Ӧнтипинчи (Юсьва район)

Ӧнтипинчи Антипина
Му:	Рочму
Статус:	грезд
ладор:	Перем ладор
район:	Юсьва район
Инлыдпассэс:	59°00′57″ с. ш. 55°09′59″ в. д.
Веськӧтлан кыв	коми, роч
Отир лыд	372 морт (2009)
Час кытш:	UTC+5+5
Телефон нумерӧ содтӧт:	+7 34246
Почта инпас:	619194
Авто нумерӧ содтӧт:	59, 81

Ӧнтипинчи — Перем ладорись Коми кытшын, Юсьва районісь Карпов посадмуас коми посад.

Ӧнтипинчиыс сулалӧ Ойвыв Ык ю дорын, Юсьва посадсянь ойвыв-асыввылӧ 21 км ылынаын.

Ним йылісь

Грездыс шусьö медодзза олісь сьöрті, кöда вöлі натьтö Öнтип нима. Сы пияннэз лоисö Ӧнтипинчи. Рочöнжык посадыс шусьö Антипина, сійöн Антипинскöй сельсовет, антипинскöй школа да с.о.

Ордча грезддэз

Ӧнтипинчиыс меститчӧм Иньва ю дорсянь ойвылас, ыджыт туйвежын: таті мунöнын туйез Юсьвасянь Дöйöглань да Кудымкарсянь Пожваöдз.

Асыввылын Ӧнтипинчисянь Дöйöг ю дорын сулалӧ Петбор грезд, лунвыв-асыввылын — Логинов. Ойвыв-асыввылын, туй кузя кö мунны петö Тарабай, сы сайын Дöйöг, ойвылас — Новосёв, ойвыв-рытвылын нёль километра ылынаын — Петыковчи да Митровчи, асыввылас, Иньва ю дорын, — Мурмöс, лунвыв-рытвылас туй кузя локтан Габовöдз.

Посадын туйез

Посадын 10 туй:

Коми ним	Роч ним
Видз туй	Луговая
Виль туй	Новая
Вöр туй	Лесная
Кыдзза туй	Березовая
Медшöр туй	Центральная
Мир туй	Мира
Сад туй	Садовая
Чом туй	Складская
Школа туй	Школьная
Ыб туй	Полевая

Отир

Посадын оліссез сідзжӧ шусьӧны öнтипинчи. 2009 во пондӧтчан кежö татӧн олӧмась 372 морт, кӧдна видзисӧ 123 горт. 1970 отирыс вöлі 539-а.

Веськӧтлан

Ӧні Ӧнтипинчиыс пырӧ Карпов посадмуӧ. 2006 годӧдз татöн вӧлі торья Антипинскöй сельсовет.

Кӧзяйство

Совет кадсянь колхоз «Родина», юралісьыс Боталова Любовь Ивановна. Уджалöны 140 гöгöр морт. Вöдитöны гырись сюра пода.

Культура

Файл:Важ школа Öнтипинчиын.jpg

Школа Öнтипинчиын (Боталов Иванлöн дзарпас)

• Антипинскöй школа сулалö посад шöринсянь куим километра ылынаын. Татöн велöтчöны коми челядь, 64 морт. Öні школасö мöдöны пöднавны, важ да. Челядьсö мöдöны ыстыны роч Юсьваö.

• Öнтипинчиын эм Кристос чужöм нима вичку, кöдö вептöмась ХХ век пондöтчикö, вились осьтöмась 1998' во.

• Культура керку

Ыстісяннэз

This article is a stub. You can help by expanding it. || Это заготовка статьи. Вы можете помочь проекту, дополнив её.