Шедов (Юсьва район)
Шедов - Перем ладорись Коми кытшын Юсьва районын учöт грезд.
Ним йылісь
[вильмӧтны | Вильмӧтны код]Шедов (мöднёж Сьöдов, Сьöд) грезд шуöмась сiдз кыдз медодзза оліссезлӧн вӧлӧма фамиллё Сьӧдов (рочӧнжык - Щедов). Аркмӧм эта фамиллёыс кывись сьӧд (рочӧн - чёрный). XVIII сёво пондӧтчикӧ бокись Шедовкӧт Бажина грездын олӧмась Щедов Иван Иванович да Щедов Дмитрий Фёдорович. Эта йылісь гижӧм Купрӧс сиктісь Вежа Миков вичкуись метрическӧй небӧггезын.[1]
География
[вильмӧтны | Вильмӧтны код]Шедов грезд сулалö мыс вылын, куим ладорсянь сы гöгöр кырассэз, кыті котӧртӧны ӧтік ю да кык шор. Рытъяв ладорсянь котӧртӧ Пöй ю, ойвывсянь - Сизь нима шор, асывладорсянь - ыббэз, лунвывладорсянь Бажин грездсянь сійӧ янсӧто Сьӧд шор.
Туйез
[вильмӧтны | Вильмӧтны код]Шедова грездын эм токö öтік туй, кöда шусьö Медшöр туй.
История
[вильмӧтны | Вильмӧтны код]1869 воӧ Шедоваын вӧлӧмась 4 кӧзяйсво, кытӧн олӧмась 15 мужик да 14 инька (быдӧссӧ 29 морт)
1904 воӧ Шедоваын вӧлӧмась 8 кӧзяйсво, кытӧн олӧмась 21 мужик да 21 инька (быдӧссӧ 42 морт).
1926 воӧ Шедоваын вӧлӧмась 11 кӧзяйсво, кытӧн олӧмась 26 мужик да 19 инька (быдӧссӧ 45 мор, быдӧнныс ны коласісь коми-пермяккез).
1930-й воэзӧ Шедова грезд пырис "Красный пахарь" нима колхозӧ, кытчӧ пырлӧмась эшӧ сэтшӧм грезддэз кыдз Бажина, Ябыровчи да Микалёв (Ляч Мыс).
1941 - 1945 воэзӧ Бажинаись, Ябыровчись да Шедовчись война вылӧ мунӧмась 43 морт, локтӧмась бӧр тӧко 9 морт. 2007 воӧ куліс медбӧрья ветеран - Пётр Максимович Яборов.
1963 воӧ Шедоваын вӧлӧмась олӧмась 63 морт.
Отир лыд
[вильмӧтны | Вильмӧтны код]2021 во пондӧтчикӧ грездын олöны куим морт. Быдыс ны коласiсь пенсионеррезз.