Весляна (Коми кытшын ю)

Босьтöм Википедияись

ВеслянаПерем ладорись Коми кытшын визывтан ю, Кама юлӧн шульга вож.

Кузяыс Весляналӧн – 310 км. Петӧ сія Ойвыв мыссэзісь Гуменцо нюрсянь. Этія вӧр ю вель ыджыт. Коми кытшыслӧн ой-рытвылын сы вылӧттяс отирыс унажыксӧ и уялӧны да кылӧтӧны сы кузя вӧр.

Ӧрыс Веслянаыслӧн чукыля, натодиль шӧрӧт визылын. Паськытаыс вовлӧ 100 метраӧдз. Тулысся ыждӧм коста юыс паськалӧ ӧддьӧнжык, пыдынаыс сэк овлӧ 3-4 метарӧн. Но шӧркоддяс джуджытаыс плёссэзын 1-1,5 м, коссезын – 0,25-0,40 м.

Ваыслӧн шонтӧгыс кывтытас сибӧтчӧ 18-20°С. Юыс визывтӧ шӧркодяс 0,6 м/с перытаӧн, тулыснас перытаыс содлӧ 1,1 м/с-ӧдз, а межень коста чинӧ 0,15-0,35 м/с-ӧдз.

Ваыслӧн рӧмыс пемытжык Камаынся, сійӧн мыля [[ |Сьӧдъю]] дорын (а этія юыс усьӧ Веслянаӧ) миськассьӧны пемыт рӧма сёйез.