Перейти к содержанию

Парма (газета)

Босьтöм Википедияись
Файл:ЛТВ 25.01.1957.jpg
«Ленин туй вылöт» 1957 годö

ПармаПерем ладорись Коми кытшын канувтісь газета. Петö Кудымкарын недель вылас куимись. Ыдждаыс 4-8 листбок. Тиражыс 4500-7300 экземпляр.

Газетаыс сідз-ту роч, кöть öтпыр недель вылас сетöны öтік листбок комиöн («Коми говк»).

История[вильмӧтны | Вильмӧтны код]

Газет лэдзöны Кудымкарын 1926' нояб 7' лунсянь. Перво шусис «Гöрись» и петіс роч кыв вылын, токö мукöд статьяэз да мичмöтан гижöттэз вöлісö комиöн. 1926'-1930' воэз сьöрна тиражыс содöма 500-сянь 3500 нумерöдз.

1931' нояб 2' лунсянь газета пондіс шусьыны «Ленин туй вылöт». Коми кыв вылын тексттэз лоисö унажык, а 1936'-1938' годдэзö «Ленин туй вылöтыс» невна не быдсöн комисяліс, мыля роччез понда кутчисö лэдзны торья газета («За ленинскую национальную политику»). 1938' во помын, кöр роччез уськöтчисö Финму вылö, «Ленин туй вылöт» лоис роч, но сэсся бöра пондöмась лэдзны сійö кыкнан кыв вылын.

1951' юнь 1' лунсянь Кудымкарас öтлаöтöмась коми да роч газетаэз «Ленин туй вылöт» да «Коми пермяцкöй колхозник». Нёль листбока газета («По ленинскому пути»/«Ленин туй вылöт») пондіс петны недель вылас витісь. Тиражыслісь учöтжык тор (800 экземпляр) печатайтöмась комиöн, а ыджытжыкö (4000 экземпляр) — рочöн. Пытшкöсыс вöлі öткодь.

1958' годö коминас газетасö лэдзны дугдöмась. «По ленинскому путиас» токö шочыника сетыштлöмась коми статьяоккез да кывбуррез.

1991' сентябсянь газета шусьö «Парма». Мукöдкоста материаллэз пондöмась сетны комиöн. Коми кывтö газетаын озö радейтö, мыля рочсялöм отир комиöн оз бы лыддьöт.

1997' восянь петö коми кыв вылын быднеделься содтöт. Перво коми содтöтыс шусис «Лымдорчача», сэсся «Коми говк». Коми текст лöсьöтісьöн вöлі Кольчурин Вась, 2009' годсянь — Дульцева Öрина. 2000' воэз пондöтчикö пондылöмась керны комиöн торья вкладка, но рочсялöм народыс пондöмась шупкавны вкладкасö (асьныт пö лыддьöтö асланыт пон кыв вылас), сійöн бöра ковсис керны «Пармаас» токö коми листбок.

2009' во помын газеталöн редакция видчис юраліссезкöт, мыля унавося редакторлö да сы туйö уджалісьыслö ковсис мунны.

Редакторрез[вильмӧтны | Вильмӧтны код]

  • Копытов Ф.Г. (1926-1927)
  • Нефедьев С.Г. (1928-1932)
  • Калашников П.М. (1937-1941)
  • Хорошев Н.И. (1941-1944)
  • Отинова С.С. (1944-1947)
  • Гагарин В.Н. (1947-1961)
  • Карпов Ф.М. (1961-1967)
  • Киприянов А.Н. (1967-1970)
  • Мешавкин В.А. (1970-1984)
  • Алешков В.Д. (1984-1998)
  • Иванов Н.И. (1998-?)
  • Власов С.М. (?-2009)
  • Радостева О.Н. (2009-2010)
  • Зидляев Д.В. (2010-öнöдз)

Öння уджаліссез[вильмӧтны | Вильмӧтны код]

Тематика[вильмӧтны | Вильмӧтны код]

Структура[вильмӧтны | Вильмӧтны код]