Гаврив Пёдор

Босьтöм Википедия вылiсь
Перейти к навигации Перейти к поиску
Гаврив Пёдор
Удж:

поэт, политик

Чужан лун:

1900’ вося февраль 17’ лун(1900-02-17)[1]

Чужан ин:
Кулан лун:

1997’ вося нояб 26’ лун(1997-11-26)[1] (97 год)

Кулан ин:
Файл:Tarakanov1.jpg
Гаврив Пёдор 1920' годдэзö

Гаврив Пёдор (рочӧнжык Тараканов Фёдор Гаврилович; 1900—1997) — коми политик, поэт. Коми кытш лӧсьӧтіссезісь ӧтік, олан сьӧрна пессис ӧтласа Коми республика понда.

Олантуй[мöдкодьсьöтны | править код]

Гаврив Пёдор чужис Юсьваын 1900' февраль 17' лунӧ вöрвидзись гозъялӧн. Помаліс 1911' годӧ Кудымкарись пондӧтчан школа, а 1915' воын карись нёль класса училищё. 1915—1918' воэзӧ велӧтчис Красноуфимскын му-видз уджалӧм сьӧрті техникумас, кӧдӧ пӧдналасӧ йӧзпытшкся косясян пондӧтчӧм кузя.

1918' сентяб коста аркмӧтіс том отир понда чукӧр — III интернационал бердын том социалисттэзлісь йитӧт (комсомол). Вӧлі йӧзпытшкся косясянын, кысъяліс дивизиялӧн политотделын, сыбӧрын — 23' Камакатытісь полклӧн агитаторӧн-организаторӧн. Одзлань уджаліс ЧК-лӧн тодильнӧй юкӧтын. Гӧрд армияись вӧлі демобилизуйтӧм Республикаись Реввоенсоветлӧн висьталӧм сьӧрті 1920' февраль коста, кыдз му-видз уджалӧм сьӧрті специалист да вӧлі ыстӧм Кудымкарӧ агрономӧн.

1921-1925 воэзö Гаврив Пёдор вермасис öтласа Коми Республика понда, а кöр эта эз аркмы, торья Коми кытш лöсьöтöм понда.

Уна вын Гаврив Пёдор сетіс, мед лэбтыны кӧзяйство, культура да велӧтӧм Коми кытшын. Округись советтэзлӧн медодзза ӧксян дырйи, кӧда вӧлі 1925' апрель коста, сійӧ бӧрйисӧ окрисполкомись уджалан президиумлӧн одзза составӧ, сетісӧ уджавны округись му сьӧрті юкӧтын юралісьӧн.

Уна керис коми отир коласын йӧктӧм-сьылӧм, гижӧм, литература, школа зорӧтӧм понда, медодзза типография осьтӧм понда да округись медодзза газета «Гӧрись» лэдзӧм понда. Уна во сьӧрна уджаліс веськӧтлісьӧн коми му велӧтӧм сьӧрті котырын. 1924 январ коста вӧлі делегатӧн Советтэзлöн Рочмуись XI да Дӧссоюзісь ІІ ӧксяннэзын.

1928' годӧ ЦК РКП(б) иньдіс сійӧ уджавны Коми лапӧлӧ. Уджаліс облисполкомын юралісьӧн, бӧрйисьліс ВЦИК членӧн. Нуӧтіс ыджыт удж му-видз кӧзяйство коллективизируйтӧм сьӧрті, вӧр заптӧм сьӧрті Коми лапӧлын, а сэсся Кардор лапӧлын.

1937' годӧ репрессируйтӧм, пукаліс вит во КомиЛАГ-ын. 1946 муніс овны Краснодар ладорö, сыбöрын Карачай-Черкессмуö.

Мöдпöв Гаврив Пёдорöс арестуйтöмась 1950 воын, кöр сія вӧлі ыстӧм пыр кежö Сибирӧ. Уджаліс Краснояр ладорын. Лэдзисӧ 1954' годӧ, реабилитируйтісӧ 1956' годӧ.

Пенсия вылö петтöдз (1960' г.) мортыс уджаліс Крыкалёвын вӧрпромхозас. 1980' во муніс овны Сыктывкарӧ, кытӧн уна баитіс йöз одзын, лэдзис казьтылöммез.

Куліс Гаврив Пёдор Коми Республика юркарын 1997' нояб 26' лунӧ.

Асторья олан[мöдкодьсьöтны | править код]

Гöтрасис 193? годö. Иньыс Голева Анастасия Георгиевна. Зоннэз Владимир, Спартак да Фёдор. Ныв Валентина (1935).

Небӧггес[мöдкодьсьöтны | править код]

  • Без вины над пропастью. Документальная повесть. Сыктывкар, 1992.
  • Борьба за округ. Стихи и воспоминания. Кудымкар,1990. ISBN 5-7625-0260-0

Кылбуррес[мöдкодьсьöтны | править код]

  • Асыл
  • Бордтӧм варыш
  • Бюрократ
  • Варыш
  • Иньва дорын
  • Йӧктӧтан песня
  • Коми ёртлӧ
  • Муна, лэдзча югыт шор дорӧ
  • Муна, пыра
  • Мыля меным, томлӧ
  • Ой тӧл
  • Онмӧсьтан песня
  • Пашко (быль)
  • Пызан сайын песня
  • Сартасок
  • Сьӧлӧм доймӧ
  • Тэ эд басӧк
  • Шонді чеччис
  • Эн тэ сьыл

Ошканпассэз[мöдкодьсьöтны | править код]

Гаврив Пёдорлӧ сетісӧ Гӧрд дӧрапаса Удж орден (1967), медаллез. Сылӧн вӧлі «Кудымкар карлӧн почётнӧй гражданин» гора ним (1995).

Ыстöттэз[мöдкодьсьöтны | править код]

Лыддьöтан[мöдкодьсьöтны | править код]

  • Коми-пермяккез. Кудымкар, 2008. ISBN 978-963-9876-09-05.
  • Коми-Пермяцкий автономный округ на рубеже веков. Кудымкар, 2000. ISBN 5-87901-051-1
  • Пахорукова В.В. Иньва йылісь сьыланкыв. Коми-пермяцкӧй литература 20–80 годдэзӧ. Кудымкар, 1989.
  • Чтения, посвященные 100-летию Ф. Г.Тараканова. Сыктывкар, 2000.
  • Краеведческие чтения к 110-летию Ф. Г. Тараканова, 85-летию Коми-Пермяцкого округа. Сборник докладов и сообщений. Кудымкар, 2010.
  • 1,0 1,1 1,2 1,3 http://uralistica.com/group/komipermians/forum/topics/16-02-1900-26-11-1997?commentId=2161342%3AComment%3A203707&groupId=2161342%3AGroup%3A6624