Вертюсва (Кудымкар район)
| Вертюсва Верх-Юсьва | |
| Му: | Рочму |
| Статус: | посад |
| ладор: | Перем ладор |
| район: | Кудымкар район |
| Важжык ниммез: | Иваново над Ключами, Верх-Юсвинский |
| Инлыдпассэс: | 58°50′29″ с. ш. 54°39′51″ в. д.HGЯO |
| Веськӧтлан кыввез | роч, коми |
| Отир лыд | 1400 морт (2011) |
| Час кытш: | UTC+5 |
| Телефон нумерӧ содтӧт: | +7 34260 |
| Почта инпас: | 619544 |
| Авто нумерӧ содтӧт: | 59 |
Вертю́сва (томмез шуöны Верх Юсьва) – Перем ладорись Коми кытшын, Кудымкар районсис Ленинск посадмуын важ коми посад.
Ним йылісь
[вильмӧтны | Вильмӧтны код]
Асьныс оліссез шуӧны посаднысӧ комиӧн Вертюсва, рочöнжык Верх Юсьва.
Оланіныс шуӧм места сьӧрті: сія сулалӧ Юсьва (татіссез шуöны Юсва) ю пöлöн вылынжык (верх) Юсьва посадся.
Неважын посадсö вöзйылöмась нимтыны Юсьвайыв, но оліссез сьöрті сідз шуны оланіннысö оз туй.
Одзжык посадыс рочӧн шусис Иваново над ключами, сэсся Верх-Юсвинскӧй, ӧні Верх-Юсьва.
География
[вильмӧтны | Вильмӧтны код]Вертюсва посад сулалӧ Кудымкарсянь лунвылӧ 23 км ылынаын, Юсьва ю дорын, Гайна–Перем трассасянь асыввылö кык километра ылынаын.
Ордча грезддэз
[вильмӧтны | Вильмӧтны код]Ойвылас Вертюсвасянь километра етш ылынаын, Юсьва мöдöрас, сулалö Казаринчи грезд, лунвылас 2 км ылынаын – Рӧдин, асыввылас кык километра ылынаын, тракт сайын – Сидӧршор грезд, рытвылас 2 км етш ылынаын – Ляпинчи да Канамовчи, лунвыв-рытвылас километра ылынаын – Пання.
Одзжык рытвылас топ поздісьлöмась деревняэз Се́ньчи да Кыро́в.
Матісь ландшафттэз
[вильмӧтны | Вильмӧтны код]Вертюсва сулалö Юсьва ю веськыт (лунвыв) вадöрын. Катытас юыс поромитöм – аркмöма паськыт Вертюсва пруд.
Пруд дорас эм шоччисянін Сеньчиу́вт.
Мыссэз да кырассэз
[вильмӧтны | Вильмӧтны код]- Кырйы́в, Казаринчи дорын
- Кырйывмы́с, Гришинчи дорын, сэтчин дюттясьлöмась, вöлі часовенка
- Мельничамы́с, пруд мöдöрас, сэтчин быдмö Жак.
- Митяво́г, посадсянь лунвылас
- Петуко́вмыс, Подяновчи вевдöрас, сэтчин перво вöлöмась шойна да часовня, сэсся гунаэз
- Покаво́г, Подяновчи дорын
- Сеньчимы́с, Пруддорсянь рытвылö, сэтчин быдмö Сенчивöр.
- Туримы́с, вылынін, йылас пожум, сэтчö ветлöны тшакьявны да ягöдавны
- Човпана́мыс, сы вылын сулалö Педукинчи
Юоккез
[вильмӧтны | Вильмӧтны код]Вертюсваöттяс котöртöны кык шор:
Неылын посадсяняс эмöсь эшö юоккез:
- Батшамья́, усьö Юсьва вылö посад шöрсяняс ойвыв-рытвылас 4,1 км ылынаын
- Га́йшор, усьö Юсьва вылö посад шöрсяняс ойвыв-рытвылас 2,5 км ылынаын
- Карпу́ньшор, усьö Верюсва прудö посад шöрсяняс рытвыв-ойвылас 2 км ылынаын
- Кушты́вка, усьö Юсьва вылö посад шöрсяняс асыввывылас 2 км ылынаын
- Леновка, Казаринчиын
Вöррез, видззез да ыббез
[вильмӧтны | Вильмӧтны код]- Батшамья́, вöрьяин
- Больни́чнöй вöро́к, Лялямшор йылын.
- Жак нето Жако́вчивӧр
- Кöч, паськыт ыббез одззася грезд местаын, Вертюсвасянь ойвыв-рытвылö, ылынкодь
- Мӧдлапӧввӧр
- Паськытку́ш, ыб, Казаринчи да виль тракт коласын
- Пармадо́р, ыб, Казаринчи да Карпуньшор коласын
- Посса́й, мöлдапöлын, сэтчин шойна
- Сеньчивӧ́р, Пруддорсянь асыввылö, Сенчимыс вылын.
