Веньдін (Удора район)
Веньдін (рочӧжык Вендинга) — грезд (деревня) да посёлок Коми Республикаись Удора районын, Благоев кармуас. Куйлӧ Удора район рытвылын, Ву ю дорын, Благоев кароксянь 6 км ылынаын.
Ним йылісь
[вильмӧтны | Вильмӧтны код]Грездыс сулалӧ Венью уссёын, сысянь и сылӧн нимыс Веньдін: Вень + дін (уссё). Роч нимыс лӧсьӧтӧм коми нимісь аналогия сьӧрті -га суффикс содтӧмӧн.
История
[вильмӧтны | Вильмӧтны код]- Грезд дорын адззӧмась важмортлӧн сувтланін (медодзза бронза нэм)
- Первуись Веньдін казьтывсьӧ ыджыт князь Иван ІІІ-лӧн 1485 вося сёртокын.
- 1608 годӧ Вендинга погостын вӧлі Енмам кувсьӧм нима пуовӧй вичку да 18 горт, а ачыс погостыс вӧлі волосьын шӧрин.
- 1646 воын татісь гижӧмась 26 олан да 4 енӧвтӧм горт (кык мортлӧн сэк вӧлі нимкоддез: Валуй да Колыван), а 1678 годӧ – 15 олан да 9 прост керку.
- 1917 год кежӧ лыддьӧмась 20 горт.
- В 1848 году татісь олісь Калинин Аверкий Егорович медодз Удораын пондіс быдтыны картов, сыпонда сылӧ сетӧмась козин кан эмбур министерствосянь. Зон Аверкийыслӧн, В.А. Калинин, велӧтчис му-видз уджалӧмӧ Вӧлӧгдаын да пондіс босьтны картовкасис бур урожайез. Сія ышӧтіс быдӧс ордча крессянасӧ быдтыны картовсӧ.
- 1859 воын Веньдін грездын вӧлі 15 горт, 136 олісь.
- 1860 годӧ Веньдінын поп керкуас осьтӧмась Удоралӧ медодзза школа, кӧда сэсся уджаліс 1950 воӧдз. 1676 пондіс велӧтны челядьсӧ В. А. Калинин, 1886 годсянь бӧра велӧтісьӧн сувтӧтісӧ попӧс.
- 1870-80 воэзӧ земство осьтӧма Веньдінӧ пошта ям.
- 1872 воын лэптӧмась Успеннё нима вичку
- 1893 вося иююль 2 лунӧ Веньдінӧ осьтӧмась медодзза Коми муын гидрометеопоз. Под пуктісь – Иван Васильевич Калинин. Сія позыс уджалӧ и талун.
- ХХ век пондӧтчикӧ грездас лӧсьӧтӧмась библиотека.
- 1925 годӧ татӧн вӧлі потребкотыр, 1930 годӧ – аптека, парокод сувтчанін да гӧрд пельӧсок.
- 1960 воэз помын Микунь-Кослан-Веньдін кӧрттуй нюжӧтӧм коста грездкӧт ордчӧн аркмис кӧрттуйдорся посёлок, сідзжӧ Веньдін нима.
Отир
[вильмӧтны | Вильмӧтны код]Медваж гишшаннэз Веньдінас: Колыванов, Шелеев, Калинин, Козлов, Денисов.
Грездын:
- 1926 – 189 морт (44 горт)
- 1959 – 165 морт
- 1970 – 75 морт
- 1979 – 45 морт (49 горт)
- 1989 – 40 морт (77% комиӧсь, 20% рочӧсь)
- 2000 – 38 морт (26 горт)
Посёлокын:
- 1970 – 265 морт
- 1979 – 256 морт
- 1989 – 265 морт.
1995 воын грездын да посёлокын ӧтлаын олӧмась 231 морт, 2009 годӧ – 218 морт.
Гора нима отир
[вильмӧтны | Вильмӧтны код]- Калинин Александр Иванович – генерал-майор
- Калинин Павел Дмитриевич – инженер-геолог
- Крюков Владилен Васильевич – велӧтісь
Ӧшмӧссэз
[вильмӧтны | Вильмӧтны код]- Благоев карму йылсіь Удора районісь веськӧтланлӧн сайт вылын
- Афанасьев А. П. Топонимия Республики Коми. Сыктывкар: Коми кн. изд-во, 1996 ISBN 5-7555-0554-3
- Жеребцов И. Л. Где ты живёшь: Населённые пункты Республики Коми. — Сыктывкар: 2000.
- Историко-культурный атлас Республики Коми. — М: Дрофа, 1997. ISBN 5-287-00027-8
- Республика Коми. Энциклопедия в 3-х томах. — Сыктывкар: Коми книжное издательство, 1997, 1998, 1999. — Т. I, II, III. ISBN 5-7555-0617-5