Немечму

Немеч мулöн дöрапас

Немеч мулöн вужпас

Немечму (рочöнжык - Германия, немеччез нёж - Deutschland) - ыджыт канму рытвыв Европа шöрын. Тыр нимыс - Немечму йитан республика (рочöнжык Федеративнöй Республика Германия, немеч кыв вылын - Bundesrepublik Deutschland, шусьö [ˈbʊndəsʁepuˌbliːk ˈdɔʏtʃlant]).

Ойвылын Немечму межаасьö Данмукöт да петö Ойвыв,да Балты саридззез дорö, асыввылын видзö öтласа визир Польшакöт да Чехмукöт. Лунвылас Немечмукöт ордчон куйлöны Австрия да Швейцарму, рытвылын - Франсму, Люцебург, Белгму да Нидерланд.

Мывывторыслöн ыжда 357,021 кв.км. Климатыс - шöркодь, вежласьö сезоннэз сьöртi. Олiссез - 82 млн. морт, этö лоö медуна Öтувтчöм Европаын. Му югытын быдöс пышьялiссез коласiсь куимöт торыс адззöмась мöдiк гортнысö Немечмуас.

Немечму - парламента федератив республика, тэчöм 16 йитчан муись (бундесланддэзiсь).

Канкарыс да канмуын медыджыт карыс - Берлин.

Немечму пырö Öтувтчöм Войтыррез коласö, НАТО-ö, Кыкьямыса йылö, Кыкдаса йылö, OECD-ö, Муюгытiсь удж артмöтчанö (ВТО).

Немечмулöн экономика öддьöн вына: му югытас сiя ВВП сьöртi нёльöт, эмбур петкöтöм (экспорт) сьöртi - мöдiк да эмбур пыртöм (импорт) сьöртi - медодзза.

Канмуын лöсьöтöма бур олан отир понда, бура зорöтöм йöзыслö бытын отсалан тэчас.

Немечму юралö тöдöс (наука) да технология кынымкö сфераэзын.