Лунвылöттяс асыввывсянь рытвылö нюжалöны воллез:
- Носаволь
- Шöмаволь
- Попанволь
- Ыджытволь
Янсалöм
[вильмӧтны | Вильмӧтны код]Посадыс тэчӧм сизим торись:
- Гриши́нчи лунвыв-рытвылас
- Заводскöй посёлок
- Колхознöй посёлок
- Педуки́нчи ойвыв-асыввылас
- Подяно́вчи лунвыв-асыввылас
- Поса́д (= Ивановчи "над ключами")
- Пруддо́р ойвыв-рытвылас
Эна микрорайоннэз коласісь Посад, Гришинчи, Подяновчи да Педукинчи – одззася грезддэз, а посёлоккез да Пруддор – неважся оланіннэз.
Гришинчи доррезлöн эм асланыс ниммес:
- Аки́мовчи, лунвыв-рытвыв пом
- Елесё́вчи нето Елесьво́г, лунвыв-асыввыв дор
- Ко́ртуй, лунвыв пом, Ракашор пöлöн
Посадын туйез
[вильмӧтны | Вильмӧтны код]Вертюсваын ниммесö öні новйöны 23 туй да öтік туйколас [1]:
| Коми ним | Роч ним |
|---|---|
| Акимовчи туй | пер. Южный |
| Вапöв туй | ул. Набережная |
| Гришинчи туй | ул. Липовая |
| Завод туй | ул. Заводская |
| Ключ туй | ул. Ключевая |
| Кортуй | ул. Заречная |
| Кудымов туй | ул. Кудымова |
| Кырас туй | ул. Овражная |
| Медшöр туй | ул. Центральная |
| Мир туй | ул. Мира |
| Мосин туй | ул. Полевая |
| Ошмарин туй | ул. Лесная |
| Парк туй | ул. Парковая |
| Педукинчи туй | ул. Дружбы |
| Пруддор туй | ул. Прудовая |
| Саддор туй | ул. Садовая |
| Томмез туй | ул. Молодежная |
| Тополя туй | ул. Тополиная |
| Тыдор туй | ул. Озерная |
| Уджалан туй | ул. Рабочая |
| Урал туй | ул. Уральская |
| Челядь туй | ул. Детская |
| Школа туй | ул. Школьная |
Кыдз и быдлаын чиновниккез нимтöмась туйесö рочöн ас гажись, коми традицияэз вылö видзöттöг. Сійöн отирыс корöны вежны туйниммесö татісь топонимия лыдö босьтöмöн.
Медшöр туйыс лунвылас петö посад сайö да мунö Рöдинланьö, а Заводскöй посёлок саяс кежö асывланяс Виль трактланьö (1,5 км).
Посад шöринас Медшöр туй кежö асыввылö, сэсся петö посад сайö и мунö Бормотовчиланьö.
Шöринсянь ойвылö мунöй туй Поссайö да Казаринчиö. Этія туй кузя да Медшöр туйлöн меридиан орöток кузя муніс Важ тракт Менделёв-Кудымкар.
Рытвыв-лунвылас Мир туй петö посад сайö да мунö Паннялань, лунвылас Кортуй петö Рöдинлань, а асыввылас Ошмарин туйсянь петö веськыт туй Виль трассалань.
История
[вильмӧтны | Вильмӧтны код]1837' годӧ татӧн вӧлі вептӧм вичку, кӧдӧ 1841' воын вежаӧтӧмась.
Вертюсваын вöлі колхоз Родина, кöда 1990' воэз пондöтчикö янсöтчис кыкö: Родина (центрыс Гришинчиын) да Колос (центрыс посадын).
2006' во пондöтчикö виль роч туйдöттэз сьöрті сельсоветсö Вертюсваись вежöмась, а муэсö пыртöмась вились аркмöтöм Ленинск посадмуö. Вертюсвасö керöмась посадму юкöтöн.
Веськöтлан
[вильмӧтны | Вильмӧтны код]Посадыс пырӧ Ленинск посадмуӧ. Татчö лöсьöтöмась посадмулісь юкöт (структурнöй подразделеннё), кытöн кан нимсянь отирыскöт уджалöны юралан специалист да мумерайтісь.
Мöдік каналан (государственнöй) службаэз:
- Рочму почталöн юкöт №619544 (уджалö куимись недель вылас)
- Рочму сбербанклöн филиал №729/028
- АТС
- Кусöтчан депо
- Кудымкар вöрхозлöн Вертюсваись вӧрвидзан
Отир
[вильмӧтны | Вильмӧтны код]Отирыс Вертюсваын комиöсь, баитöны комиöн.
