Удора район

Босьтöм Википедияись
Удора район Коми Республикаын


Удора район (рочӧнжык Удорскӧй район) – веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧрин – Кослан посадын. Кослансянь Сыктывкарӧдз 270 км.

Районыс аркмӧтӧм 1929 годӧ.

География[вильмӧтны | Вильмӧтны код]

Удора районыс 35,8 сюрс км² ыжда. Куйлӧ Коми Республика рытвылын. Межаасьӧ Чилимдін, Емва да Емдін районнэзкӧт асыввылын, Кардор лапӧвкӧт ойвылас и рытвылас да Вӧлӧгда лапӧвкӧт лунвылас.

Мувевдӧрыс – некрут покаттэза, мукӧдлаӧт нач веськыт волькытін, кӧдӧ кырӧтӧны ю оллез. Ойвыв-рытвывсянь районас пырӧ Тиман мусюрлӧн медвылын чут – Чӧдлас из (463 м).

Колана шедтассэз: строитчан материаллэз (сёй, лыа, мергель), соввез, сотчан сланеччез, люмень да кӧрт рудаэз.

Климат Удора районас шӧркодя континентвывся, тӧв татӧн ӧддьӧн кузь, а гожумыс дженытӧв. Лым пондӧтчӧ сывны токӧ апрель помын. Лымыс куйлӧ 180–210 лун сьӧрна, пыдынаыс унажыксӧ 60–80 см, мукӧдкоста мартын овлӧ и 100–120 см пыдына. Гожумыс районас шоныткодь, тшӧкыта овлӧны зэррез. Во сьӧрна шӧрӧт шонтӧгыс –0,7 С°, абсолют максимум лоӧ +35 С° , абсолют максимум –53 С°. Тӧввез пӧльтӧны тӧвнас унажыксӧ лунвывсянь, нето лунвыв-асыввывсянь, гожумнас – ойвывсянь.

Медыджыт юэз Удора районын Мозын да сылӧн медыджыт вож Ву. Энія юэзӧ усьӧны 140 учӧтжык юок. Эм 200 кыным ты.

Вӧрсялӧм мувывторсис 87,5%. Вӧрыс унажыкнас – кӧзъя да пожума. Быдмӧны татӧн 27 вид быдкодь ягӧд, 50-а быдкодь быдмассэз.

Вӧрын олӧны вӧрмӧссэз, ошшез, уррез, туланнэз, кӧррез, ондатраэз, чожмӧррез, вурддэз.

Удора районісь юэз тырӧсь быдкодь чериӧн, татӧн уялӧны чими, сиг, пелядь, ком, мык, сын, ёді, ёкыш, сирпинь.

Вӧр-васӧ районас дорйӧны то кытӧн:

  • Ӧтласа заказник «Мозынйыв»
  • Ботаника сьӧрті заказник «Югыдъю»
  • Ботаника сьӧрті заказник «Йӧртым»
  • Ботаника сьӧрті заказник «Павьюга»
  • Нюр дорьян квать заказник
  • Вӧр-валісь сӧстӧмвынсӧ казьмӧтан «Йӧртымвад ты»
  • Пожумаин «Кораб яг»

История[вильмӧтны | Вильмӧтны код]

ХV век мӧд джынын вӧлі лӧсьӧтӧма Удора кытш. Удора муӧ сэк пырлӧмась быдӧс Ву ладор, шӧрӧт да катыт Мозын пӧлӧнісь муэз (Ву уссёӧдз). Юравлӧмась татӧн сотниккез, кӧднӧ оліссез асьныс бӧрйывлӧмась.

1505 годӧ Иван III колис Удорасӧ пӧрисьжык зоныслӧ, Васьлӧ.

ХVІ век одзза джынын Удора муись торйӧтчис Мозын катытын куйлан Слӧбӧда волось (1554), кӧда сэсся ачыс торйӧтчис кык волось вылӧ: Глотова Слободка (ӧння Слӧбӧда) да погост Косланскӧй (Кослан).

Гым Иван дырни 1560–1570 воэзӧ Удорасянь Кеврола-Мозын уездӧ вӧлісӧ вуджӧтӧмась опричнинанас Ву кывтытын куйлан муэз: Олема волось да Кеб волось.

Иван сарлӧн 1582 вося сёртокын Удора бӧра шуӧма асторья веськӧтлан юкӧтӧн. Сотникӧн Удораас вӧлі сувтӧтӧма Першин Артей, сы кипод увтын вӧлісӧ целовальниккез да вӧлӧсись мӧдік вськӧтліссез. Сія жӧ кадсянь роч сар титуллэз коласӧ пондӧны гижны и Удораись ӧксу (Князь Удорскӧй).

XVI век помын – XVII век пондӧтчикӧ кыкнан волосьсӧ, Удора му да Слӧбӧдаӧс, пыртӧмась Яренск уездӧ.

