Сыктывкарса канму университет

Сыктывкарса канму университет (рочӧнжык Сыктывкарский государственный университет; дженыта – СыктГУ) – Коми Республикаись медвылын тшупöта велöтчанiн, аркмис Сыктывкарын 1972 воын.

История

• Сыктывкарса университет вöлi восьтöма 1972 воын урасьӧм тӧлысь 10 лунӧ. Подулас вöлi кык факультет: история-филология (декан В.П. Золотарёв) да естественнöй наукаясса факультет (декан О.В. Петров). Сэки 9 кафедраын уджалiс 40 велöдысь. Медводдза велöдан воас 8 специальносьт серти вöлi босьтöма 350 студентöс.
• Коми канмуса педагогика институтысь Сыктывкарса университетö вöлi вуджöдöма история-филология (1972) да химия-биология факультетъяс (1973).
• 2013, урасьӧм тӧлысь 14 лун — Россияса Йӧзӧс велӧдан да наукаысь министр Дмитрий Ливанов кырымаліс «О реорганизации федерального государственного бюджетного образовательного учреждения высшего профессионального образования «Сыктывкарский государственный университет» и федерального государственного бюджетного образовательного учреждения высшего профессионального образования «Коми государственный педагогический институт» приказ. Велӧдчанінъясӧ приказ воис урасьӧм тӧлысь 18-ӧд лун. Сы серти, пединститут ӧтувтасны университет бердӧ кыдзи торъя тэчас, а университет лоас институтлӧн правопреемникӧн .

Ректоррез

• 1972, тӧвшӧр тӧлысь 26 лун – 1987, урасьӧм: медводдза ректорöн вöлi география наукаясса доктор, профессор В.А. Витязева.
• 1987, урасьӧм тӧлысь 20 лун – 1990, кӧч тӧлысь 5 лун: физика-математика наукаясса доктор, профессор А.Е. Грищенко.
• 1990, вӧльгым тӧлысь 20 лун – 1995, йирым тӧлысь 16 лун: физика-математика наукаясса доктор, профессор С.И. Худяев.
• 1995, вӧльгым тӧлысь 15 лун – 2012, вӧльгым тӧлысь 6 лун: экономика наукаясса доктор, профессор В.Н. Задорожный. Университетса уджалысьяс куимысь выльпöв бöрйылiсны сiйöс ректорöн: 2000, 2005 да 2010 воясö.
• 2012, вӧльгым тӧлысь 7 лун: Россияса йӧзӧс велӧдан да наука министерство ректорлысь удж вӧчысьӧн индіс Истиховская Марина Дмитриевнаӧс, коді таӧдзыс веськӧдліс Коми Республикаса каналан сӧветӧн . 2013 вося урасьӧм тӧлысь 20-ӧд лунсянь М.Д. Истиховская — ректор .

Ӧтуввез

• Сыктывкарса канму университетлöн сайт

Ӧшмӧссэз

• Витязева В.А., Бурлыкина М.И. Сыктывкарский университет: становление и развитие. – Сыктывкар, 1988.
• Юрпалова А.А. Летопись СГУ. – Сыктывкар, 1997.
• Бурлыкина М.И. Ученые СГУ: биографические очерки. – Сыктывкар, 1997.
• Республика Коми. Энциклопедия в 3 тт. – Сыктывкар, 1997–2000.