Иньва (лыддьӧтан ӧктӧт)

Иньва — коми лыддьӧтан ӧктӧт (литературно-художественнӧй сборник), кӧдӧ кадісь кадӧ лэдзӧны Кудымкарын перем коми кыв вылын да рочӧн.

Ассис нимсӧ ӧктӧтыс босьтӧма Иньва ю сьӧрті, кӧда Коми кытш лунвылын лоӧ медыджыт юӧн.

Ыджыт косясян бӧрын медодзза лыддьӧтан ӧктӧт перем комиӧн петіс 1949 годӧ. Сылӧн ним вӧлі «Миян крайын», сэсся сэтшӧм ӧктӧттэсӧ лэдзлісӧ быдкодь ниммезӧн: «Мича асыв» (1951 во), «Миян луннэзӧ» (1954 во), а 1955 годӧ первуись петіс «Иньва» нима лыддьӧтан ӧктӧт. Сьӧрас лэдзӧм ӧктӧтыс бӧра петіс «Иньва» нимӧн (1958 во). Сыбӧрын лыддьӧтан ӧктӧттэз пондісӧ петны быд год:

1959 – «Тулысся ваэз»

1960 – «Веж ыб»

1961 – бӧра «Иньва»

1962 – «Парма»

1963 – «Гора му»

1964 восянь «Иньва» лои лыддьӧтан ӧктӧтыслӧ пырся ним.

1964-1968 – «Иньваэс» петлісӧ быд во, но сы бӧрын лыддьӧтан ӧктӧт пондісӧ лэдзны шочжыка. Сідз, «Иньва» локтіс лыддьӧтісь дынӧ 1971, 1976, 1983, 1987, 1992, 1995, 2002 воэзӧ.

1950 годдэзӧ лыддьӧтан ӧктӧттэзын вӧлісӧ тектсттэз кыдз комиӧн, сідз и рочӧн, 1960-1980 воэзӧ – токӧ комиӧн. Ӧні комиӧн гижӧны и лыддьӧтӧны етша да, бӧрья петаннэс бӧра лоисӧ кык кывьяӧсь.

Ӧшмӧссэз

• Коми-пермяккез. Кудымкар, 2008. ISBN 978-963-9876-09-05.
• Коми-Пермяцкий автономный округ на рубеже веков. Кудымкар, 2000. ISBN 5-87901-051-1
• Пахорукова В.В. Иньва йылісь сьыланкыв. Коми-пермяцкӧй литература 20–80 годдэзӧ. Кудымкар, 1989