Николаевич
Кудымкарса	619541, Коми кытш, д. Кекур, Вöр туй, 1.	Радостев Родион Васильевич
Правда нима колхоз	619561, Коми кытш, д. Корчёвня, Медшöрöт туй, 34.	Дерябин Владимир Федорович
Роч му	619001, Коми кытш, Кудымкар, Братчиков туй, 17.	Корюкин Николай Иванович
Урал нима колхоз	619560, Коми кытш, Йöг п., Лихачёв туй, 28	Копытов Сергей Гаврилович

2008 годö му-видз уджалöм сьöртi уджкеранiннэзын кöдзан ыб вöлi 19237 га, м. ш. 2007 воын мымда. Быдсöн район пасьта изöма 14733 т сю, шогмöтан етшыс - 16,4 ц/га. Медуна сю изöма СПК «Роч му» - 7672 т нето 52% район пасьта быдöс изöмсис, шогмöтан етшыс сылöн 24,8 ц/га.

01.01.2009 кежö сюра гырись подаыс вöлöма 5636 юр, м.ш. 256 юрöн етшажык 2007 воынся. 2008 год сьöрна районас босьтöма йöв 7926 т, этö лоö 2007 во сьöртi 94%. Быд фуража мöссянь высьтöма шöркодя район пасьта 3560 кг-öн. Яйсö вузалöмась район пасьта 660 т.

Берся керöтан комплекс районас тэчöма сёян керöтан да вöр лэдзан комплекссэзiсь. Берся керöтöмын лэдзан индексыс 2008 годö лоис 114,5 % (2007 г. - 120,8%).

Вöр лэдзан комплексын уджалöны кöзяйство видзан 106 субъект. Иньдöтöм ас товарыс сьöртi нылöн пай лоö 18% öтласа ыждаись. Заптöма 170,4 тыс. м³ вöр, этiя лыдсис 44,0 тыс. м³ заптiсö кöртмалiссез. Медколан продукция вузалöма сымдаöн: гöгрöса вöрматериаллэз – 85,98 тыс. м³, пилитöм материаллэз – 7,465 тыс. м³, олан керкуэз – 1190 кв. м.

Ыджыт пай босьтö и сёянсö керöтан ОАО «Кудымкарись яйкомбинат» - 15% öтласа ыждаись.

Районын эм 322 уджбергöтiсь и 86 учöт уджкеранiн. Учöт уджкеранiннэс 1 сюрс олiсьыс вылö лоöны 16-а. Быдсöн этiя секторын уджалö 1,3 сюрс морт.

2008 годö отир олан понда керкуэсö строитöма 2436,8 кв. метра ыжда.

Эм 220 мымда вузасян. Товар бергöтöмын медыджыт пай шедö босьтасян кооперациялö – 51%.

Туйез. Быдöнлö ветлана авто туйезлöн кузяыс район веськöтлан увтын 837,8 км. Сэсся эшö олан пункттэз пытшкöт мунан туйез лоöны быдсöн 1087 км кузя. Район му вылöт мунö федерацияöн видзан магистраль Нытва - Кудымкар, кöда лоас орöтокöн Ойвывся транспорт корриодорлöн (ойвывся маршрут Перем-Сыктывкар-Котлас-Питер).

Кöрттуйез абуöсь. Медматын кöрттуй поз, Менделеёв, куйлö район шöринсянь 100 км ылынаын.

Районас эм йитчаныслöн (связьлöн) быдöс öння виддэз.

Сьöм бергöтан инфраструктура районын буркодь: татöн эмöсь филиаллэз да баитчанiннэз кык федеральнöй да регионiсь банккезлöн.

Районын уджалöны кык страхуйтан компания.

Годвывся бюджет Кудымкар районыслöн 700 млн. шайтся унажык.

Шöрöт удждон районас петö 6583,1 шайт.

Культура да мд.

Районын эм 46 бурдöтчанiн: 4 больнича, 36 ФАП, 1 поликлиника, посад отирöс веськöтан 5 амбулатория. Быдсöн бурдöтан керкуэзын 2008 годö уджалiсö 32 веськöтiсь, шöрöт медперсонал – 255 морт.