2011' во пондöтчикö посадын гумагаэз сьöрті олöмась 1400 морт (644 айкаэз, 756 инькаэз). Уджавны вермись отирыс 719-а, ныись уджалöны 258 морт, уджтöг олöны 264-а (24-ыс гижсьöмась удж кошшанінас). Сизима кысъялöны армияын. Велöтчиссез 328-а (вузын 10, ссузын 54, школаын 150).
Пенсионеррез пöрисьмöм увья 216-а (47-ыс 80 годся пöрисьжыкöсь), вермытöм шогья 146-я. Учöт челядьыс 125-а.
2010' во коста Вертюсваын вайöмась 22 кага, сы коста жö посадын кулöмась 42 морт.
Медуна отирыс гижсьöны Мехоношин.
Татісь памиллёэзöн лыддисьöны сідзжö:
Мöдік йöзлöн гишшаннэз:
- Козлов
- Копытов
- Надымов
- Попов
- Савин
- Соловьев (роч)
- Софронов (Мутшакись)
- Третьяков (Казаринчиись)
- Туляев
- Удников
- Устинович
- Харин
- Хорошев
- Цыбин
- Четин
Кöзяйство да быт
[вильмӧтны | Вильмӧтны код]Öні колхоз не заводдэз посадын абуöсь. Сю озö кöдзö. Крессяна-фермеррез, кöдна 1990' воэзö вöлöмась 8-а, öні öтік абу.
Мужиккез ветлöны керны шабашкаэз.
Уджаиннэз öті-öті.
Эм куим вöрпилитан, ныись регистрируйтöмöсь кыка:
- ООО «Форестленд»
- ИП «Мехоношин Виктор Борисович»
Вöралöмсö лöсьöтö Вертюсваись вӧралан кӧзяйство.
Öні вузасьöны куим магазин:
- Вузасян центр (сельпо)
- Асторья лавкаэз –
- ИП Боталова Г.И.
- «Козинок»
Одзжык вöлі магазин «Бипур», но сійö сотöмась.
Кöркöся быт керку пöдналöмась.
Горт кöзяйствоэз 418-а. Отирыс быдтöны карч асланыс огореччезын. 126 кöзяйствоын йылöтöны пода: мӧссэз (öксяс куим стадо), баляэз, кöзаэз, вӧввез, порссез, курöггез. 10-11 морт видзöны мошшез.
Гожумнас отирыс тшакьялöны (гӧрд гриб, масьляк, рыжык) да ягöдалöны (озъягӧд, ӧмидз).
Кыкись год вылас лöсьöтлöны ярмаркаэз, базар овлö и тшак празьник коста. Вузавлöны яй, йöв, рись, нöк дмд. Сідз-ту отирлісь видз-му продуктаэз ньöбалан структура абу.
Посад рытвылас кöркöся Колхозлöн сад, кытöн быдтывлöмась ирга, сэтӧр, крыжовник, помидоррез.
Посадас эм пода веськöтанін.
Посад пырйöт мунö асфальтируйтöм туй Виль трактсяняс Бормотовчиланьö (Медшöр туй).
Эм гортся телефоннэз (асланыс АТС), туйдорся таксофоннэз, позьö баитны мобильник пыр (UTEL), видзöтны телевизор.
Веськöтчöны отирыс больничаын (амбулатория да лунъян стационар), öні сія сулалö важ челядьсад керкуын, Челядь туй дорын, одзжык (1980'-2009' воэзö) веськöтчаніныс вöлöма Лялямшор йыввезын.
Дзебсьöны Вертюсвинса да быдöс одззася сельсоветыс Поссайын, Казаринчиланяс. Важ могильникыс вöлі посадсянь лунвылас, вакачайтан сайын.
Культура
[вильмӧтны | Вильмӧтны код]- Вертюсваись школа (100 велöтчись), 2009' воöдз шöрöт школа, öні подшкола-челядьсад.
- Вертюсваись культура керку
- Вертюсваись библиотека
- Вертюсва школаись музей (1992' восянь)
Вертюсваын чулöтлöны тшак празьник - Ай да рыжык.
Казьмöтаннэз да сингажöтаннэз
[вильмӧтны | Вильмӧтны код]- Ыджыт косясянын усьöммезöс казьмöтан
- Асйöз косясянын вийöммезöс казьмöтан
- Одззася вичку (öнняся культура керку)
Гора нима отир
[вильмӧтны | Вильмӧтны код]- Кудымов Дмитрий Александрович, Ыджыт косясян коста лётчик-истребитель
Ӧшмӧссэз
[вильмӧтны | Вильмӧтны код]- Коми-Пермяцкий национальный округ. Москва-Ленинград, 1948.
Ыстісяннэз
[вильмӧтны | Вильмӧтны код]