Дзольгорт (Кӧчладор район)

Дзольгорт Зельгорт
Му:	Рочму
Статус:	грезд
ладор:	Перем ладор
район:	Кӧчладор район
Инлыдпассэс:	59°38′10″ с. ш. 54°37′05″ в. д.
Веськӧтлан кыв	роч, коми
Час кытш:	UTC+5+5
Телефон нумерӧ содтӧт:	+7 34293
Почта инпас:	619321
Авто нумерӧ содтӧт:	59

Дзольго́рт — Перем ладорись Коми кытшын, Кӧчладор районісь Коча посадмуын йöзтöм грезд (деревня). Одзжык Дзольгортыс пырис Коча сельсоветӧ.

Ним йылісь

Грездсö комиöн шуöны Дзольгорт нето Дзельгорт.

География

Дзольгортыс сулалӧ Кӧч посадсянь ойвыв-асыввылӧ 26 км ылынаын, Вежайка ю веськыт ладорын.

Ордча грезддэз

Кӧркӧся сельсоветлӧн шӧрин, Ыджыт Коча, сулалӧ Дзольгортсянь ойвыв-рытвылӧ кыкьямыс километра ылынаын. Вежайка ю кузя катытынжык сулалӧны грезддэз Ош да Вежайка. Ойвыв-асыввылын - Пузым. Асыввылын, дзиб вӧррез сайын Марапальник да Усь Онолва.

Ордча ландшафттэз

1975' годö студентка Рожнева фиксируйтöма Дзольгортын сэтшöм микротопониммез:

• Арсеньслудка – мыс
• Бакинскöй нюр нето Бакиннюр – нюрьяин, кытöн быдмö туримоль, мырпом; матын пö олöма Бакин нима морт
• Важ пос – нюр вылöт пос
• Вежа устья – Вежайка юлöн Онолваö усянін
• Вежайка – ю, перво шусис Вежа ю.
• Вежайкавидз – видз.
• Вежайкайöр – ыб.
• Вежайка устья оль – Вежайка уссё дынын оль.
• Виль пос – нюр вылöт пос.
• Вторöй дилянка – места.
• Вышкайöр – ыб.
• Галесник – Онолва юын непыдынін.
• Граньдорйöр – ыб.
• Деревняулт – видз.
• Дзольгортпон – грездлöн пом.
• Иваникакурья – Онолвалöн важ ворга.
• Иваникашотём – шутём, кытчö тшыг воэзö дзебöмась Женя Иваникаöс
• Изъякось – Онолва ю выдын кось.
• Йигуаин – м.ш. йы гуа ин, татісь пö ваявлöмась чочком сёй.
• Кöньöвскöй – керöс, Кöнь – важ мортним?
• Керкуаин туй – Керкуаинö мунан туй.
• Кирилмуок нето Кирылмуок – шутём, кöркö муыс вöлöма Кирил нима мортлöн.
• Конавидзок – Кона нима мортлöн видз.
• Коннöй двор – вöв видзан.
• Кочанюр – нюрьяин.
• Кушнюрдор – кöркöся оланін (куим керку), сэсся вöрсялöм.
• Кыдззаин – кыдзза вöр.
• Кыдзыснюр – нюрьяин.
• Кыдзыс – ю, котöртö Дзольгортсянь 8 км ылынаöт. Пондöтчö куим кыдз увтын.
• Кырволь – важ оланін, вöлі нёль керку, овмöтчöмась Илля да Öньö. Кык этимология: 1) кырöтöмин, 2) Кыр нима мортлöн воль (ректас).
• Кырвольлог – кырас.
• Лëнмуок – шутëм.
• Лавреймуок – шутëм.
• Лазарвидз – видз.
• Лёныбок – шутём.
• Лосьвийöм – места, кытöн вийöмась вöрмöсöс.
• Мишöвскöй – Мишалöн видззез.
• Мишавидз – видз.
• Мишашотёмок – шутём.
• Онолва – ю, мöдік ниммес: Ныли, Унылва, Нылва
• Ошвийöм – места, кытöн вийöмась ошöс.
• Ошкулöм – места.
• Ошмыс – мыс, сулалö Дзольгортсянь 2 км ылынаын, Ош грезд дынын.
• Ошнюр – нюрьяин Дзольгорт да Ош грезд коласын, таті отирыс Ыджыт Кочасяняс ветлöны туёк кузя Ошö.
• Ошпос – Ошнюр вылöт пос.
• Ошöвскöй – Ошись бригадалöн ытшкассэз.
• Öктас – неыджыт вöрок (татöн быдмöны унажыксö кыдззез).
• Пальниквевдöр = Пальникведдöр – места грезд дынын.
• Пальниквидззез – видззез Дзольгорт дынын, кöднö ытшкöны пальнишана.
• Первöй делянка – места грезд дынын, кытöн 10-15 во сьöрна кералöмась вöр.
• Петравийöм – места грезд дын, кытöн пö вийöмась Петраöс.
• Петракулöм – места, кытöн пö кулöм Петра нима морт.
• Плёсо – места Онолва юын, кытöн ваыс сулалö и керö кытшшез.
• Порошкиныб нето Порошиныб – нюр дорын неыджыт ыб, куйлö вöр шöрын; татöны пö олöма Пороша (Порошка) нима морт.
• Посконечйöр – ыб.
• Поссай – грезд дынын места.
• Потеöсскöй – видззез, одзык татöн öткöн олöма Потей нима мельник.
• Прокопикакурья – Онолва юлöн важ ворга, одзжык сы дорын куйлöмась Прокопикалöн видззез.
• Пролкулöм – грезд дынын места.
• Пузымустья – Пузым юлöн Онолваö усянін.
• Пыжчоммез нето Пыжчомдын – места грезд дын, кытöн одзжык сулалöмась куим сарай, кöднаын видзöмась пыжжез.
• Расдор – грезд помын места, одзлань пондöтчö рас.
• Сергеевскöй нето Сергейместа – Онолва юлöн чукыль, кытчö вöйöма Сергей.
• Сёрдкырволь – Кырволь сайын сёрд.
• Сизьпиодзöс – места грезд дорын.
• Слудка – крут керöс, Онолва ю дорын, татöн пö олöма Слудка нима морт.
• Слудкайöр – ыб.
• Сотчöмвудж – важ сотчöмин.
• Спирьяпосок – посок, кöдö керис Спиря.
• Учöт ыбок – шутём.
• Ыбулт – видз.
• Ыджыт пожум – места, кытöн быдмöм ыджыт пожум.
• Ыджыт ыбок – шутём.

Лыддьöтан

• Коми-Пермяцкий национальный округ. Москва-Ленинград, 1948.
• Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5