Грибова Любовь Степановна

Грибова Любовь Степановна
	Грибова Любовь Степановна
Удж:	этнограф, историк
Чужан лун:	1933’ вося август 15’ лун
Чужан ин:	Ыджыт Коча, Кӧчладор район;
Кулан лун:	1986’ вося октяб 12’ лун (53 год)
Кулан ин:	Сыктывкар, Коми Автономная Советская Социалистическая Республика[d], РСФСР[d], СССР[d];

Грибова Любовь Степановна (1933—1986) — Перем коми кытшись коми этнограф, этнография сьӧрті кандидат.

Олан туй

Любовь Степановна чужис Кӧчладор районісь Ыджыт Кочаын. Велӧтчис Кӧч посадісь шӧрӧт школаын, Кудымкарись велӧтіссез институтын. Уджаліс Кӧчладор районісь Ӧтӧпка да Петукӧв школаэзын.

1956 воын пондіс велӧтчыны историкӧ Мӧскваись университетын. Велӧтчытӧнняс ветліс нёль научнӧй экспедицияӧ. Велӧтчӧмсӧ помалӧм бӧрын муніс Сыктывкарӧ, кытӧн вӧлі наука уджалісьӧн СССР-ись Наукаэз Академиялӧн Коми филиалын. Кык год бӧрті сія пондіс уджавны перем коми этнография сьӧрті асторья тема вылын — «Историческая традиция в быту и духовной культуре коми-пермяков».

1969 майын Москваись М.Ломоносов нима университетлӧн этнография кафедра вылын Грибова Л. С. дорйис кандидат ним шедтан диссертация.

Грибова Любовь пыртіс ассис пай и перем коми литератураӧ. Комиӧн сія гижис пьеса «Чудитчӧ» да кынымкӧ статья.

Небӧггес

Пермский звериный стиль: Проблемы семантики. - М.: Наука, 1975.
Декоративно-прикладное искусство народов коми. - М.: Наука, 1980.
Новая жизнь древнего искусства
Историческая традиция в современном народном искусстве коми-пермяков
Традиционная резьба на сельских постройках коми-пермяков
П.И.Субботин-Пермяк

Ошканпассэз

Этнография туялӧм понда Любовь Степановна вӧлі пасйӧм СССР-ись ВДХН-лӧн эзісь медальӧн.

Ӧшмӧссэз

Коми-пермяккез. Кудымкар, 2008. ISBN 978-963-9876-09-05.
Коми-Пермяцкий автономный округ на рубеже веков. Кудымкар, 2000. ISBN 5-87901-051-1
Пахорукова В.В. Иньва йылісь сьыланкыв. Коми-пермяцкӧй литература 20–80 годдэзӧ. Кудымкар, 1989