Емва район

Босьтöм Википедия вылiсь
Перейти к навигации Перейти к поиску
Емва район Коми Республикаын

Емва район (рочӧнжык Княжпогостскӧй район) — веськӧтлан юкӧт Коми Республикаын, республикалӧн 15 районнэзісь ӧтік.

Веськӧтлан шӧрин – Емва карын.

Район аркмис 1939 июль 14 лунӧ. 1963 годӧдз шусьӧма Кӧрттуй район (рочӧнжык – Железнодорожнӧй район)

География[мöдкодьсьöтны | править код]

Районыс 24,6 сюрс км² ыжда. Куйлӧ Коми Республика рытвылын. Межаасьӧ рытвылын Удора районкӧт, ойвылын Чилимдін районкӧт, асыввылын Уква кар кытшкӧт, лунвылын – Кӧрткерӧс да Емдін районнэзкӧт.

Район пырйӧт мунӧ кӧрттуй Котлас–Вӧркута да автотуй Сыктывкар–Сӧснагорт.

Мувевдӧрыс вӧрсялӧм да нюрсялӧм, неыджыт мыссэза, но волькыткодь. Ойвыв-рытвылын волькытіныс пӧднассьӧ Тиман мусюрӧн, кӧда лэбӧ татӧн 353 м вылынаӧдз.

Мусиннэз нюрвыв торфаӧсь, шаргунаӧсь, сісьмӧта-глеяӧсь.

Климатыс шӧркодя континентвывся. Январ коста шӧрӧт шонтӧгыс -17 °C, июль коста +15 °C. Енӧжваыс усьӧ шӧркодя 550 мм-ӧн год сьӧрна.

Медыджыт юэз: Емва да сылӧн вожжез: Весыва, Едва. Медпаськыт ты районас – Синдор ты.

Колана шедтассэзісь татӧн эмӧсь извесняккез, лыа, кӧдза, сёйму, сотчан сланеччез, бокситтэз, изсов.

Вӧрыс унажыксӧ кӧзъяин нето пожумсора кыдзза-кӧзъя, шочжык лисвеня. Вӧр подаись панталан татісь вӧрмӧсӧс, ланаӧс, ондатраӧс, ю мойӧс. Кайез коласісь поздісьӧны дозмӧр, тар, сьӧла. Юэзын да тыэзын уна дона чери: семга, нельма, сиг, хариус.

Ӧтӧр дорьян муэз: Ботаника сьӧрті вӧр-ва казьмӧтан «Кедраёль», Синдорись ӧтласа заказник, нюррез дорьян 19 заказник.

История[мöдкодьсьöтны | править код]

Емва дорын отирыс олӧ важынсянь. Емва пӧлӧн да Синдор ты гӧгӧр сёэзӧн вӧлісӧ сулаланіннэз, овмӧтчаннэз, дзебсяннэз, вежаиннэз. Татісь адззӧмӧсь ӧддьӧн уна важся казьмӧтаннэз да кладдэз.

Медъёна пондісӧ отирыс поздісьны татчӧ виль эрася мӧд сюрсвоын. 400 вося дыржык ни сулалӧны грезддэз (деревняэз) Кони, Весыва да Рак, Серегов посад. А Виз посад да Турья посад тыртӧмась вит сё годӧн ни.

Виз посадсӧ, кӧдӧ рочӧн шуӧны Княжпогост, аркмӧтӧма кинкӧ Емва ӧксы увтырись. Этія увтырыс юраліс Эжва Перемын 1451–1502 воэзӧ.

Крессьяна гӧрлӧмась му, видзлӧмась пода, чериавлӧмась да вӧравлӧмась. Мукӧдыс мунлӧмась кошшыны удж Серегов керӧс дорӧ, сов шедтанінас. Медбура зорамас Сереговын промысёл XVII век помланьын, кӧр татісь завод пырис Рочмуас совпуан сьӧрті медгырись уджиннэз коласӧ.

Район Емваас лӧсьӧтӧмась 1939 годӧ июль 14 лунӧ. 1963 годӧдз сія шусьӧма Кӧрттуй район (Железнодорожнӧй район).

