Лыдним:Версияэзлӧн торьялӧм
невн.Вильмӧтӧмсӧ вежӧртӧтӧмыс абу |
Вильмӧтӧмсӧ вежӧртӧтӧмыс абу |
||
Визёк 188: | Визёк 188: | ||
==Лыдниммезлöн зораммöм== |
==Лыдниммезлöн зораммöм== |
||
[[Category:Wp/koi]] |
|||
[[Category:Сёрни торрез]] |
[[Category:Сёрни торрез]] |
||
Версия № 18:18, 24 Лӧдзза-номья 2010
Лыдним (числительнöй) – кыв ладын асвына сёрни тор. Лыдниммезöн шусьöны шуаннэз, кöдна мыччалöны эмторрезлiсь (предметтэзлiсь) лыд, лыддикö нылiсь арт, а сiдзжö öтлаöтöмöн лыддьöм.
Коми лыдниммез
Коми кылын эм сэтшöм лыдниммез.
Лыддьöс | Лыдним | |
---|---|---|
Перем комиöн | Зыряна нёж | |
1 | öтiк | öти |
2 | кык | кык |
3 | куим | куим |
4 | нёль | нёль |
5 | вит | вит |
6 | квать | квайт |
7 | сизим | сизим |
8 | кыкьямыс | кöкъямыс |
9 | öкмыс | öкмыс |
10 | дас | дас |
11 | дасöтiк | дас öти |
12 | даскык | дас кык |
13 | даскуим | даc куим |
14 | даснёль | дас нёль |
15 | дасвит | дас вит |
16 | дасквать | дас квайт |
17 | дассизим | дас cизим |
18 | даскыкьямыс | дас кöкъямыс |
19 | дасöкмыс | дас öкмыс |
20 | кыкдас | кызь |
21 | кыкдас öтiк | кызь öти |
30 | куимдас | комын |
40 | нёльдас | нелямын |
50 | витдас | ветымын |
60 | кватьдас | квайтымын |
70 | сизимдас | сизимдас |
80 | кыкьямысдас | кöкъямысдас |
90 | öкмысдас | öкмысдас |
100 | сё | сё |
1000 | сюрс | сюрс |
Лыдним чукöррез
Лыдниммез асланыс вежöртас сьöртi овлöны кодяöсь, сьöрбöраöсь да öтлаöтöмöсь.
Кодя лыдниммез мыччалöны предметтэзлiсь лыд, видзöны очакыв кыным? юасян вылö. Мыччалöм могись: öтiк, кык, куим, нёль, вит, квать, сизим, кыкьямыс, öкмыс, дас, дасöтiк, даскык, даскуим, кыкдас, кыкдаслiсь, кыкдаслö.
Сьöрбöра лыдниммез мыччалöны предметтэзлiсь лыддикö арт, видзöны очакыв кынымöт? кынымöдз? юасяннэз вылö. Нiя аркмöны кодя лыдниммез бöрö öт содтас быдтöмöн. Мыччалöм могись: кыкöт, куимöт, нёльöт, витöт, сизимöт, дасöт, даснёльöт, дасвитöт, дассизимöт, дасöкмысöт.
Медодзза кык кодя лыднимись сьöрбöра лыдниммес вермöны аркмыны мöдiк вужжезiсь и мöдкодь содтассэзöн: медодзза, мöдiк.
Вужыс кö мыччалöма лыдпасöн, сэк содтасыс гижсьö кырöлок пыр: 1-а, 2-к, 3-öт, 24-öт, 135-öт. Эм кö сэсся эманим, то кырöлока содтас туйö позьö гижны апостроф: 1’ классын, 3’ лунö, 24’ автобус, 135’ километра.
Öтлаöтöм лыдниммез мыччалöны предметтэзлiсь лыдсö öтлаöтöмöн. Нiя аркмöны кодя лыдним бöрö нан содтас быдтöмöн. Мыччалöм могись: нёльнан год, витнан морт, куимнан вон.
Лыднимлöн тэчас
Тэчас сьöртi лыдниммес овлöны öтпöвсаöсь, унавужаöсь, унакылаöсь.
Öтпöвсаэзын эм токö öтiк вуж: öтiк, квать, сизимöт, кыкнанным.
Унавужаэзын вужжез кыка нето унажык: витдас, кватьдас, дассизимöт, даскыкьямысöт.
Унакыла лыдниммез аркмöны кынымкö торья лыднимись: куимдас нёль, нёльдас кык, куимсё витдас квать.
Лыднимлöн синтаксис
Кöр лыдниммез петöны эманиммезкöт, нiя озö вежласьö: дас морт, дасöт морт, кыкнан мортыс, куимнан сойыслö.
Лыдниммес вермöны петны эманиммезтöг, сэк нiя вежласьöны кöрталан сьöртi. Мыччалöм могись: дас, дасöн, даслöн, даскöт; дасöт, дасöтöн, дасöтлöн, дасöткöт; кыкнан, кыкнанöн, кыкнанлöн, кыкнанкöт.
Лыдним сёрникузяын лоö видзан нето паськöтан юкöтöн. Мыччалöм могись: Кыкнанныс локтасö аскадö. Кык да кык — нёль. Воннэс велöтчöны сизимöт классын. Чулалiс мöдiк час.
Лыдниммез гижöм
Лыдниммез гижикö колö видзны тöдвылын сэтшöм туйдöттэз.
1. Нечорыт лыд мыччалiкö ордчöн кö петасö кык лыдним, нiя гижсьöны кырöлок пыр: öтiк-кык, кык-куим, куим-нёль, нёль-вит, кыкьямыс-öкмыс. Сiя жö могсö тыртан кывтэчас эманим + лыдним, гижсьö торйöн: керку куим.
2. Кывбöррезкöт лыдним гижсьö торйын: кыкдас гöгöр, вит мымда, нёль кузя.
3. Лыдпассэзöн гижöм лыдним бöрö вежаннэз одзö сувтöтсьö кырöлок, мыччалöм могись: 4-ись, 3-öдз, 80-ын.
4. Сьöрбöра лыднимыс кö гижöма лыдпасöн содтас туйö позьö гижны апостроф: 7-öт нето 7’, 16-öт нето 16’. Но датаэзын содтас не апостроф озö гижсьö: 2009 воын, 1998 годö, январ 27 лунö.
5. Нэм (век) мыччалiкö лыдним пыр гижсьö латин лыдпассэзöн, а содтас сы бöрын оз гижсьы: XXI векын, XVIII нэмсянь.