Удора район вӧлі аркмӧтӧм 1929 вося июль 15 лунӧ.

Отир[вильмӧтны | Вильмӧтны код]

2002 годӧ Удора районас олӧмась 25,1 сюрс морт (2009 воын – 23,1 сюрс). Ны коласісь кароккезын оліссез 10,2 сюрс морт, грезд-посадын – 14,9 сюрс морт.

Чужанвуж сьӧрті 2002 вося гижӧтӧм сетіс сэтшӧм лыдпассэз: роччез – 45,4%; комиэз – 40,9%; беларуссэз – 1,3%; украинса – 5,1%.

Веськӧтлӧм[вильмӧтны | Вильмӧтны код]

Район вылын юралісьыс Ульянов Руслан Николаевич. Веськӧтланыслӧн адрес: 169230, Удора район, Кослан посад, Шӧр туй, 114. Факсыс (82135) 3-33-62. Районісь Сӧветын медыджытыс Солдатенко Валентина Тимофеевна.

Янсалӧм[вильмӧтны | Вильмӧтны код]

Удора район янсӧтчӧ 15 веськӧтлан юкӧт вылӧ. Татӧн эм куим карму да 12 посадму.

Посадму /

карму

Мымда

оланін

Веськӧтлан Факс Юралісь
Благоев к. 5 169250, Благоев к-к, Дружба туй, 6 (82135) 221-25 Панюкова Ольга Михайловна
Буткан п. 1 169251, Буткан посад, 131 (82135) 355-17 Сычёва Нина Егоровна
Важгорт п. 5 169245, Важгорт посад, 11 (82135) 268-05 Малахиев Василий Геннадьевич
Вож п. 2 169255, Вож п-к, Адм. туйколас, 1 (82135) 274-30 Кузнецова Тамара Афанасьевна
Ёвкӧдж п. 4 169249, Ёвкӧдж, 153 (82135) 264-44 Екимов Степан Федорович
Ёдва п. 1 169257, Ёдва п-к, Комсомол туй, 1 (82135) 272-33 Адамов Абдулмажит Абдулсаламович
Йӧртымдін п. 5 169268, Йӧртымдін посад, 45/1 (82135) 257-49 Евсеева Роза Александровна
Кослан п. 3 169240, Кослан, Н. Трофимова туй, 3 (82135) 334-71 Краснояров Олег Ерусланович
Междуреченск к. 2 169260, Междуреченск, Интерн. туй, 5 (82135) 235-25 Махмутдинова Миннинур Гильмутдиновна
Путшкымдін п. 6 169247, Путшкымдін п-к, 132 (82135) 265-38 Матев Василий Николаевич
Пыисдін п. 5 169263, Пыисдін посад, Шӧр туй, 17 (82135) 353-10 Букина Милада Яковлевна
Слӧбӧда п. 8 169265, Слӧбӧда посад, 16 (82135) 356-16 Гордеев Александр Алексеевич
Усгорт к. 4 169270, Усгорт к-к, Дружба туй, 17 (82135) 516-63 Самоделкин Леонид Александрович
Тшым п. 1 169253, Тшым п-к, Строитіссез туй, 8 (82135) 275-18 Ахунова Ольга Николаевна
Черныб п. 4 169262, Черныб посад, 113 (82135) 367-60 Селиванова Тамара Ивановна

Оланіннэз[вильмӧтны | Вильмӧтны код]

Удора районын ӧні 55 оланін: куим карок, кыкьямыс посёлок, ӧкмыс посад да 35 грезд.

Коми ним Роч ним Статус Мымда

морт [1]

(2007)

Пошта

индекс [2]

