Мелюкинчи (Юсьва район)

Босьтöм Википедия вылiсь
Перейти к навигации Перейти к поиску
Мелюкинчи
Мелюхино
Му:  Рочму
Статус:  посад
ладор:  Перем ладор
район:  Юсьва район
Инлыдпассэс:  58°52′32″ с. ш. 54°50′08″ в. д. / 58.875556° с. ш. 54.835556° в. д. (G)
Веськӧтлан кыв коми, роч
Отир лыд  307 морт (2009)
Час кытш:  UTC+5
Телефон нумерӧ содтӧт:  +7 34246
Почта инпас:  619191
Авто нумерӧ содтӧт:  59, 81


Мелю́кинчи нето Мелю́кинаПерем ладорись Коми кытшын, Юсьва районсис Юсьва посадмуын коми посад.

Ним йылісь[мöдкодьсьöтны | править код]

Файл:Мелюкинчи.Лавка1.JPG
Сельполöн лавка

Мелюкинчи шусьö сідз Мелюхин гишшан сьöрті. Отир шуöны Мелюкинчи и Мелюкина.

География[мöдкодьсьöтны | править код]

Мелюкинчи сулалö Юсьва ю дорын, Кудымкарсянь асыввыв-лунвылö 18 км ылынаын, Юсьва посадсянь рытвыв-лунвылö 11 км ылынаын.

Ордча грезддэз[мöдкодьсьöтны | править код]

Мелюкинчисянь асыввылö километра ылынаын сулалöны грезддэз Баидзовчи да Чубаровчи, асыввыв-лунвылас 1 км ылынаын Тарабаевчи, рытвыв-лунвылас 2 км ылынаын Потинчи. Асыввылас 3 км ылынаын поздісьöм Сивашор, асыввылас 3,5 км ылынаын — Тумень. Асыввыв-ойвылас 3 км ылынаын адззам Керинчи, рытвыв-ойвылас 2,6 км ылынаын — Обиринчи.

Матісь ландшафттэз[мöдкодьсьöтны | править код]

Мелюкинчи сулалö Юсьва веськыт ладорын, Тарабайка шор уссёланьын.

Татісь ландшафттэз:

  • Баранвöр, Юсьва сайын
  • Изгарьян
  • Клубкерöс
  • Липина керöс, Обиринчиланяс
  • Пыдын кобот
  • Школьнöй кобот
  • Цветнöй кобот, сэтчин брод

Янсалöм[мöдкодьсьöтны | править код]

Посадас кык ыджыт тор: Важ Мелюкинчи да Виль Мелюкинчи.

Микрорайоннэз:


Туйез[мöдкодьсьöтны | править код]

Мелюкинчи посадісь кыкьямыс туй öні новйöны тодиль ниммесö [1]

Коми ним Роч ним
Асыввыв туй ул. Восточная
Видз туй ул. Луговая
Виль туй ул. Новосёлов
Вылісь туй ул. Нагорная
Коми туй ул. Пермяцкая
Улісь туй ул. Набережная
Школа туй ул. Школьная
Ыджыт туй ул. Центральная

История[мöдкодьсьöтны | править код]

Татісь асладор туяліссез сьöрті [2], Мелюкинчи посад аркмöма да зорамöма то кыдз:

Медодзза оліссез вöлісö Захароввез. Кöр Захаров грездö локтöмась Сергиевскöй волосись виль оліссез, Туляеввез, деревнясö пондöмась шуны Кожов, мыля нія вöлöмась кучиккериссез. Виль грездыс быдмöма кык кырас коласын.

Сьöраныс татчö Ятка губернясис локтöмась Мелюхиннэз. Нія пуксисö овны Кожовсянь лунвылас да пондöмась шуны грезднысö Кузнецова, мыля вöлöмась дориссез. Дорсянін сулалöма ю дорын, талуння мастерскöйезланяс.

Мелюхиннэз бöрын локтöмась Ӧнь ладорись Ошмариннэз, кöдна пондöмась овны Кожовсянь ойвылас, кырас сайын. Нылöн оланін шусьö Маслов.

ХХ век пондöтчикö Кожовсö сотöма лёкби. Кынымкö увтырлö, керкутöг кольччисö да, ковсис мунны овны мöділаö. Кожов грездыс разьсьöма. Туляеввез кольччöмась куим семья. Нія öтлаасьöмась Кузнецовакöт. Мелюкинчи увтырыс пондіс быдмыны и чожа Кузнецова грездын лоис медыджыт. Сэк и сетöмась деревняыслö виль ним Мелюкинчи.

Важ небöггез сьöрті история чулалöма сідз.

1869' годö Мелюкинчиас вöлі деревня Милюхина (Кузнецова), олöмась татöн 69 морт (32 айка, 37 инька), кöдна видзöмась öкмыс горт. Верстаöн ойвылас вöлі ыджытжык деревня Маслов (Кöчов), кытöн вöлі 16 горт да олöмась 93 морт (44+49). Эна деревняэз коласын вöлі починок Сивухин, кытöн вит гортын олöмась 23 морт (12+11).