Районын эм отирöс велöтан 27 керку (14 шöрöт школа, 8 нетыр шöрöт школа, 5 пондöтчан школа), эм челядь понда 2 содтöт велöтчанiн (Челядь да томмез понда спорт школа, Челядь кужöммез зорöтан шöрин), 35 челядь сад. Быдсöн ныын велöтчöны нето быдтiссьöны 3881 нывкаок и зонкаок (2931-а – школаэзын, 950-а – челядь саддэзын), уджалöны 500 педагог.

Культурасö районын видзöны: 40 клуб кодь керку, автоклуб, челядь понда кужöттэз (искусствоэз) сьöртi школа, 33 библиотека.

Районiсь отир понда петö асланыс газета - «Иньвенскöй край».

Олан иннэз

Омöн район пасьта öнi сулалöны 275 олан ин. Статус сьöртi ны коласын эмöсь 11 посад, 9 посёлок да 255 грезд (деревня). Медыджыт посаддэз – Белоёв, Кува да, Иньвайыв, медыджыт посёлоккез – Велва База, Берёзовка да Верх Буждöм, медыджыт грезддэз – Степанова, Таров да Кекур).

• Посаддэз:

Коми ним	Роч ним	Морт (2009.01.01)	Горт (2009.01.01)	Посадму
Белоёв	Белоева	1511	519	Белоёв
Юсьвайыв	Верх-Юсьва	749	266	Ленинск
Иньвайыв	Верх-Иньва	1269	411	Иньвайыв
Йöг	Ёгва	732	245	Йöг
Кува	Кува	1332	380	Белоёв
Ленинск	Ленинск	560	220	Ленинск
Отёв	Отево	116	48	Белоёв
Ошыб	Ошиб	664	194	Ошыб
Пешнигорт	Пешнигорт	898	301	Степанов
Полва	Полва	440	134	Ленинск
Самков	Самково	404	144	Иньвайыв

• Посёлоккез:

Коми ним	Роч ним	Морт (2009.01.01)	Горт (2009.01.01)	Посадму
Берёзовка	Березовка	579	198	Иньвайыв
Чожгорт *	Быстрый	116	37	Степанов
Велва База	Велва-База	586	211	Ошыб
Верх Буждöм	Верх-Буждом	326	123	Иньвайыв
Гажа Мыс *	Веселый Мыс	284	92	Иньвайыв
Новосёвскöй	Новоселовский лесоучасток	46	17	Степанов
Öрна	Эрна	314	96	Ошыб
Лöньгорт *	Тихий	308	104	Степанов
Шарволь	Шарволь	29	12	Ошыб

• Грезддэз (деревняэз):

