Кривощёкова-Гантман Антонина Семёновна

Босьтöм Википедия вылiсь
Перейти к навигации Перейти к поиску
Кривощёкова-Гантман Антонина Семёновна
Удж:

краеведка

Чужан лун:

1921’ вося август 17’ лун(1921-08-17)

Кулан лун:

1995’ вося май 31’ лун(1995-05-31) (73 год)

Файл:Гантман.jpg
А. С. Кривощёкова-Гантман

Кривощёкова-Гантман Антонина Семёновна (1921–1995) — коми лингвист, доцент. Туяліс перем коми кыв, унажыксӧ ономастика. Филология сьӧрті кандидат.

Олантуй[мöдкодьсьöтны | править код]

Кривощёкова Тоня чужöма 1921' август 17' лунӧ Юсьва районісь Виджӧв грездын. Помалöма Кудымкарись педагогика сьӧрті училищё, 1939' воын сійö ыстöмась велӧтчыны Ленинградӧ канувтісь университетӧ чудь-йӧгра кыввез сьӧрті факультет вылӧ. Айму понда ыджыт косясян коста уджалöма медсойӧн блоктруйтӧм Ленинградын. Университетсӧ помалӧм бӧрын велӧтчöма аспирантураын.

1952' годö дорйис кандидат ним шедтан диссертация «Словарный состав и словоизменение иньвенского диалекта коми-пермяцкого языка» темаöн.

Уджаліс перво Кудымкарас велӧтіссез институтын, а 1955' воын вуджис Перемас педагогика сьӧрті канувтісь институтö, кытӧн самöй оссис перем коми юкӧт. Эстӧн сія уджаліс 30 годся дыржык.

Небӧггез[мöдкодьсьöтны | править код]

Лӧсьӧтіс студенттэз понда велӧтан да отсасян небӧггез, туйдӧтан литература да программаэз. Гижис 90 гӧгӧр статья. Сылӧн туялан редакция да соавторствоын петісӧ учебниккез. Ӧтлаын Р. М. Баталовакӧт сія лӧсьӧтіс «Коми-пермяцкӧй орфографическӧй словарь» да «Коми-пермяцко-русскӧй словарь».

Уджжез[мöдкодьсьöтны | править код]

  • Кривощёкова-Гантман А. С. да кин да. Коми-пермяцкий язык. Пермь, 1961
  • Кривощёкова-Гантман А. С. Откуда эти названия?. Пермь, 1973
  • Баталова Р. М., Кривощёкова-Гантман А. С. Коми-пермяцко-русский словарь. М, 1985
  • Кривощёкова-Гантман А. С. Географические названия Верхнего Прикамья. Пермь, 1983
  • Баталова Р. М., Кривощёкова-Гантман А. С. Коми-пермяцко-русский орфографический словарь. Кудымкар, 1992
  • Кривощёкова-Гантман А. С. Собрание сочинений в 2 тт. Пермь, 2006

Ошканпасэз[мöдкодьсьöтны | править код]

Педагоггезӧс велӧтӧм-лӧсьӧтӧм понда да ассис наука удж пуктӧм понда наградитӧм «Отличник народного просвещения РСФСР» значокӧн да сизим медальӧн.