Пихлаяниеми (Турку)

Пихлаяниеми — Туркуись микрорайон, одззася посад.

Микрорайоныс куйлӧ каршӧрыссянь лунвылын.

Пихлаяниеми пырӧ карыс кык районӧ — Кескустаӧ да Скансси-Уйттамоӧ.

Ним йылісь

Нимыс Пихлаяниеми (гижӧны фин кыв вылын Pihlajaniemi, швед кыв вылын Rönnudden) комиӧн лоӧ Пелісьнӧрыс.

География

Пихлаяниемисянь нёджӧв. Веськытвыв Airiston Tähti, Туркуись медвылын олан керку

Маяка вадӧр

Маяка вадӧрын пуксьӧ шонді

Ордча микрорайоннэз: Корпполайсмяки ойвылын, Пуйстомяки асыввылын да Уйттамо лунвылын.

История

Одзжык Пихлаяниемиын, Питкясалми курья дорын вӧлі деревня, кӧдӧ дзимлялӧмась 1950' воэзӧ, кӧр мӧдӧмась керны таті туй портсянь. Сэсся татӧн патеруйтӧма Варсинайс Суомиись енӧждорьян полк, кӧдӧ пӧдналӧмась 2002' во помын. 2007' во помын сы казармаэзӧ вуджис Саридзвыннэзлӧн штаб.

1990' воэзсянь Пихлаяниемиӧ паськыт прос муэз вылас пондӧмась бура строитчыны. Ыджыт керкуэз чукӧрӧн сувтӧтӧмась Маяка вадорӧ (Маяккаранта). Медтӧжчана керку татӧн лоис 58 метра вылына да 18 судта Airiston Tähti.

Отир

Пихлаяниемиын 2004' годӧ олӧмась 1 139 морт, и быд во олісьыс содӧ 3,69 процент вылӧ. Отирись 9,13%-ыс 15 годся томжыкӧсь, а 11,94%-ыс 65 годся пӧрисьжыкӧсь. Мам кывнас шуӧмась фин кыв 90,52%, швед кыв 5,36%, а мӧдік кыввез 4,13% оліссезісь.

Кӧзяйство

Пихлаянниеми пырйӧт мунӧ материковӧй Туркуӧ быдӧс транспорт Хирвенсалосянь, Сатавасянь да Какскертасянь.

Лыддьӧтан

Elina Teerijoki. Kaupunginosien Turku. Turku: Savukeidas Kustannus, 2012. ISBN 978-952-268-030-3