Бажин (Юсьва район, Киминчи ладорын)

Босьтöм Википедияись
Бажин
Бажино
Му:  Рочму
Статус:  грезд
ладор:  Перем ладор
район:  Юсьва район
Инлыдпассэс:  59°07′30″ с. ш. 55°24′00″ в. д.HGЯO
Веськӧтлан кыв коми, роч
Отир лыд  8 морт (2010)
Час кытш:  UTC+5
Почта инпас:  619181
Авто нумерӧ содтӧт:  59, 81


Бажин (Бажинчи, Бажина) - Перем ладорись Коми кытшын, Юсьва районын учöт грезд.

Ним йылiсь[вильмӧтны | Вильмӧтны код]

Бажин ним лоис кык кывсянь Важ (роч: старое) да Ин (роч: место).

География[вильмӧтны | Вильмӧтны код]

Бажина грезд сулалӧ мыс вылын, куим ладорсянь сы гöгöр кырассэз, кыті котӧртӧны ӧтік ю да кык шор. Рытъяв ладорсянь котӧртӧ Пöй ю, ойвывсянь Шедов грезд дынсянь сійӧ янсӧто Шедов жӧ нима шор, асывладорсянь ыббэз, лунвывладорсянь - Ыджыт йир нима кырас да Ябыр нима шор.

Кимна посад дынöдз туй кузя вит километр, веськыта Ябыровчи грездӧт да вӧрӧн тырӧм туй кузя - нёль километр.

Янсалӧм[вильмӧтны | Вильмӧтны код]

Одзжык Бажина грезд янсалӧм кык тор вылӧ: Улісь туй - матынжык Пӧй ю дорын, да Вылісь туй - матынжык ыббез дынын.

Туйез[вильмӧтны | Вильмӧтны код]

Бажина грездын эм токö öтік туй, кöда шусьö Медшöр туй.

История[вильмӧтны | Вильмӧтны код]

1869 воӧ Бажинаын вӧлӧмась 10 кӧзяйсво, кытӧн олӧмась 21 мужик да 22 инька (быдӧссӧ 43 морт), сэк жӧ вӧлӧма ни 1 православнӧй часовня.

1904 воӧ Бажинаын вӧлӧмась 16 кӧзяйсво, кытӧн олӧмась 39 мужик да 33 инька (быдӧссӧ 72 морт).

1909 воӧ Бажинаын вӧлӧмась 18 кӧзяйсво, кытӧн олӧмась 38 мужик да 43 инька (быдӧссӧ 81 морт).

1926 воӧ Бажинаын вӧлӧмась 20 кӧзяйсво, кытӧн олӧмась 43 мужик да 51 инька (быдӧссӧ 94 мор, быдӧнныс ны коласісь коми-пермяккез).

1930-й воэзӧ Бажинаын оссис "Красный пахарь" нима колхоз, кытчӧ пырлӧмась эшӧ сэтшӧм грезддэз кыдз Шедов, Ябыровчи да Микалёв (Ляч Мыс). Колхозлӧн вӧлӧмась асланыс порсь, мӧс да курӧг пермаэз, двор, кытӧн видзӧмась вӧвез. Председательӧн вӧлӧма Пётр Тихонович Калин. 1950 воӧ колхоз "Красный пахарь" ӧтлаасис "Красная звезда" (Кимна), "Зарево" (Ядьва) да "Свобода" (Питер) нима колхоззэзкӧт ӧтік колхозӧ "Красная звезда".

1941 - 1945 воэзӧ Бажинаись, Ябыровчись да Шедовчись война вылӧ мунӧмась 43 морт, локтӧмась бӧр тӧко 9 морт. 2007 воӧ куліс медбӧрья ветеран - Пётр Максимович Ябороов.

1963 воӧ Бажинаын олӧмась 73 ӧтік морт. Купрӧс сельпосянь уджалӧм магазин, вузасисьӧн кытӧн дыр уджалӧм Зоя Григорьевна Якимова. Вӧлӧма сіджӧ и школа, кытӧн велӧтӧмась 4-ӧт классӧдз. Велӧтіссес вӧлӧмась кыка, ӧтікыс ны коласісь - Клавдия Андреевна Трифанова. 1942 воӧ том нывкаӧн сія локтӧм уджавны татчӧ. Ӧддьӧн сьӧкыт вӧлӧм уджавны война да война бӧрсянь воэзӧ, челядь вовлӧмась тшыгӧсь да умӧля пасьтасьӧмӧсь. 1968 воӧ Бажинскӧй школа поднасьӧм.

1971 воӧ Бажинаын вӧлӧмась 22 кӧзяйсво, кытӧн олӧмась 29 мужик да 53 инька (быдӧссӧ 82 морт).

1983 воӧ Бажинаын вӧлӧмась 22 кӧзяйсво, кытӧн олӧмась 48 морт.

2002 воӧ Бажинаын олӧмась 24 морт.

2010 воӧ Бажинаын вӧлӧмась 5 кӧзяйсво, кытӧн олӧмась 4 мужик да 4 инька (быдӧссӧ 8 морт).

Отир лыд[вильмӧтны | Вильмӧтны код]

2022 во пондӧтчикӧ грездын кольчис овны ӧтік морт.