Урьюгорт (Кӧчладор район)

Урьюгорт Урья
Му:	Рочму
Статус:	грезд
ладор:	Перем ладор
район:	Кӧчладор район
Инлыдпассэс:	59°42′12″ с. ш. 54°28′17″ в. д.
Веськӧтлан кыв	роч, коми
Отир лыд	47 морт (2009)
Час кытш:	UTC+5+5
Телефон нумерӧ содтӧт:	+7 34293
Почта инпас:	619321
Авто нумерӧ содтӧт:	59

Урьюго́рт (рочӧн У́рья) — Перем ладорись Коми кытшын, Кӧчладор районісь Коча посадмуын учӧтик грезд (деревня).

Одзжык Урьюгортыс пырис Коча сельсоветӧ.

Ним йылісь

Урьюгортыс шусьö сідз неыджыт юöк сьöрті, кöдалöн нимыс комиöн Урью, а рочöн Урья.

Урью — 'ураинын ю', нето 'Ур нима мортлöн ю'.

Горт шуаныслöн вöлі важ коми диалекттэзын вежöртас 'грезд (деревня)'.

География

Урьюгортыс сулалӧ Кӧч посадсянь ойвыв-асыввылӧ 27 км ылынаын, Ыджыт Кочасянь ӧкмыс километра ылынаын, Онолва юӧ Урью усянін дынын.

Янсалöм

Урьюгортын куим тор: ю пӧлӧн вевдӧрись (отирыс сэтчин сёрнитӧны жагӧна), увдӧрись (кытӧн оліссез тарзьӧны токӧ баитӧны) да шӧрись.

История

Грезд ладорын отирыс олӧмась важынсянь. Урью уссёланьын археологгез адззӧмась VI–VIII векся казьмӧтан — Курӧгкармыс.

Отир

1970 годӧ Урьюгортын олӧмась 194 морт, а 2009 во пондӧтчикӧ токӧ 47 морт, кӧдна видзисӧ 19 горт.

Медуна отирыс гишшöны Вавилин, Исаев, Никонов.

Кӧзяйство да быт

Советтэз дырни Урьюгорт вӧлі «Родина» колхозлӧн юкӧт (шӧриныс — Ыджыт Кочаын), кӧда сідзту ӧтлаӧтлӧма куим олан пункт: Урьюгорт, Борина да Ыджыт Коча.

Культура

Одзжык Урьюгортын вӧлӧмась школа, клуб, аптека. Талун челядьыс велӧтчӧны Ыджыт Кочаын, кӧркӧ ветлӧмась Пелымӧ.

Грездын медбура порйӧтӧны Макар лун, сія овлӧ ойнас август 6-7 луннэз коласын. Этійӧ вежалунсӧ шуӧны мӧс празьник. Йозыс локтӧны рытсяняс да пырӧны Онолваӧ пидзӧсви.

Лыддьöтан

• Коми-Пермяцкий национальный округ. Москва-Ленинград, 1948.
• Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5