Балуев Анатолий Данилович

Балуев Анатолий Данилович (1946) — Коми кытшись кинорежиссёр. Сы творчествоын унажыксо тӧдчӧны коми мотиввез.

Олан туй

А. Д. Балуев чужис март 5 лунӧ 1946 годӧ Кӧч посадын. 1963 годӧ помаліс Кӧчись жӧ шӧрӧт школа, сэсся кынымкӧ во уджаліс посадас да районас.

Велӧтчис Кинематография сьӧрті всесоюзнӧй государственнӧй институтын кинотӧдӧм факультет вылын. 1973 восянь уджалӧ Свердловскись киностудияын редакторӧн, бӧрынжык и режиссёрӧн. 1999 годсянь — веськӧтлӧ Свердловскись государственнӧй телерадиокомпаниялӧн «Уралтелефильм» творческӧй йитӧтӧн.

Кинематография кужӧт сьӧрті роч академияись «Ника» нима чукӧрлӧн академик (1997), Рочмуись кинематографисттэз йитӧтлӧн Урал юкӧтын веськӧтланісь член (1996).

Фильммез

• О, велосипедист! (1976)
• По собственному желанию (1979)
• Холм (1990)
• Прощание славянки (1983)
• Фуга (1988)
• Ми вӧлім тшынӧн (Мы были дымом, 1992)
• Гыэз (Волны, 1994)
• Тупи-тап (1996)
• Хор (1998).

Ошканпассэз

Уна приз да награда Международнӧй фестиваллез вылын босьтісӧ сылӧн фильммез: «Фуга», «Мы были дымом», «Волны», «Хор» да мӧдіккез.