Коми ним	Роч ним	Морт (2009.01.01)	Горт (2009.01.01)	Посад му
Алековчи	Алекова	153	47	Йöг
Александровчи	Александрова	5	5	Белоёв
Амон	Амонова	53	27	Степанов
Анань	Ананьева	94	32	Белоёв
Андриян	Андриянова	25	13	Иньвайыв
Аразай	Аразаева	3	2	Иньвайыв
Артамон	Артамонова	194	66	Степанов
Архипов	Архипова	70	25	Ошыб
Багрова	Багрова	13	8	Ленинск
Балкач	Балкачи	31	16	Ленинск
Баран	Баранова	136	34	Ошыб
Баранов	Баранова	30	15	Степанов
Батин	Батина	101	38	Йöг
Болка	Болка	23	9	Ленинск
Борисов	Борисова	55	21	Степанов
Бормотовчи	Бормотова	82	32	Ленинск
Боярка	Боярская	11	8	Степанов
Бражкин	Бражкина	65	19	Белоёв
Брюшнина	Брюшинина	1	1	Ленинск
Бурлова	Бурлова	11	5	Ленинск
Буслаева	Буслаева	14	4	Ленинск
Вагановчи	Ваганова	264	101	Йöг
Важ Кузьва	Старая Кузьва	28	14	Белоёв
Важ Пальник	Важ-Пальник	9	3	Ошыб
Важ Пашня	Важ-Пашня	94	37	Белоёв
Важ Чигас	Важ-Чигас	32	17	Белоёв
Важ Шляпина	Старая Шляпина	75	24	Ошыб
Вальков	Валькова	22	8	Иньвайыв
Васёвчи	Васева	113	39	Иньвайыв
Васильевка	Васильевка	2	2	Степанов
Вась Пальник	Вась-Пальник	1	1	Белоёв
Васькин Гар	Васькина Гарь	7	5	Ленинск
Васюк (Куваланьын)	Васюкова	88	35	Белоёв
Васюк (Белоёвланьын)	Васюкова	7	5	Белоёв
Вежайка	Вежайка	34	13	Иньвайыв
Видзай	Визяй	92	34	Иньвайыв
Виль Жуков	Виль-Жукова	26	11	Иньвайыв
Виль Конан	Виль-Конанова	25	8	Ошыб
Виль Чигас	Виль-Чигас	12	10	Белоёв
Виль Чукыль	Виль-Чукылева	17	10	Ошыб
Виль Шляпин	Новая Шляпина	41	19	Ошыб
Виль Шулай	Виль-Шулай	86	40	Иньвайыв
Вуровчи	Вырова	145	59	Степанов
Габов	Габова	27	13	Йöг
Гаврилова	Гаврилова	34	12	Ленинск
Гаврук	Гаврукова	157	48	Иньвайыв
Гайшор	Гайшор	27	15	Ленинск
Галю	Галина	16	10	Ленинск
Галюк	Галюкова	28	12	Ошыб
Ганин	Ганина	25	13	Иньвайыв
Герскан	Дерсканова	32	12	Йöг
Голубков	Голубкова	10	6	Иньвайыв
Гöрдин	Гордина	2	2	Белоёв
Гришунь	Гришунева	98	34	Иньвайыв
Гурин	Гурина	44	21	Иньвайыв
Гурин	Гурина	354	107	Йöг
Гыр	Гырова	22	10	Иньвайыв
Даньшин	Даньшина	11	4	Йöг
Девин	Девина	75	23	Ошыб
Дёма	Демина	393	110	Иньвайыв
Дёмина	Демина	103	43	Степанов
Дзюльган	Зюльганова	128	47	Степанов
Додоновчи	Додонова	14	6	Йöг
Евдокимова	Евдокимова	18	11	Ленинск
Епанов	Епанова	41	18	Белоёв
Еремушкин	Еремушкина	5	5	Иньвайыв
Ермак	Ермакова	67	21	Йöг
Ершова	Ершова	13	5	Ленинск
Ёгоров	Егорова	287	79	Ошыб
Жак Ключ	Жак-Ключ	1	1	Ленинск
Живые	Живые	46	16	Ленинск
Закаров	Захарова	49	20	Ошыб
Заполлё	Заполье	5	3	Белоёв
Заполлё	Заполье	54	21	Иньвайыв
Иванкова	Иванкова	30	11	Ленинск
Ивашков	Ивашкова	22	7	Белоёв
Ивукова	Ивукова	227	79	Степанов
Иллич	Ильичи	30	14	Белоёв
Исаков	Исакова	11	5	Белоёв
Йöвсин	Евсина	13	5	Белоёв
Йöгич	Егичи	30	11	Белоёв
Казарин	Казарина	50	25	Ленинск
Калинин	Калинина	10	5	Иньвайыв
Калинина	Калинина	45	16	Ленинск
Камашор	Камашор	52	23	Йöг
Канамовчи	Канамова	3	3	Ленинск
