Ябыровчи (Юсьва район)
Ябыровчи (Ябыр) - Перем ладорись Коми кытшын Юсьва районiсь Купрöс посадмуын коми грезд.
Ним йылiсь
[вильмӧтны | Вильмӧтны код]Ябыровчи (мöднёж Ябыр) грезд шуöмась сiдз ябыр кайсянь (ябыр - роч: дрозд-рябинник).
География
[вильмӧтны | Вильмӧтны код]Грезд сулалö мыс вылын, неылын Пöй ю дынсянь. Матынжык оланiн - Кимна посад. Сэтчöдз туй кузя нёль километр, веськыта вӧрӧн тырӧм ыб кузя - куим километр.
Янсалöм
[вильмӧтны | Вильмӧтны код]Туйез
[вильмӧтны | Вильмӧтны код]Ябыровчи грездын эм токö öтік туй, кöда шусьö Медшöр туй.
История
[вильмӧтны | Вильмӧтны код]Медодззаись Ябыр нима грезд пантасьӧ Строганов бароннэзлӧн 1722 вося переписьын (перепись Купросского погоста Орловских и Чусовских вотчин баронов Строгановых в границах провинции Соль Камской). Сэк Ябыровчиын вӧлӧмась 4 двор, кытӧн олӧмась 45 морт мужик пӧв.
1869 воӧ Ябыровчиын вӧлӧмась 10 двор, кытӧн олӧмась 23 мужик да 30 инька (быдӧсӧ 53 морт).
1904 Ябыровчиын вӧлӧмась 15 двор, кытӧн олӧмась 44 мужик да 49 инька (быдӧсӧ 93 морт).
Медодзза советскӧй 1926 вося перепись сьӧрті Ябыровчиын вӧлӧмась 21 кӧзяйсво, кытӧн олӧмась 44 мужик да 59 инька (быдӧсӧ 103 морт, ныись быдӧнныс коми-пермяккез).
1963 воӧ Ябыровчиын кольчӧмась овны 59 морт.
Отир лыд
[вильмӧтны | Вильмӧтны код]2021 во пондöтчикö Ябыровчиын кольччис овны öтік морт.
Казьмöтаннэз да сингажöтаннэз
[вильмӧтны | Вильмӧтны код]Ойвыв ладорын, грезд пондӧтчикӧ, сулалӧ важ ыржапу, вужжез дын кӧдалӧн эм ключ. Ябыровчись оліссез босьтлісӧ сэтісь ва