Бажин (Юсьва район, Киминчи ладорын)

Бажин Бажино
Му:	Рочму
Статус:	грезд
ладор:	Перем ладор
район:	Юсьва район
Инлыдпассэс:	59°07′30″ с. ш. 55°24′00″ в. д.
Веськӧтлан кыв	коми, роч
Отир лыд	8 морт (2010)
Час кытш:	UTC+5+5
Почта инпас:	619181
Авто нумерӧ содтӧт:	59, 81

Бажин (Бажинчи, Бажина) - Перем ладорись Коми кытшын, Юсьва районын учöт грезд.

Ним йылiсь

Бажин ним лоис нето кык кывсянь Важ (роч: старое) да Ин (роч: место), нето роч нимкодьсянь Бажин (ойвыв.роч. неугомонный).

География

Бажина грезд сулалӧ мыс вылын, куим ладорсянь сы гöгöр кырассэз, кыті котӧртӧны ӧтік ю да кык шор. Рытъяв ладорсянь котӧртӧ Пöй ю, ойвывсянь Шедов грезд дынсянь сійӧ янсӧто Шедов жӧ нима шор, асывладорсянь ыббэз, лунвывладорсянь - Ыджыт йир нима кырас да Ябыр нима шор.

Кимна посад дынöдз туй кузя вит километр, веськыта Ябыровчи грездӧт да вӧрӧн тырӧм туй кузя - нёль километр.

Янсалӧм

Одзжык Бажина грезд янсалӧм кык тор вылӧ: Улісь туй - матынжык Пӧй ю дорын, да Вылісь туй - матынжык ыббез дынын.

Туйез

Бажина грездын эм токö öтік туй, кöда шусьö Медшöр туй.

История

1869 воӧ Бажинаын вӧлӧмась 10 горт, кытӧн олӧмась 21 мужик да 22 инька (быдӧссӧ 43 морт), сэк жӧ вӧлӧма ни 1 православнӧй часовня.

1904 воӧ Бажинаын вӧлӧмась 16 горт, кытӧн олӧмась 39 мужик да 33 инька (быдӧссӧ 72 морт).

1909 воӧ Бажинаын вӧлӧмась 18 горт, кытӧн олӧмась 38 мужик да 43 инька (быдӧссӧ 81 морт).

1926 воӧ Бажинаын вӧлӧмась 20 горт, кытӧн олӧмась 43 мужик да 51 инька (быдӧссӧ 94 морт, быдӧнныс ны коласісь коми-пермяккез).

1930-т воэзӧ Бажинаын оссис "Красный пахарь" нима колхоз, кытчӧ пырлӧмась эшӧ сэтшӧм грезддэз кыдз Шедов, Ябыровчи да Микалёв (Ляч Мыс). Колхозлӧн вӧлӧмась асланыс порсь, мӧс да курӧг фермаэз, двор, кытӧн видзӧмась вӧвез. Председательӧн вӧлӧма Пётр Тихонович Калин. 1950 воӧ колхоз "Красный пахарь" ӧтлаасис "Красная звезда" (Кимна), "Зарево" (Ядьва) да "Свобода" (Питер) нима колхоззэзкӧт ӧтік колхозӧ "Красная звезда".

1941-1945 воэзӧ Бажинаись война вылӧ мунӧмась дасӧкмыс морт. Вот нылӧн ниммез:

1. Мальцев Василий Иванович (шогмӧм 1922 воӧ)
2. Мальцев Николай Петрович (шогмӧм 1903 воӧ)
3. Мальцев Иван Николаевич (шогмӧм 1924 воӧ - ӧшӧм юӧртӧг декаб 1943 воӧ)
4. Мальцев Семён Никитьевич (шогмӧм 3 октяб 1913 воӧ - кулӧм 30 нояб 1984 воӧ)
5. Яборов Иван Егорович (шогмӧм 20 июнь 1908 воӧ - кулӧм 3 апрель 1997 воӧ)
6. Якимов Василий Андреевич (шогмӧм 1917 воӧ - вийӧм бойын 12 август 1944 воӧ)
7. Якимов Семён Филиппович (шогмӧм 1909 воӧ - ӧшӧм юӧртӧг октяб 1941 воӧ)
8. Якимов Иван Филиппович (шогмӧм 1911 воӧ)
9. Якимов Николай Филиппович
10. Якимов Николай Степанович (шогмӧм 1918 воӧ)
11. Якимов Михаил Васильевич (шогмӧм 1922 воӧ)
12. Якимов Иван Фёдорович (шогмӧм 1923 воӧ)
13. Якимов Иван Иванович (шогмӧм 1924 воӧ)
14. Якимов Иван Иванович (шогмӧм 29 июль 1909 воӧ - кулӧм 20 март 1990 воӧ)
15. Якимов Егор Иванович (шогмӧм 7 апрель 1907 воӧ - кулӧом 22 май 1991 воӧ)
16. Якимов Зиновий Данилович (шогмӧм 1909 воӧ - вийӧм бойын 26 июнь 1944 воӧ)
17. Якимов Сергей Данилович (шогмӧм 8 октяб 1912 воӧ - кулӧм 9 март 1980 воӧ)
18. Якимов Фёдор Власович (шогмӧм 7 июль 1902 воӧ - кулӧм концлагерьын 1 май 1942 воӧ)
19. Якимов Иван Власович (шогмӧм 10 июнь 1916 воӧ - кулӧм 11 март 1995 воӧ)

1963 воӧ Бажинаын олӧмась 73 ӧтік морт. Купрӧс сельпосянь уджалӧм магазин, вузасисьӧн кытӧн дыр уджалӧм Зоя Григорьевна Якимова. Вӧлӧма сіджӧ и школа, кытӧн велӧтӧмась 4-ӧт классӧдз. Велӧтіссес вӧлӧмась кыка, ӧтікыс ны коласісь - Клавдия Андреевна Трифанова. 1942 воӧ том нывкаӧн сія локтӧм уджавны татчӧ. Ӧддьӧн сьӧкыт вӧлӧм уджавны война да война бӧрсянь воэзӧ, челядь вовлӧмась тшыгӧсь да умӧля пасьтасьӧмӧсь. 1968 воӧ Бажинскӧй школа поднасьӧм.

1971 воӧ Бажинаын вӧлӧмась 22 горт, кытӧн олӧмась 29 мужик да 53 инька (быдӧссӧ 82 морт).

1983 воӧ Бажинаын вӧлӧмась 22 горт, кытӧн олӧмась 48 морт.

2002 воӧ Бажинаын олӧмась 24 морт.

2010 воӧ Бажинаын вӧлӧмась 5 горт, кытӧн олӧмась 4 мужик да 4 инька (быдӧссӧ 8 морт).

Отир лыд

2022 во пондӧтчикӧ грездын кольчис овны ӧтік морт.