Карбас	Карбасова	173	62	Белоёв
Карина	Харина	131	59	Степанов
Каринов	Харинова	34	15	Иньвайыв
Карп Васькин	Карп-Васькина	15	6	Белоёв
Карпина	Карпина	52	17	Ленинск
Кекур	Кекур	1	1	Ленинск
Кекур	Кекур	421	124	Степанов
Кирпушов	Кирпушева	13	4	Белоёв
Киршин	Киршина	150	42	Ошыб
Ключи	Ключи	45	11	Ленинск
Ключмыс	Ключ-Мыс	3	2	Иньвайыв
Ковыляйчи	Ковыляева	68	23	Иньвайыв
Кожина	Кожина	33	10	Степанов
Козвовчи	Козлова	14	9	Белоёв
Козвовчи	Козлова	123	49	Йöг
Кокорин	Кокорина	34	9	Иньвайыв
Конан	Конанова	244	78	Ошыб
Конина	Конина	9	6	Ленинск
Коньшин	Коньшина	12	5	Белоёв
Королёв	Королева	3	2	Белоёв
Корчёвня	Корчевня	337	113	Йöг
Косогор	Косогор	17	6	Белоёв
Косогор	Косогор	1	1	Ленинск
Косьва	Косьва	20	5	Ошыб
Коштан	Коштанова	43	16	Иньвайыв
Кузовок	Кузолова	1	1	Иньвайыв
Кузьва	Кузьва	280	104	Белоёв
Кузьминчи	Кузьмина	72	23	Ошыб
Кукшун	Кукшинова	88	31	Иньвайыв
Курдюк	Курдюкова	15	4	Белоёв
Лёвинчи	Левина	130	45	Йöг
Лёвинчи	Левина	39	13	Иньвайыв
Лёль	Лелёва	74	26	Иньвайыв
Вогин	Логинова	21	10	Иньвайыв
Лопатина	Лопатина	152	68	Степанов
Лопвадор	Лопвадор	15	11	Белоёв
Лячкан	Лячканова	15	11	Йöг
Мавак	Малахова	36	12	Белоёв
Мааков	Малахова	9	4	Ошыб
Мазунина	Мазунина	13	6	Ленинск
Максим	Максимова	7	2	Ошыб
Мальцов	Мальцева	190	70	Белоёв
Мартин	Мартина	63	19	Йöг
Мартя	Мартюшева	10	6	Иньвайыв
Мелекин	Мелехина	227	71	Ошыб
Метшкöр	Мечкор	114	41	Белоёв
Мижуй	Мижуева	289	81	Йöг
Минядын	Минядын	28	13	Белоёв
Миронова	Миронова	55	19	Степанов
Митёв	Митева	5	5	Белоёв
Митрок	Митрокова	0	0	Ленинск
Мишпиян	Миш-Пиян	94	33	Иньвайыв
Мов (Курöг)	Молова	80	30	Йöг
Москвин	Москвина	289	82	Иньвайыв
Мошов	Мошева	166	49	Белоёв
Мурмар	Мурмарова	76	26	Йöг
Мутшак	Мучаки	27	8	Ленинск
Нёльсин	Нельсина	55	27	Иньвайыв
Нёпин	Непина	111	39	Белоёв
Нестёров	Нестерова	54	23	Иньвайыв
Николичи	Николичи	9	3	Белоёв
Новожилов	Новожилова	11	7	Иньвайыв
Новосёв	Новоселова	122	45	Ошыб
Нуков	Внукова	85	35	Иньвайыв
Онтон	Антонова	20	11	Иньвайыв
Онтроп	Антропова	16	7	Йöг
Осиповчи	Осипова	2	1	Белоёв
Осиповчи	Осипова	47	19	Ошыб
Остапова	Остапова	59	17	Степанов
Ош	Ошова	27	8	Ленинск
Öника	Аникина	33	10	Иньвайыв
Öреп	Арефьева	26	14	Йöг
Падей	Фадеева	29	8	Ошыб
Паль	Палева	15	4	Белоёв
Паль	Палева	95	41	Иньвайыв
Пання	Панья	10	5	Ленинск
Панняшор	Паньяшор	26	10	Иньвайыв
Парфёнова	Парфенова	62	23	Иньвайыв
Пару (Парпиян)	Парфенова	3	3	Ленинск
Паршак	Паршакова	32	10	Йöг
Патрук	Патрукова	117	31	Ошыб
Педöт	Федотова	13	5	Йöг
Перков	Перкова	132	47	Белоёв
Першин	Першина	33	21	Белоёв
Петук	Петухова	111	30	Ошыб
Пидай	Пидаева	73	26	Степанов
Питер	Питер	40	18	Иньвайыв
Пиктовка	Пихтовка	89	26	Белоёв
Плешковчи	Плешкова	64	22	Ошыб
Плотникова	Плотникова	146	53	Степанов
Подволошнöй	Подволочная	2	1	Иньвайыв
Подгора	Подгора	52	24	Ленинск
