Вынва (ю)

Босьтöм Википедия вылiсь
Вешшыны татчö: уялöм, кошшан
Вынва пондӧтчанас
Вынвалӧн бассейн

Вынва (рочӧнжык Севернӧй Двина) — Ойвыв Европаын ыджыт ю.

Кузяыс, ӧтлаын Учӧт Вынвакӧт кӧ лыддьыны, лоӧ 744 км; ӧтлаын Сукӧнкӧт кӧ босьтны, петас быдса 1300 км. Бассейныслӧн пасьта — 360 000 км².

Вынва пондӧтчӧ кык ю, Сукӧн да Юг, ӧтлаасянсянь (Югдін кар дынын). Сээся сія кежӧ ойвывлань да пырӧ Кардор ладорӧ. Котлас кар дынын Вынва ӧтлаасьӧ Эжвакӧт, да сыбӧрын кежӧ рытвыв-ойвылӧ, и сэсся жагӧника ойвывланьжык. Катытас ӧтлаасьӧ Пиньӧгкӧт да усьӧ Чочком саридзӧ Кардор да Северодвинскӧй дынын, Вынва курья аркмӧтікӧ (дельтаын пасьтаыс 900 км² гӧгӧр).

Сукӧн да Юг ӧтлаасянсянь Эжва уссёӧдз юыс шусьӧ Учӧт Вынва, улынжык – Ыджыт Вынва. (Вынвакӧт ӧтлаасьтӧн Эжва нӧбӧтӧ сысся унажык ва, сідзкӧ былись-ту Вынва усьӧ Эжваӧ).

Пиньӧгкӧт ӧтлаасьӧм бӧрын Вынва торьясьӧ уна вискӧ да сы вылын аркмӧны уна ді (остров), пасьтаыс быдмӧ 18 км-ӧдз. Кардор дынын Вынва бӧра ӧксьӧ ӧтласа ӧрӧ, а карыссянь катытынжык вожасьӧ кынымкӧ виска дельтаӧн.