Советтэз дырни татӧн уна мый вежсис. Пондіс уджавны Княжпогостын механика завод, районісь вӧрпункт, вӧлі осьтӧм пусіа плитаэз лэдзан завод, Синдорись газсуктан поз, мӧдік уджаиннэз да аркмӧтӧммез.

Отир[мöдкодьсьöтны | править код]

Оліссез 29,7 сюрс морт. Йӧзыс олӧ 48 оланінын, медыжытӧсь – Емва кар, посёлоккез: Синдор, Мещура, Ветью да Чимиавӧрӧк, посаддэз: Сьӧська да Серегов. Оліссез коласын 17,9 % – комиӧсь. Рочму шӧрись ваявлӧны татчӧ уна пукаліссезӧс. 2002 вося гижöтöм дырни татöн вöлісö 64,4 % роччез, 7,7 % украинса, 2,4 % беларуссэз да 0,9 % немеччез.[1]

Политика да веськӧтлан[мöдкодьсьöтны | править код]

Район вылын юралісьыс Такаев Радик Николаевич. Веськӧтланын медыджытыс Попов Виктор Александрович. Веськӧтланлӧн адресыс: 169200, Емва район, Емва кар, Дзержинскӧй туй, 81; факсыс (82139) 224-86.

Янсалӧм[мöдкодьсьöтны | править код]

Веськӧтлӧм могись Емва район янсӧтӧма 12 тор вылӧ: татӧн эм кык карму да 10 посадму.

Посадму / карму Кыным

морт

Кыным

оланін

Веськӧтлан Факс Юралысь
Ветью посадму 509 3 169220, Ветью посёлок,. Школадор туй, 6 (82139) 966-24 Александрова Галина Николаевна
Виз посадму 239 7 169205, Виз посад, Шӧр туй, 4 (82139) 982-41 Душичев Федор Валерьевич
Вожаёль посадму 872 2 169215, Вожаёль посёлок, ВЛКСМ-лӧ 50 во нима туй, 24 (82139) 263-97 Черноусова Светлана Юрьевна
Емва карму 15374 3 169200, Емва кар, Дзержинскӧй туй, 76 (82139) 212-79 Панченко Ирина Владимировна
Йоссер посадму 502 3 169235, Йоссер посёлок., Вадӧр туй, 9 (82139) 232-23 Балога Наталья Ивановна
Мещура посадму 476 3 169226, Мещура посёлок, Пионер туй, 3 (82139) 934-84 Стеблина Людмила Николаевна
Серегов посадму 962 6 169210, Серегов посад, Сӧвет туй, 30 (82139) 941-43 Пономарёва Оксана Владимировна
Синдор карму 2965 3 169225, Синдор карок, Стрӧитчысьяс туй, 15 (82139) 275-44 Погорелый Иван Борисович
Сьӧська посадму 497 9 169206, Сьӧська посад, Шӧр туй, 17 (82139) 972-38 Пудова Галина Ивановна
Тракт посадму 2023 2 169202, Тракт посёлок, Вӧр туй, 22 (82139) 263-08 Кашекина Людмила Борисовна
Туръя посадму 326 4 169222, Туръя посад, к. 127 (82139) 975-21 Плетнёва Зоя Валентиновна
Чимиавӧрӧк посадму 2327 3 169327, Чимиавӧрӧк посёлок, Дзержинскӧй туй, 4 (82139) 266-62 Граб Александр Никитович

Оланіннэз[мöдкодьсьöтны | править код]

Емва районын талун 48 оланін.