1890' воэзö татöн строитöмась вичку-школа.

ХХ век пондöтчикö Мелюкинчи, Маслов да Сивухин лыддисьöмась Юсьвинскöй волосись Кожевскöй обществоын.

1926' годö Маслов (Сивухин) деревняын кольччöмась 15 горт, а отирыс чинöма 79-öдз (31+48), а Мелюкинчиыс быдмöма: горттэс лоöмась 33-а, а отирыс 149 морт (71+78). Сэк Мелюкинчиас лоис ни сельсовет.

Сельсоветыс посадас пукаліс 2006' воöдз, кöр виль роч туйдöттэз сьöрті, Мелюкинчи да сы гöгöр деревняэсö пыртöмась Юсьва посадмуö.

Веськöтлан[мöдкодьсьöтны | править код]

Öні Мелюкинчиыс лыддисьö Юсьва районісь Юсьва посадмуын, посадмусянь Мелюкинчиын уджалö юралан специалист.

Отир[мöдкодьсьöтны | править код]

Мелюкинчиын оліссез сідз и шусьöны — мелюкинчи, а öтік мортсö шуöны мелюкинскöй.

2009' во пондöтчикö гумагаэз сьöрті татöн пыр олöмась 307 морт.

Отирыс комиöсь, баитöны комиöн.

Фамиллёэз коласын медодзза местаын Мелюхин да Тарасов.

Мöдік гишшаннэз:

Ордча посаддэзын Мелюкинчиланьын оліссесö сералöны сакар сёйиссезöн, мыля Ыджыт косясян коста, татісь отир пондылöмась пö дзебны юö сакар мешöк (сакарсö сэк кыскалöмась мелюкинскöй тракт кузя).

Кöзяйство да быт[мöдкодьсьöтны | править код]

Посадын советтэз кадсянь кольччöма öтласа кöзяйство *ООО "Мелюкинскöй" (одззася совхоз). Сійö видзö ас кипод увтын Юсьваись "Заря будущего" колхоз. Отирыс кöдзöны сюэз, видзöны мöссэз. Йöвсö вузалöны Юсьва пыр.

Совхозлöн эм контора, гараж, ферма, куканьвидзан, сюкосьтан.

Матын эм автотыртан.

Мелюкинчиын öні вузасьöны куим магазин:

  • сельпо
  • федосеевскöй
  • трубиновскöй

Йöзöс вердöны столовöйын. Кöркö вöлі асланыс няньпöжалан.

Автобус Кудымкарöдз (Юсьва пырйöт) ветлö кыкись луннас, мунö асывнас 8:10 да рытнас 5:40. Вöлі сувтчан, öні сійö разьöмась.

Ас машинаэз мелюкинчиэзлöн эмöсь, но не öддьöн уна.

Татісь ФАП-ын уджалöны кык морт: пельшöр да медсой (одзжык медперсонал вöлі 6-7 морт, нельки пиньвеськöтісь вöлöма).

Дзебсьöны Мелюкинчи ас шойнаö, кöда куйлö посадсяняс асыввылын.

Культура[мöдкодьсьöтны | править код]

Клуб пондіс киссьыны да сійö разьöмась, öні культура пельöсок ФАП керкуын. Сэтчин жö библиотека.

Быд субöта чулöтлöны дискотекаэз.

Спортзалын мастерскöйезкöт ордчöн, сія сідзжö "повзьöтчö" ни.

Мелюкинчиын эм под школа, кытöн уджалöны 10 морт велöтісь и велöтчöны морт челядь. Директорыс Тарасова Галина Власовна.

Посадын эи куим челядьсад.

Вичку Мелюкинчиын важын ни кисьтöмась.

Казьмöтаннэз да сингажöтаннэз[мöдкодьсьöтны | править код]

  • В.И.Ленинöс казьмöтан, öні жугдöм ни, кольччöмась токö юр да коккез.
  • Öшалан пос

Лыддьöтан[мöдкодьсьöтны | править код]

  • География Коми-Пермяцкого автономного округа. Пермь, 1992. ISBN 5-7625-0162-0.
  • Коми-Пермяцкий автономный округ на рубеже веков. Кудымкар, 2000. ISBN 5-87901-051-1
  • Коми-Пермяцкий национальный округ. Москва-Ленинград, 1948.
  • Юсьвинский район. 85 лет. Пермь: Изд-во «Пушка», 2010. ISBN 978-5-98799-072-8

Ыстісяннэз[мöдкодьсьöтны | править код]

  1. Вот öктіссез сайтісь
  2. Мелюкинчиись под школалöн архив


Шаблон:Юсьва посадмуись оланіннэз