Горадзуль
Горадзуль (лат. Trollius, рочӧнжык купальница) — унавося туруна быдмас лютиккоддьӧммез увтырись. Медматын горадзуль дынӧ этія увтырын лоӧ лягушапаськӧм, кӧда вермӧ быдмыны и ваын.
Олӧ горадзульыс ӧддьӧн паськыта Европаын, Азияын да Ойвыв Америкаын.
Рытвыв Европаын сія быдмӧ унажыксӧ керӧссэзын. Асыввыв Европаын бӧра видззез вылын, ю оллезын, вӧр кушиннэзын. Азияын этійо турунсӧ позьӧ пантавны невна не быдлаись. Дзир континент лунвыв дорланьӧттяс сія абу. Ойвыв Америкаын Атлантика вадӧрсянь да Лӧнь океанӧдззас зораммӧны горадзульыслӧн кык тыд.
Коми диалекттэзын горадзульыслӧн эм и уна мӧдік ним:
- буланчачей
- гаддя купальнича
- горадзоль
- коллячача
- кольктурун
- купальнича
- мичатурун
- молля купальнича
- юра купальнича
Зыряна ладорись комиэз горадзульнас унажыксӧ шуӧны сильканок турун.
Миян горадзульсӧ ӧддьӧн радейтӧны. Этія дзоридзыс йылісь гижӧмась уна кывбур. "Горадзульнас" шусьӧ 1923 годся коми небӧг – кывбуррезӧн медодзза ӧктӧт, кӧдо лэдзисӧ перем коми поэттэз.
Ӧшмӧссэз[вильмӧтны | Вильмӧтны код]
Ракин А.Н. Краткий коми-русский, русско-коми ботанический словарь. Сыктывкар, 1989.