Посадму / карму
Благоев Благоево карок 2523 169250 Благоев карму
Буткан Буткан посад 335 169251 Буткан посадму
Важгорт Важгорт посад 548 169245 Важгорт посадму
Вачӧртыдін Усть- Вачерга грезд 40 169250 Благоев карму
Веньдін Вендинга грезд 218 169243 Благоев карму
Вож Вожский посёлок 2642 169255 Вож
Вылыс Выльыб Верхний Выльыб грезд 77 169265 Слӧбӧда посадму
Выльвидз Выльвидзь грезд 0 169245 Важгорт посадму
Выльгорт Выльгорт грезд 50 169245 Путшкымдін посадму
Ді Острово грезд 1 169245 Благоев карму
Ёвкӧдж Чупрово посад 218 169249 Ёвкӧдж посадму
Ёдва Ёдва посёлок 2076 169257 Ёдва посадму
Ёлькыб Ёлькыб грезд 4 169240 Кослан посадму
Зӧрзяыб Зэрзяыб грезд 10 169265 Слӧбӧда посадму
Йӧвнӧрыс Устьево грезд 22 169268 Йӧртымдін посадму
Йӧртымдін Ёртом посад 271 169268 Йӧртымдін посадму
Кирик Кирик грезд 4 169247 Путшкымдін посадму
Копты Коптюга грезд 40 169249 Ёвкӧдж посадму
Кослан Кослан посад 2527 169240 Кослан посадму
Кӧдж Кривое грезд 123 169245 Важгорт посадму
Кривушев Кривушево грезд 0 169265 Слӧбӧда посадму
Латьюдін Латьюга грезд 58 169263 Пыисдін посадму
Лязюв Лязюв грезд 9 169268 Йӧртымдін посадму
Макарыб Макар-Ыб грезд 64 169270 Слӧбӧда посадму
Междуреченск Междуреченск карок 1863 169260 Междуреченск карму
Мелей Мелентьево грезд 39 169262 Черныб посадму
Мозындор Мозындор посёлок 1001 169256 Вож
Мозынйыв Верхнемезенск посёлок 0 169240 Усгорт карму
Мукты Муфтюга грезд 114 169248 Ёвкӧдж посадму
Мутьдін Мучкас грезд 32 169262 Черныб посадму
Паспом Пасма грезд 0 169245 Важгорт посадму
Пони Путшкымдін Малая Пучкома грезд 10 169247 Путшкымдін посадму
Пони Пысса Малая Пысса грезд 88 169263 Пыисдін посадму
Пӧлянін Политово грезд 55 169263 Пыисдін посадму
Путшкымдін Большая Пучкома посад 208 169247 Путшкымдін посадму
Пыисдін Большая Пысса посад 377 169263 Пыисдін посадму
Разыб Разгорт грезд 89 169270 Усгорт карму
Сісьтыдін Патраково грезд 12 169263 Пыисдін посадму
Селӧгвож Селэгвож посёлок 172 169258 Междуреченск карму
Сёльыб Сёльыб грезд 312 169261 Черныб посадму
Сёрдла Шиляево грезд 20 169268 Йӧртымдін посадму
Слӧбӧда Глотово посад 391 169265 Слӧбӧда посадму
Слӧбӧдаяг Кучмозерье грезд 51 169265 Слӧбӧда посадму
Тойма Тойма грезд 0 169247 Путшкымдін посадму
Тшым * Чим посёлок 690 169253 Тшым посадму
Тыйыв Верхозерье грезд 0 169249 Ёвкӧдж посадму
Удор Выльыб Нижний Выльыб грезд 9 169270 Усгорт карму
Усгорт Усогорск карок 5274 169270 Усгорт карму
Черныб Чернутьево посад 313 169262 Черныб посадму
Шондігорт * Солнечный посёлок 343 169243 Благоев карму
Ыб Ыб грезд 17 169268 Йӧртымдін посадму
Ыджыд Ді Большое Острово грезд 11 169240 Путшкымдін посадму
Ыджыд Чирк Большие Чирки грезд 4 169270 Важгорт посадму
Ыджыдъяг Ыджыдъяг посёлок 229 169240 Кослан посадму
Яг Борово грезд 6 169265 Слӧбӧда посадму


Экономика[вильмӧтны | Вильмӧтны код]

Кӧзяйствосӧ Удора районас видзӧны вӧр лэдзӧмӧн да пу керӧтӧмӧн. Пунас ноксьӧны 19 уджаин. Медгыриссез ны коласын – ООО «Удоралес» да ООО «Усвалес». ООО «Опора» осьтіс строитчан конструкцияэз лэдзан завод (9 сюрс кубометра год сьӧрна). 2003 воын коми-мадьяр фирма ООО «Эрдэрт-Коми» лӧсьӧтіс татчӧ вӧрпилитан комплекс.

Сёян лӧсьӧтіссез коласын медыджыт уджаиныс – ООО «Удорахлеб», кӧда лэдзӧ Удораын оліссез понда нянь да мӧдік пӧжассэз.

Йӧв, яй, ви, сыр да рись Удора отир понда сетӧны куим видз-му уджалан кооператив (СПК), МУП «Вашка» да крестьяна-фермеррезлӧн 22 кӧзяйство. Йӧв керӧтӧм понда Усгортӧ осьтӧмась йӧв цех.

Вузасьӧмсӧ районас видзӧны 196 магазин да оптӧн ӧтік вузасянін. Эм кыкьямыс ӧтлсаса вердчанін, вит ыджыткодь вевттьӧм базар. Вузасьӧны быдсӧн 600 морт.

Автотуйез районас 1,8 сюрс км, ныись 1,1 сюрс км (60 %) – чорыт вевттьӧсаӧсь.

Культура[вильмӧтны | Вильмӧтны код]

Удора районын оліссез понда петӧ «Выль туйӧд» нима газета (комиӧн и рочӧн).

