Питю Ӧньӧ

Босьтöм Википедия вылiсь
Перейти к навигации Перейти к поиску
Питю Ӧньӧ
Чужан лун:

1899’ вося нояб 25’ лун(1899-11-25)

Кулан лун:

1937’ вося сентяб 8’ лун(1937-09-08) (37 год)

Питю Ӧньӧ (Зубов Андрей Никифорович, 1899–1937) — коми гижись, велӧтісь, поэт. Гижис перем комиӧн. Перем коми литературалӧ под пуктіссезісь ӧтік.

Олантуй[мöдкодьсьöтны | править код]

Питю Ӧньӧ шогмис нояб 25 лунӧ 1899 воӧ Кудымкар районісь Иньвайыл посадын. Велӧтчис горт школаын, сэсся Юрлаын пондӧтчан велӧтчанінын.

1919–22 воэзӧ уджаліс телеграфистӧн, кысъяліс армияын. Велӧтчис Сыктывкарся Коми институтын.

1926 воын помаліс Перемись университет, велӧтчӧм сьӧрті – биолог. Уджаліс Кудымкарись педтехникумын ӧтӧртӧдӧм сьӧрті велӧтісьӧн, сыбӧрын — Коми окрисполком бердісь туялан бюроас. 1934 воӧ помаліс Перемын НИИ-лісь аспирантура да Мӧскваын Мичурин нима институтісь курссэз. Вӧлі СССР-ын гижиссез йитчӧмсь членӧн.

Сентяб 8 лунӧ 1937 годӧ сійӧ пуксьӧтісӧ, шуисӧ отирлӧ умӧль керисьӧн да вийисӧ. 1956 воын нимсӧ сӧстӧмтісӧ.

Творчество[мöдкодьсьöтны | править код]

Файл:Питю Оньо 1929.jpg
Питю Öньöлöн кывбурреза небöг

Питю Ӧньӧ – Перем коми литература аркмӧтісь. Медбура сійӧ тӧдӧны кыдз лирикӧс да фолькор ӧктісьӧс. Первуись гижис да лэдзис кывбурресӧ 1922 годӧ, кывбуррезӧн небӧг ас дырни петіс 1929 воын. Пьеса «Пемыт ой пыр» вӧлі сувтӧтӧм Коми кытшись драма театрын.

Уна гижис велӧтчан небӧггез, уна вуджӧтіс роч да коми (зыряна) кыв вылісь.

Небӧггес[мöдкодьсьöтны | править код]

  • Ӧнджа (1929)
  • Сказкиэз (1935)
  • Кывбуррез (1963)
  • Ӧктӧм произведеннёэз (1989).

Ӧшмӧссэз[мöдкодьсьöтны | править код]

  • Коми-пермяккез. Кудымкар, 2008. ISBN 978-963-9876-09-05.
  • Коми-Пермяцкий автономный округ на рубеже веков. Кудымкар, 2000. ISBN 5-87901-051-1
  • Пахорукова В.В. Иньва йылісь сьыланкыв. Коми-пермяцкӧй литература 20–80 годдэзӧ. Кудымкар, 1989