Позагорт	Позагорт	0	0	Ленинск
Поносов	Поносова	112	50	Йöг
Порськок	Порськокова	114	42	Йöг
Почкина	Почкина	87	36	Степанов
Пронёвчи	Пронева	38	14	Йöг
Пронин	Пронина	20	13	Иньвайыв
Пронин	Пронина	18	8	Йöг
Пронина	Пронина	50	19	Ленинск
Пруддор	Пруддор	62	23	Белоёв
Путой	Путоева	16	6	Иньвайыв
Пятина	Пятина	58	24	Ленинск
Разин	Разина	145	41	Иньвайыв
Ракшина	Ракшина	106	48	Ленинск
Ректан	Ректанова	4	2	Йöг
Родёв	Родева	26	9	Йöг
Рöдинчи	Родина	49	23	Йöг
Рöдя	Родина	8	4	Ленинск
Романова	Романова ?	55	24	Степанов
Рочов	Рочева	118	27	Ошыб
Савин	Савина	67	19	Йöг
Савин	Савина	21	7	Ошыб
Садовöй	Садовая	74	23	Иньвайыв
Санюкова	Санюкова	19	5	Ленинск
Саранин	Саранина	39	14	Белоёв
Сель	Селева	24	10	Иньвайыв
Сельков	Селькова	0	0	Ленинск
Сеня	Сенина	52	21	Белоёв
Сенинов	Сенина	73	32	Иньвайыв
Сенькашор	Сенькашор	10	3	Ошыб
Сергеёв	Сергеева	17	12	Белоёв
Сергина	Сергина	13	6	Степанов
Сидöршор	Сидоршор	152	56	Ленинск
Сидöр	Сидорова	13	8	Иньвайыв
Сидöр	Сидорова	25	11	Ленинск
Сизь	Сизёва	28	9	Ошыб
Силин	Силина	8	6	Белоёв
Силин	Силина	2	1	Иньвайыв
Слудинчи	Слудина	95	32	Йöг
Сопонкова	Софонкова	70	31	Степанов
Сордва	Сордва	31	16	Йöг
Софронова	Сафронова	12	5	Степанов
Спас	Спасова	13	6	Ленинск
Степанов	Степанова	540	172	Степанов
Сыввож	Сылвож	91	33	Ленинск
Сыстеровчи	Сыстерова	14	6	Йöг
Сюзьпозъя	Сюзь-Позья	197	69	Ошыб
Тарасовчи	Тарасова	27	8	Ошыб
Таров	Тарова	489	170	Степанов
Таскай	Таскаева	2	2	Иньвайыв
Тебеньков	Тебенькова	141	42	Белоёв
Тикöнята	Тихонята	15	7	Ленинск
Трапезник	Трапезники	45	16	Ошыб
Треттёв	Третьева	9	4	Белоёв
Трошов	Трошева	39	16	Белоёв
Трошовчи	Трошева	125	50	Иньвайыв
Тшакылёвчи	Чакилева	40	28	Степанов
Учöт Зон	Учет-Зон	29	11	Иньвайыв
Учöт Сер	Малая Серва	345	86	Степанов
Учöт Сидöр	Малая Сидорова	64	22	Белоёв
Учхоз	Учхоз	89	16	Иньвайыв
Филаева	Филаева	13	5	Ленинск
Чаверина	Чаверина	7	3	Ленинск
Черöмнöй	Черемнова	51	19	Иньвайыв
Чибьян	Цыбьян	10	5	Белоёв
Чивизгин	Алексеевка	27	12	Йöг
Чукыль	Чукылёва	32	15	Йöг
Чышыв ?	Чащилова	111	36	Йöг
Шабур	Шабурова	9	7	Йöг
Шадрин	Шадрина	202	70	Белоёв
Шайдыр	Шайдырова	14	5	Ленинск
Шыпичин	Шипицына	49	13	Йöг
Шорйыв	Шорйыв	59	16	Белоёв
Ыджыт Сер	Большая Серва	297	134	Степанов
Ыджыт Сидöр	Большая Сидорова	111	43	Белоёв
Юньга	Юньга	109	37	Иньвайыв
Юсай Пешнигорт	Заречный Пешнигорт	67	28	Степанов
Юсьвадор	Юсьвадор	?	?	Иньвайыв
Ягöдин	Ягодина	56	21	Йöг
Якина	Якина	7	4	Ленинск
Якшин	Якшина	?	?	Иньвайыв
Яраш	Ярашова	45	17	Иньвайыв

Видзöт сiдзжö

Перем ладорись Коми кытш

Иньвенса

Кудымкар

Ыстiсяннэз

• Кудымкар районiсь веськöтланлöн сайт: [[1]]

• Коми кытшлöн сайт: [[2]]

Öшмöссэз

• География Коми-Пермяцкого автономного округа. Пермь, 1992. ISBN 5-7625-0162-0.

• Коми-Пермяцкий автономный округ на рубеже веков. Кудымкар, 2000. ISBN 5-87901-051-1