Халинен (Турку)

Босьтöм Википедия вылiсь
Перейти к навигации Перейти к поиску
Халинен
су. Halinen, шв. Hallis

Påvegatans höghus 2011.jpg
Турку
Аркмöтан кад:

1944' во

Медодз казьтыштöм:

XIV век

Оліссез:

~ 3600 морт

Категория Викичомын:

Halinen

Карта

Координатаэз: 60°28′08″ с. ш. 22°18′58″ в. д. / 60.468889° с. ш. 22.316111° в. д. (G)

ХалиненФинму лунвыв-рытвылын посёлок, кöда öні Турку карын микрорайон, а одзжык вöлі грезд.

Посёлокыс пырö Туркуись Нумми-Халинен (кöркöся Коройнен) районö.

Ним йылісь[мöдкодьсьöтны | править код]

Вирнамяки
Авраёки Халинен дзебанін весьтын
Халинен школа
Павинкату туй

Халинен шусьö фин кыв вылын Halinen, швед кыв вылын Hallis. Этимология тöдмавтöм. Мукöд сэтшöм жö ниммезын моз косвеннöй падежжез аркмöны унаö лыддян формасянь: Halisten 'Халиненнэзлöн', Halisissa 'Халиненнэзын' дмд.

География[мöдкодьсьöтны | править код]

Халинен куйлӧ Турку кар асыввылын, Авраёки веськыт вадӧрын, Халинен коськ бердын.

Ордчӧн Халиненкӧт адззамӧ сэтшӧм микрорайоннэз: Коройнен рытвылас, Рянтямяки да Орикето ойвылас, Нумми да Курала лунвылас. Халиненсянь асыввылас – кар дор. Сы сайын куйлӧ Карина коммунаись Раваттула грезд.

Халинен ойвыв визир пöлöн котöртö Топиноя шор да мунö Коройстенкари улича. Рытвыв визирыс – Грегориус XI туй. Сы сайын эм токö вузясян шöрин. Микрорайон лунвылöт котöртö Авраёки (Халинен пруд), кöда дорын лэбö Вирнамяки мыс. Асыввылас – вöрсялöм Пяхкинямяки мыс да мöдік вöрьяин. Вöрьяиннэз эмöсь и посёлок пытшкын.

Янсалӧм[мöдкодьсьöтны | править код]

Халиненын кынымкö тор, кöдна неöткодьöсь история да инфраструктура сьöрті.

История[мöдкодьсьöтны | править код]

Халинен важся шӧринын, посад мылькын, отирыс пыр олӧмась кӧрт кадколассянь. Лунвылас Вирнамяки мысвылісь адззöмась корткадся шойна да оланін, а Авраёки дорись Комойнен мылькын – сія жö кадся культура пöвст да юрбитан иззэз.

Пяхкинямяки мысын эмöсь шойгуэз, кöдна кольччöмась м.э. V нэмсянь.

XIV векӧ öння Халинен дорас, Авраёки вылас, керӧмась вамельнича, кӧда сэсся сулалӧма топ 1940' воэзӧдз.

XVI нэм коста Халинен коськ дорын вӧлі осьтӧма нойкыянін, кӧдӧ лыддьӧны Финму пасьта индустрияын медодззза уджаинӧн.

Сія жӧ кадсянь татчӧ лӧсьӧтӧмась му-видз уджалан кӧзяйствоэз Тятиля, Франци да Комойнен, кытӧн и ӧні крессяна уджалӧны.

Важ (увдöрись) пос Халинен коськ весьтöт нюжöтöмась 1930' годö, вильö (вевдöрсяö) осьтöмась 1980' годö.

1944' воӧдз Халинен вӧлі rрезд Мария волосьын, а сыбӧрын сійӧ, ӧтлаын ордча грезддэзнас пыртӧмась Турку карӧ.

Бура быдмыны Халинен пондӧма дзир 1980'-2000' воэзӧ, кӧр татчӧ строитӧмась уна ыджыт керкуэз.

1990' воэзсянь татчӧ пондӧмась селитны йӧз муэзісь локтӧм отирсӧ.

Отир[мöдкодьсьöтны | править код]

2004' годö Халиненын олöмась 3501 морт, кöдна коласісь 81,18%-ыс мам кывнас шуöмась фин нето швед кыв, а 18,82 % мöдік кыввез. Сэки отир быдмöма во сьöрна 0,34% вылö.

