Чормӧс (кар)

Чормöс Чёрмоз
Вужпас	Дӧрапас
Му:	Рочму
Статус:	кар
ладор:	Перем ладор
район:	Обва район
карын юралісь:	Солдатов Михаил Владимирович
Аркман кад:	1701' во1701
Кар:	1943' восянь
Веськӧтлан кыв	роч
Отир лыд	4017 морт (2010)
Час кытш:	UTC+5+5
Телефон нумерӧ содтӧт:	+7 34276
Почта инпас:	617040
Авто нумерӧ содтӧт:	59, 81, 159

Чормöс — Перем ладорись Обва районын кар, Чормöс кармулöн шӧрин.

Ним йылісь

Чормöс кар шусьö сідз Чормöс ю сьöрті, кöда уссёын сія сулалö.

География

Чормöс кар сулалö Обва район ойвылын, Кама вавидзан дынын, Чормöс кöдж лунвылын. Петö Чормöс прудланьö.

Чормöс вылöт котöртöны кык шор: Якинка да Головниха.

Карсö адззан Перемсянь ойвылö 69 км ылынаын, туй кузя колö мунны 212 км. Медматын кöрттуй станцияöдз, Добрянкаöдз, 60 км ылына.

Кар дорын сулалöны грезддэз Макарята, Бурган да Селезни

Янсалöм

Карын важынсянь вöлöмась кык тор:

• Гора
• Подгора

Öння юкöттэз:

• Запильня
• Рейд
• Увал
• Хлебозавод
• Коровий остров

История

Чормöс грезд роччез первуись казьтылöны 1701' годся гумагаын, сэк татöн олöмась:

• Поликарпка Антипов, сын Кыласов
• сылöн зоннэз Кирюшка да Васька
• Кирюшкалöн зоннэс — Ганька да Ивашка
• Гришка Фёдоров, сын Михалев
• Сылöн зоннэс — Сафронка, Сенька да Федька

1724' годö оланіныс вöлі Кылосова приходын, грездыс сулалöма келанін дынын, Кылосовасянь Дмитриевскöйланьö туй кузя мунтöн.

1761' годö Чормöсын осьтöмась ыргöн сылöтан завод, кытöн сэсся (1766' восянь) пондасö кисьтны кöрт да керны сыись берсясö. 1954' годö, КамГЭС лöсьöтöм бöрын, завод подналöмась.

1778' апрель 29' лунö Н. Г. Строганов вузалö Чормöсісь завод да именнёлісь тор ювелир И. Л. Лазаревлö 450 сюрс руб понда.

XVIII век помын карсö пондасö план сьöрті зорöтны. Архитекторöн вöлі А. Н. Воронихин.

1797' годö Чормöсын лэбтöмась Преображеннё вичку (пöдналöм 1830' годö).

1800' годö Лазареввез лöсьöтöны Чормöсын Перем муись асланыс именнё понда веськöтлан шöрин.

1802' годö Чормöсын лэбтöмась изовöй больнича.

1811' апрель 21' лунö завод бердын осьтöмась отир понда велöтчанін.

1812' апрель 1' лунö заводас пондас уджавны отир понда библиотека, кöда вöлі медодзза Урал вылын.

1827' май 29' лунö пуктöмась медодзза из Енмам чужöм нима вичкуö, вичкуыс вöлі вежаöтöм 1836' сентяб 8' лунö.

1836' годö приходісь велöтчанінын осьтöмась музей.

1943' июнь 18' лунö Чормöс лоис карöн, сэк татöн олöмась 17 сюрс морт.

1924'-1959' воэзö Чормöсын волі торья Чормöс районлöн шöрин.

Чормöс öштіс ассис значеннё 1956' годö, КамГЭС шогья завод подналöм бöрын.

Сэсся 1959' воын пöдналöмась и район. Карыс кольччис горсоветöн (1960'–2005' воэзö), кöда пырис Перем лапöлісь Обва (Ильинскöй) районö.

Веськöтлан

Öні карыс пырö Перем ладорись Обва районö да лоö Чормöс кармулöн веськöтлан шöрин. Юралісьыс Солдатов Михаил Владимирович.

Чормöс кармуö карысся пырöны Кыласова посад да грезддэз:

• Банюкова
• Дуракова
• Ераничи
• Катаева
• Кокорница
• Учöт Макарята
• Онина
• Пожевка
• Романова
• Савкина
• Селезни
• Шированова

Отир

Отирыс шусьöны чормозяна. 2010 во пондöтчикö нія вöлöмась 4017 морт.

Чормöсын оліссезлöн динамика

Во	Морт лыд
1959	11.000
1979	6.800
1989	5.907
2002	4.376
2006	4.147

Кöзяйство да быт

• АО "Синергия"(машинакерöм)
• "Лукойл" (мусир шедтöны Романова дынын, карсянь сизим километра ылынаын).
• ЗАО «Чермозлес»
• туйлöсьöтан участок
• жилищно-коммунальнöй кöзяйство видзан комбинат
• «Уралтехника» ООО-лöн филиал
• ООО «Севэнерго»
• МП «Горэлектросеть»
• сепаратора юкöт

Автотуйыс мунö Обва посадö, сы пырйöт мунöны Перемö (ас машинаöн 2,5 час, автобусöн — 4 час.

Велöтан

• Шöрöт школа
• Корректируйтан школа
• Челядьсад

Культура

• Культура керку
• Асладор музей
• Клуб-кинотеатр
• Библиотека
• кык вичку

Гора нима отир

• Виленскöй З. М., скульптор
• Деменев Николай Васильевич (1902–1982), химик
• Ершов Виктор Егорович (1924–1944), пулеметчик, Советскöй Союзлöн Герой
• Павловскöй–Боровик Вера Ильинична (1886–1975), опера сылісь, Ленинградісь консерваторияын профессор
• Подойницын Г. Я.(1897–1956), юстициялöн генерал-майор
• Ромас Я. Д., серпасалісь
• Чирков Иван Петрович (1877–1920), художника

Казьмöтаннэз да сингажöтаннэз

Архитектура

• Енмам чужöм нима вичку (1836' во)
• главнöй правленнёлöн керку(1812 во)
• главноуправляющöйлöн керку (1815 во)
• госпиталь (1802 во)

Лыддьöтан

• Николаев С. Ф. Чёрмоз // Материалы по Перм. обл к Урал. ист. энцикл. Пермь, 1994. Вып. 1. С. 89.
• Новокрещенных Н. Н. Чермозский завод, его прошлое, настоящее и летопись событий. Спб., 1889. 164 с.
• Чуприянов В. И., Чуприянова М. Н. Тайны земли Пермской. Пермь: Пушка, 2003. 95 с.: ил.
• Чуприянова М. Н., Чуприянов В. И. Чёрмозские заводовладельцы и землевладельцы. Пермь: Перм. кн., 2002. 159 с.
• Чёрмоз: вчера, сегодня, завтра: материалы науч.-практ. конф., посвящ. 300-летию г. Чёрмоза, 28-29 июня 2001 г. Пермь: Мини-Принт, 2002. 143 с.
• Чуприянов В. И. Чёрмозский завод. Факты, моменты и события (1761-1956). Пермь: Пушка, 2001. 303 с.: ил.

Ыстöттэз

• Чёрмöс отирлöн сайт
• Чормöс йылісь «Менам кар» энциклопедияын
• Чормöс йылісь «Перем ладор» энциклопедияын
• Чормöс вужпас йылісь