Питю Ӧньӧ

Питю Öньö

Питю Ӧньӧ (Зубов Андрей Никифорович, 1899–1937) — коми гижись, велӧтісь, поэт. Гижис перем комиӧн. Перем коми литературалӧ под пуктіссезісь ӧтік.

Олантуй

Питю Ӧньӧ шогмис нояб 25 лунӧ 1899 годӧ Кудымкар районісь Иньвайыв посадын. Велӧтчис горт шкоаын, сэсся Юрлаын пондӧтчан училищёас.

1919–22 воэзӧ уджаліс телеграфистӧн, кысъяліс армияын. Велӧтчис Сыктывкарись Коми институтын.

1926 воын помаліс Перемись университет, велӧтчӧм сьӧрті – биолог. Уджаліс Кудымкарись педтехникумын ӧтӧртӧдӧм сьӧрті велӧтісьӧн, сыбӧрын — Коми окрисполком бердісь туялан бюроас. 1934 годӧ помаліс Перемын НИИ-лісь аспирантура да Мӧскваын Мичурин нима институтісь курссэз. Вӧлі СССР-ын гижиссез йитчӧмсь членӧн.

Сентяб 8 лунӧ 1937 годӧ сійӧ пуксьӧтісӧ, шуисӧ отирлӧ умӧль керисьӧн да вийисӧ. 1956 воын нимсӧ сӧстӧмтісӧ.

Творчество

Питю Öньöлöн кывбурреза небöг

Питю Ӧньӧ – Перем коми литература аркмӧтісь. Медбура сійӧ тӧдӧны кыдз лирикӧс да фолькор ӧктісьӧс. Первуись гижис да лэдзис кывбурресӧ 1922 годӧ, кывбуррезӧн небӧг ас дырни петіс 1929 воын. Пьеса «Пемыт ой пыр» вӧлі сувтӧтӧм Коми кытшись драма театрын.

Уна гижис велӧтчан небӧггез, уна вуджӧтіс роч да коми (зыряна) кыв вылісь.

Небӧггес

• Ӧнджа (1929)
• Сказкиэз (1935)
• Кывбуррез (1963)
• Ӧктӧм произведеннёэз (1989).

Ӧшмӧссэз

• Коми-пермяккез. Кудымкар, 2008. ISBN 978-963-9876-09-05.
• Коми-Пермяцкий автономный округ на рубеже веков. Кудымкар, 2000. ISBN 5-87901-051-1
• Пахорукова В.В. Иньва йылісь сьыланкыв. Коми-пермяцкӧй литература 20–80 годдэзӧ. Кудымкар, 1989