Районын уджалӧны 23 клуб, 17 киномыччалан. Лыддьӧтіссез понда осьтӧмӧсь библиотекаэз: ЦБС, челядь да томмез понда шӧрӧт библиотека, ЦБС-лӧн 23 филиал. Эм челядь понда музыкаӧ велӧтан куим школа.

Удора районын ӧтласа велӧтӧм чулалӧ 30 школаын (12 пондӧтчан, 4 шӧрӧт; 14 – гимназияэз), кытӧн велӧтчӧны быдсӧн 3741 нывка да зонка и уджалӧны 472 велӧтісь. Сад-яслиэз районас 23-а (851 чёлядёк, 121 быдтісь). Эм ӧтік челядь керку (49 морт челядь, 16 быдтісь).

1995 годӧ Удора районас осьтӧмась Сыктывкарись 34 лицейлӧ филиал, кытӧн 156 морт велӧтчӧны сэтшӧм уджжезӧ: вурсись, шопер, пусись, сантехник, кӧртпуӧтись, автомеханик, СТО монтажкерись, вузасись.

Районын уджалӧны нёль больнича (142 морт вылӧ), куим амбулатория да 23 пельшӧраин.

Удора районісь гажжез:

  • коми небӧг вежалун
  • челядь понда фестиваль «Чолӧм».

Удора гажӧтан коллективвез:

  • «Ловья ва» (юр. М. Скомороков)
  • «Оз тусьяс» (юр. А. Капарник)
  • «Удоряночка» (хорӧн сьыліссез, юр. А. Васильева)
  • «Этюд» (юр. Т. Лозанова)
  • фольклор коллективез Пыисдінісь, Черныбись, Коптыись, Благоевись.

Удора районісь коми гижиссез:

Удораись композиторрез:

Республика пасьта тӧдӧны художник В.Худяковӧс да киподудж керись И.Костивӧс.


Районлӧн ошкана граждана[вильмӧтны | Вильмӧтны код]

  • Аврамов Альберт Васильевич
  • Аврамова Агния Васильевна
  • Аврамова Александра Сергеевна
  • Андреева Мария Андреевна
  • Барабаш Виктор Николаевич
  • Борисенко Евдокия Дмитриевна
  • Будрина Вера Николаевна
  • Букина Дина Васильевна
  • Ванеева Мария Александровна
  • Васютов Юрий Константинович
  • Вежливцева Галина Николаевна
  • Власова Клавдия Григорьевна
  • Елисеев Алексей Иванович
  • Ершова Нина Павловна
  • Иевлев Николай Степанович
  • Иевлева Руфина Леонидовна
  • Козырев Иван Васильевич
  • Кырнышева Лиина Ивановна
  • Лобанова Екатерина Семеновна
  • Логинова Анастасия Афанасьевна
  • Логинова Лидия Петровна
  • Лукина Вера Григорьевна
  • Нючев Иван Михайлович
  • Павлеков Ростислав Александрович
  • Палкина Анастасия Ивановна
  • Парнев Леонид Николаевич
  • Патракова Капитолина Ивановна
  • Пигулина Роза Ивановна
  • Политов Геннадий Прокопьевич
  • Политов Петр Николаевич
  • Политов Эдуард Андреевич
  • Потапова Мария Константиновна
  • Ульянова Валентина Николаевна
  • Устинова Ирина Кирилловна
  • Шапина Социалина Михайловна
  • Яковлева Мария Григорьевна

Ыстісяннэз[вильмӧтны | Вильмӧтны код]

  1. Коми Республика статкомитет сайтісь
  2. Вот ӧктіссезлӧн сайтісь

Ӧшмӧссэз[вильмӧтны | Вильмӧтны код]

  • Удора районісь веськӧтланлӧн сайт
  • Афанасьев А. П. Топонимия Республики Коми. Сыктывкар: Коми кн. изд-во, 1996 ISBN 5-7555-0554-3
  • Жеребцов И. Л. Где ты живёшь: Населённые пункты Республики Коми. — Сыктывкар: 2000.
  • Историко-культурный атлас Республики Коми. — М: Дрофа, 1997. ISBN 5-287-00027-8
  • Республика Коми. Энциклопедия в 3-х томах. — Сыктывкар: Коми книжное издательство, 1997, 1998, 1999. — Т. I, II, III. ISBN 5-7555-0617-5
Коми Республика веськöтлöм могись янсалöм Coat of arms of the Komi Republic Flag of the Komi Republic
Канкар: Сыктывкар

Каркытшшез: Вöркута • Инта • Сыктывкар • Уква • Ускар

Районнэз: Вуктыл • Емва • Емдiн • Изьва • Койгорт • Кöрткерöс • Кулöмдiн • Луздор • Мылдiн • Печора • Сöснагорт • Сыктыв • Сыктывдiн • Удора • Чилимдiн