Вакинчи (Юсьва район)

Вакинчи Вакино
Му:	Рочму
Статус:	грезд
ладор:	Перем ладор
район:	Юсьва район
Инлыдпассэс:	59°10′34″ с. ш. 55°31′34″ в. д.
Веськӧтлан кыв	коми, роч
Отир лыд	8 морт (2009)
Час кытш:	UTC+5+5
Телефон нумерӧ содтӧт:	+7 34246
Почта инпас:	619181
Авто нумерӧ содтӧт:	59, 81

Ва́кинчи — Перем ладорись Коми кытшын, Юсьва районсис Купрӧс посадмуын коми грезд (деревня).

Ним йылісь

Нимыс аркмӧм Вака нимкодьсянь (рочӧн вакать - кричать, квакать) [В.В. Климов, О чём рассказывают имена Пармы, стр. 125]

География

Вакина сулалӧ мыс вылын неылын Почашор дынсянь. Почашорыс усьӧ Исыл юӧ веськыт ладорсянь. Вакинасянь Тиминаӧдз - 15 километр, Тукачовӧдз - 3 километр, Юсьваӧдз - 62 километр.

Туйез

Вакинчи грездын эм токö öтік туй, кöда шусьö Медшöр туй .

История

Отирыс Вакина грезд гогӧрын олӧмась важынсянь. 500 метр ылынаын лунвыв-асыввыв ладорын ӧнняся Вакина дынсянь XI-XII нэммезӧ (веккезӧ) вӧлӧма селище кӧда пырӧ Роданов нима археологическӧй культура дынӧ. Перемын музейын, Теплоухов коллекцияын эмӧсь уна быдкодь адззӧмторрез, кӧднӧ публикуйтліс А.А. Спицын. Сія жӧ датируйтліс адззӧмторресӧ VIII-XIV нэммезӧн (веккезӧн). 1938 воӧ селищесӧ видзӧтӧм археолог М.В. Талицкий да адззӧм кык шурфын пӧвст (слой) оланіннэзлісь да ӧддьӧн уна вӧвлытӧм эта кад понда керамика.

Ӧнняся Вакина грезд аркмӧтӧм 1765 воӧ Верх-Пой грездісь оліссезӧн. 1869 воӧ Вакинаын вӧлӧм 6 горт кӧднаын олӧмась 18 мужик да 18 инька (быдӧссӧ 36 морт). 1904 воӧ Вакинаын вӧлӧм 9 горт кӧднаын олӧмась 25 мужик да 38 инька (быдӧссӧ 63 морт). 1909 воӧ Вакинаын вӧлӧм 9 горт кӧднаын олӧмась 26 мужик да 43 инька (быдӧссӧ 69 морт). 1926 воӧ Вакинаын вӧлӧм 13 горт кӧднаын олӧмась 35 мужик да 36 инька (быдӧссӧ 71 морт).

Коллективизация коста Вакинаын аркмӧтӧмась "Победа" нима колхоз. Киндза (кроме) Вакинася сэтчӧ пырӧмась Пистӧговчи, Чужов, Стёр (Ерёмина) да Сетанов грезддэз. Вакинаыс лоис колхозлӧн шӧринӧн.

1941-1945 воэзӧ Вакинаись война вылӧ мунӧмась кыкдаснёль мымда отир. Вот нылӧн ниммез:

1. Антипин Владимир Терентьевич (шогмӧм 27 июль 1914 воӧ)
2. Антипин Ефим Терентьевич (шогмӧм 1907 воӧ)
3. Антипин Иван Терентьевич (шогмом 1903 воӧ)
4. Баяндин Александр Семёнович (шогмӧм 1918 воӧ - вийӧм бойын 4 август 1943 воӧ)
5. Вакин Александр Петрович (шогмӧм 1898 воӧ)
6. Вакин Андрей Степанович
7. Вакин Василий Васильевич (шогмӧм 1924 воӧ)
8. Вакин Василий Яковлевич (шогмӧм 1904 воӧ - вийӧм бойын 24 август 1942 воӧ)
9. Вакин Григорий Алексеевич (шогмӧм 1918 воӧ)
10. Вакин Дмитрий Алексеевич
11. Вакин Ефим Степанович (шогмӧм 15 декабрь 1912 - кулӧм 25 мая 1993 воӧ)
12. Вакин Иван Васильевич (шогмӧм 12 май 1903 воӧ - вийӧм бойын 20 август 1942 воӧ)
13. Вакин Иван Иванович (шогмӧм 1904 воӧ)
14. Вакин Иван Николаевич (шогмӧм 1923 воӧ - кулӧм 26 май 1945 воӧ)
15. Вакин Иван Степанович (шогмӧм 1902 воӧ - вийӧм бойын 15 декабрь 1942 воӧ)
16. Вакин Киприян Степанович (шогмӧм 1913 воӧ)
17. Вакин Пётр Алексеевич
18. Вакин Фёдор Алексеевич (шогмӧм 1900/1901 воӧ - вийӧм бойын 9 март 1944 воӧ)
19. Вакин Филипп Павлович (шогмӧм 1925 воӧ)
20. Калин Василий Филиппович (шогмӧм 1910 воӧ - вийӧм бойын 2 март 1943 воӧ)
21. Калин Григорий Филиппович (шогмӧм 1915 воӧ)
22. Калин Семён Филиппович (шогмӧм 1913 воӧ)
23. Кривощёков Александр Семёнович (шогмӧм 1926 воӧ)
24. Шестаков Спиридон Данилович (шогмӧм 1922 воӧ - вийӧм бойын 20 август / 25 сентябрь 1944 воӧ)

Отир

2009' во пондöтчикö Вакинчиас олöмась кыкьямыс морт, кöдна видзöмась квать горт.

Отир лыд

Во	1869	1904	1909	1926	1963	1969	1971	1981	1993	2002	2010
Кыным морт	36	63	69	71	59	69	67	44	25	11	8

Вакиннэз - тшӧкжыка пантасяна гижсян (фамиллё), сідзжӧ олӧмась Антипиннэз да Шестаковвез.

Веськöтлан

2019 воӧ Вакинаись 3 кольччӧм олісь вуджӧмась овны Тукачов посёлокӧ.

Лыддьöтан

• Коми-Пермяцкий национальный округ. Москва-Ленинград, 1948.

Ыстісяннэз

2. Вакинское селище