Питер (Юсьва район)

Питер - Перем ладорись Коми кытшын Юсьва районiсь Купрöс посадмуын коми грезд.

География

Питер грезд сулаліс ыб шӧрын, кык километр лунвыв ладорӧ Киминчи сикт дынсянь. Ойвыв ладорын сы дынсянь котӧртӧ Булатовка шор, лунвыв ладорсянь - Вавиловка шор (мӧднёж Питерка). Рытвыв ладорын, ӧтік километр ылынаын - Пӧй ю. Матын Питер дынын сулалісӧ мӧдік грезддэз - Калинчи, Евсина, Мохнатовчи, Патрина (Бечиль), Фадеева да Клюева.

История

Соликамскӧй уездлӧн генеральнӧй янсӧтан план вылын мыччалӧм грезд Питерская кӧда сулалӧ Булатовка да Питерка шоррез коласын. Купрӧс посадісь Николаевскӧй вичкуись метрическӧй небӧггезын Питер нима грезд оз пантась, сы туйӧ гижӧм Патрина грезд. Патрина (моднёж Бечиль) вӧлӧм учӧт грездӧн (1-3 горт) и сулалӧм ордчӧн Питеркӧт, сійӧн гижтӧн нійӧ ӧтлаӧтлӧмась ӧтік грездӧ. 1875 воӧ Патрина грездын вӧлӧм 6 горт кӧднаын олӧмась 20 мужик да 17 инька (быдӧссӧ 37 морт). 1904 воӧ Питер грездын (кӧда Вавилова шор вылын) вӧлӧм 11 горт кӧднаын олӧмась 72 морт (Патрина грезд мыччалӧм торйӧн, сэк сэтӧн вӧлӧм 1 горт кӧдаын олӧмась 10 морт). 1909 воӧ Питер грезд кода Вавилова шор вылын вӧлӧм 11 горт кӧднаын олӧмась 39 мужик да 37 инька (быдӧссӧ 76 морт). 1926 воӧ Питер грездын вӧлӧм 18 горт кӧднаын олӧмась 36 мужик да 53 инька (быдӧссӧ 89 морт), видзӧмась 16 вӧв. Вот вӧв видзиссезлӧн ниммез:

• Агишев Василий Павлович
• Агишев Егор Иванович
• Агишева Дарья Яковлевна
• Бычков Николай Ильич
• Бычков Патрикей Ильич
• Калин Андрей Максимович
• Калин Иван Иванович
• Калин Илья Павлович
• Калин Самуил Иванович
• Семушев Кузьма Фадеевич
• Тукачёв Филипп Самойлович

1930-ӧт воэзӧ коллективизация коста Питер лоис шӧринӧн "Свобода" нима колхозлӧн. Колхозас сідзжӧ пырисӧ модік грезддэз - Калинчи, Евсина, Мохнатовчи да Патрина (Бечиль). Бечильын сэк волома 2 горт кӧднаын олӧмась 3 мужик да 5 инька (быдӧссӧ 8 морт), вӧв видзисисыс волӧм ӧтік - Мальцев Антон Лукич.

1941-1945 воэзӧ война вылӧ Питерись мунӧмась дассизим морт (вермас лоны унажык). Вот нылӧн ниммез:

1. Агишев Егор Егорович (шогмӧм 12 январь 1923 воӧ - кулӧм 29 июль 1972 воӧ)
2. Агишев Иван Васильевич (шогмӧм 1922 воӧ - ӧшӧм юӧртӧг 17 март 1943 воӧ)
3. Агишев Иван Матвеевич (шогмӧм 1915 воӧ - вийӧм бойын 12 январь 1943 воӧ)
4. Агишев Павел Алексеевич (шогмӧм 1926 воӧ - кулӧм госпитальын 13 сентябрь 1944 воӧ)
5. Бычков Александр Патрикеевич (шогмӧм 1926 воӧ)
6. Бычков Антон Степанович (шогмӧм 1923 воӧ - вийӧм бойын 15 июль 1943 воӧ)
7. Бычков Егор Николаевич (шогмӧм 1909 воӧ - вийӧм бойын 5 июль 1944 воӧ)
8. Калин Алексей Ильич (шогмӧм 1 апрель 1922 воӧ - кулӧм 9 март 1997 воӧ)
9. Калин Иван Иванович (шогмӧм 1902 воӧ - вийӧм бойын 25 май 1942 воӧ)
10. Калин Иван Ильич (шогмӧм 1912 воӧ - ӧшӧм юӧртӧг март 1942 воӧ)
11. Калин Иван Степанович (шогмӧм 1918 воӧ - ӧшӧм юӧртӧг февраль 1942 воӧ)
12. Калин Павел Иванович (шогмӧм 1903 воӧ)
13. Калин Пётр Никифорович (шогмӧм 1905 воӧ - ӧшӧм юӧртӧг декабрь 1941 воӧ)
14. Калин Степан Иванович (шогмӧм 1898 воӧ)
15. Калин Фёдор Иванович (шогмӧм 1909 воӧ - ӧшӧм юӧртӧг май 1944 воӧ)
16. Тукачёв Филипп Самойлович (шогмӧм 1897 воӧ)
17. Федосеева Капитолина Патрикеевна (шогмӧм 1923 воӧ)

Отир лыд

Во	1869	1904	1909	1926	1963	1969	1993	2002	2010
Отир лыд	37	72	76	89	34	36	7	2	1

Агишеввез, Бычковвез да Калиннэз - тшӧкжыка пантасяна гижсяннэз (фамиллёэз).

Гора нима отир

Агишев Никита Матвеевич (7 августа 1903 - 8 августа 1938) - январсянь 1935 - сентябрӧдз 1937 Коми-Перем кытшлӧн окрисполкомись юралісь

Веськӧтлан

7 декабрь лунö 2011 воö грезд пöднасис. 2018 во пондöтчикö Питерын некин оз ов.