Коми ним Роч ним Статус Мымда

отир [2]

(2007)

Пошта

индекс [3]

Посадму
Анюша Анюша грезд 32 169206 Сьӧська
Брусничнӧй Брусничный посёлок 128 169222 Турья Турья
Вейпом ? Вейпом Сикт ? 169205 ?
Весыва Весляна грезд 26 169220 Ветъю
Ветъю Ветью посёлок 477 169220 Ветъю
Виз Княжпогост посад 137 169205 Виз
Вожаёль Вожаёль посёлок 167 169215 Вожаёль
Емва Емва кар 15310 169200 Емва
Ёвдін Евдино грезд 6 169226 Ветъю
Заречье Заречье грезд 169210 ?
Злоба Злоба грезд 10 169205 Виз
Йоссер Иоссер посёлок 228 169235 Йоссер
Касьян Кедва Касьян-Кедва ? 169237 ?
Катыдпом Катыдпом грезд 1 169205 Сьӧська
Катыдтыла Верхняя Отла грезд 26 169206 Сьӧська
Керӧс Керес грезд 2 169205 Виз
Козлорд Козловка грезд 11 169206 Сьӧська
Кони Кони грезд 53 169222 Турья
Кось Кошки грезд 15 169222 Серегов
Кывтыва Кылтово посёлок 50 169212 Емва
Кыркӧтш Кыркещ грезд 12 169205 Виз
Луг Луг грезд 16 169222 Турья
Льӧмъю Лемью посёлок 169203 ?
Ляй Ляли грезд 67 169212 Серегов
Ляй Ляли посёлок 336 169212 Серегов
Малиновка Малиновка посёлок 0 169235 Йоссер
Мещура Мещура посёлок 384 169226 Мещура
Мӧсъю Месъю посёлок 6 169235 посадму|Чимиавӧрӧк
Малӧй Бор ? Малый Бор грезд 169210 ?
Ольвидз ? Ольвидз грезд 169210 ?
Петкоя Петкоя грезд 1 169206 Сьӧська
Политов Политовка грезд 3 169210 Серегов
Пӧлӧвник Половники грезд 8 169205 Виз
Рак Раковица грезд 20 169205 Виз
Ракпас Ракпас посёлок 1009 169231 Тракт
Ропча Ропча посёлок 274 169330 Йоссер
Серегов Серёгово посад 532 169210 Серегов
Синдор Синдор грезд 5 169225 Синдор
Синдор Синдор карок 2940 169225 Синдор
Сімва ? Симва посёлок 20 169225 Синдор
Сьӧдъюдор Седъюдор посёлок 90 169226 Мещура
Сьӧська Шошка посад 287 169206 Сьӧська
Тракт Тракт посёлок 1014 169232 Тракт
Турья Туръя посад 129 169222 Турья
Турьяыб Онежье грезд 78 169206 Сьӧська
Удор Удор грезд 50 169205 Виз
Улыс Тыла Нижняя Отла грезд 29 169207 Сьӧська
Усолье ? Усолье грезд 169210 ?
Часдор Часадор грезд 9 169227 Серегов
Чернореченскӧй Чернореченский посёлок 705 169216 Вожаёль
Чимиавӧрӧк Чиньяворык посёлок 1994 169237 Чимиавӧрӧк
Чуб Чуб посёлок 14 169200 Емва
Шомвуква Шомвуково посёлок 327 169235 Чимиавӧрӧк
Шӧртыла Средняя Отла грезд 32 169206 Сьӧська

Экономика[мöдкодьсьöтны | править код]

Культура[мöдкодьсьöтны | править код]

Ыстӧттэз[мöдкодьсьöтны | править код]

  1. Federalnaja služba gosudarstvennoi statistiki: Tšislennost naselenija Rossijskoi Federatsii po gorodam, posjolkam gorodskogo tipa i raionam na 1 janvarja 2009 g.
  2. Коми Республика статкомитет сайтісь
  3. Вот ӧктіссезлӧн сайтісь

Ӧшмӧссэз[мöдкодьсьöтны | править код]

Коми Республика веськöтлöм могись янсалöм Coat of arms of the Komi Republic Flag of the Komi Republic
Канкар: Сыктывкар

Каркытшшез: Вöркута • Инта • Сыктывкар • Уква • Ускар

Районнэз: Вуктыл • Емва • Емдiн • Изьва • Койгорт • Кöрткерöс • Кулöмдiн • Луздор • Мылдiн • Печора • Сöснагорт • Сыктыв • Сыктывдiн • Удора • Чилимдiн