Öні Халиненын оліссесö лыддьöны 3600 морт етш. Ны коласын 27%-ыс – йöз муэзісь локтöмовöйöсь.

Кӧзяйство да быт[мöдкодьсьöтны | править код]

Индустрия уджаиннэз Халиненын абуöсь.

Унажык керкуэз унасувдаöсь, сувтöтöмöсь 1980'-2000' воэзö. Нія нето Турку университетлöн, нето кар советлöн. Энö керкуэсö сетöны кöртымö учöт донісь студенттэзлö да гов отирлö, йöзовöйезлö.

Эм и аскеркуэз, кытöн олöны крессяна, кöдна татöн важынсянь уджалöны му-видз.

Халиненын бергöтчö да сы кузя мунö автобус №4 (40). Микрорайон дорöт сідзжö ветлöны автобуссэз №55 да №15. Ны вылын отирыс шедöтчöны каршöрöдз. Подöн Халиненсянь Турку соборöдз муннытö 40 минут, автобусöн 6 минут. Халиненсянь позьö шедны каршöрö и Авраёки пöлöт мунтöн, туёккез кузя.

Халиненын эмöсь универсам S-Market, бар, пицерия. Мельник керкуын эм кофейна.

Спорткерку «Urheilutalo» сулалö микрорайон ойвыв визир сайын, Халиненын да Рянтямякиын оліссез понда сія öтласа. Спорт луддэз эмöсь школа дорын (Францинкенття) да Раваттуланполкуланьын.

Культура да велöтöм[мöдкодьсьöтны | править код]

Халиненын эм школа «Halisten koulu» да челядьсад.

Челядь орсаніннэз:

Туризм[мöдкодьсьöтны | править код]

Мельник керкуын позьö босьтлыны пыж. Татöн велöтöны кыдз уявны пыжжезöн коськöттяс.

Уличаэз[мöдкодьсьöтны | править код]

Рытвыв дорöттяс Халиненсянь каршöрланьö мунö Грегориус XI туй. Сія вуджö Авраёкисö коськ дынын, кытöн машинаэз ветлöны Вевдöрись Халинен пос кузя. Увдöрись пос кузя позьö мунны токö кокнит транспортöн да подöн ветліссезлö.

Микрорайон ойвылас Орикетолань нуöтö Коройстенкари туй.

Лунвылöттис Халиненас мунö Раваттуланполку, кöда петö асыввылас кар саяс да шусьö Ванха Раваттулантие (сы кузя позьö шедны Раваттула грездö).

Уличаэз микрорайон ойвылас шусьöны вичкуся уджаліссез ниммезöн, мöділаын туйниммез унажыксö йитöмöсь му-видз уджалöмöн.

Туйез[мöдкодьсьöтны | править код]

  • Каллойстенкату
  • Карпиокату
  • Комойстенкату
  • Лёвтянянкату
  • Мюллютонтукату
  • Павинкату
  • Туйюланкату
  • Тюннюрикату
  • Францинкату
  • Хехтокату
  • Хинкалокату

Туйколассэз[мöдкодьсьöтны | править код]

  • Валкинмюллюнкуя
  • Вимпанкуя
  • Каппакуя
  • Кардиналинкуя
  • Кревланкуя
  • Куохукуя
  • Курианкуя
  • Курианкуя
  • Легатинкуя
  • Липонкуя
  • Лохканкуя
  • Нунтиуксенкуя
  • Панникуя
  • Путакуя
  • Сяккикуя
  • Тятилянкуя

Туёккез[мöдкодьсьöтны | править код]

  • Прелатинполку
  • Пунтариполку
  • Раваттуланполку
  • Францинполку

Берся[мöдкодьсьöтны | править код]

  • Халиненын оліссес микрорайонісь Павинкату туйсö шуöны «Могадишу авенюöн».
  • Турку каршöрын оліссез шуöны Халинен коськсянь ны ладорö тулыснас кывтан йыпалаккез «Халинен деддэзöн» (Halisten ukot).

Лыддьӧтан[мöдкодьсьöтны | править код]


Шаблон:Туркуись карторрез