Вишера район

Вишера район
'Красновишерский район'

Дӧрапас
Канму	Роч Федерация
Ыджытжык регион	Перем ладор
Янсалӧм	5 посадму, 1 карму
Веськӧтлан шӧрин	Вишера
Аркман кад	1941' во
Юралісь	Паньков Виктор Артемьевич
Веськöтлан кыввез	роч
Оліссез (2010 во)	25 815
Мувывтор	15,4 сюрс км²
Кад кытш	+5 (гожумнас +6)
Телефон код	+7 34243
Автомобиль код	59
Веськöтланлöн сайт

Ви́шера райо́н (рочӧнжык Краснови́шерскӧй райо́н) — веськӧтлан юкӧт Перем ладорын, важся коми му, одзжык Ыджыт Перемлöн тор.

Район аркмӧтӧм 1941' годӧ, Чердын районсянь торйöтöмöн.

Веськӧтлан шӧрин – Вишера кар. Вишера карсянь Перемӧдз – 300 км.

Районын юралісьыс – Паньков Виктор Артемьевич.

Вишера районын роччез коласын олöны коми отир — язьва комиэз.

География

Мувывтор сьӧртіыс (15400 км² ыжда) районыс босьтö 9,4% Перем ладорсис.

Вишера районкӧт ордчӧн куйлӧны: рытвылын Чердын район, ойвылын — Коми Республикаись Мылдін район, асыввылын — Свердлов лапöв, лунвылын — Лытва да Совкар районнэз

80 процент район мусис вевттьöма вöрöн.

Татöн öддьöн уна колана шедтассэз. Вишера муись адззöмась алмаззэз, мусир, газ, зарни, сёйез, извесь из, лыа, торф, минерал ваэз. Нійö шедтöны ни. Сэсся эмöсь мрамор, кöрт иззэз, ыргöн рудаэз, вольфрам, ртуть, марган.

Районын дозоритöны вöр-валöн 22 юкöт да дорйöмин «Вишера».

Янсалӧм

Öні Вишера районын öтік карму да вит посадму.

Коми ним	Адрес	Телефон	Юралісь
Вишера карму	618590, Вишера кар, Дзержинскöй туй, 6а	(834243) 2–28–52	Калинин Сергей Владимирович
Вая посадму	618570, Вая посёлок	(834243) 2–52–43	Филатова Галина Ивановна
Вылісь Язьва посадму	618584, Вылісь Язьва посад	(834243) 2–65–46, 2–65–49	Паршаков Петр Валентинович
Вишерогорск посадму	618562, Вишерогорск посёлок	8–901-955–98–51	Ведерников Иван Анатольевич
Мутиха посадму	618575, Мутиха посёлок	8-908-242-55-57	Горшков Леонид Викторович
Улісь Язьва посадму	618576, Усть-Язьва посёлок	(834243) 2–71–48, 2–71–47	Жунев Юрий Алексеевич

Веськöтлан

Вишера районын юралісьöн 2009 восянь уджалö Паньков Виктор Артемьевич.

Отир

Талун Вишера районын олöны 26,1 сюос морт: айморттэз — 12,4 сюрс, инькаэз — 13,7 сюрс.

Коми отирыс районас öтік сюрс морт мымда, баитöны комиöн (коми язьва диалект вылын) 200 морт кыным.

Кӧзяйство

Районын шедтöны алмаззэз да нефть, заптöны вöр.

Вишера карын уджалö ЦБК.

Медыджыт уджаиннэз:

• ЗАО «Уралалмаз»
• «Лукойл-Пермь»
• ООО «УралОйл»

Ыстісяннэз

• Вишера район йылісь Перем ладорись веськöтлан сайтын