Койгорт район

Босьтöм Википедияись
Койгорт район
Койгородский район
Вужпас
Канму Роч Федерация
Ыджытжык регион Коми Республика
Янсалӧм 10 посадму
Веськӧтлан шӧрин Койгорт
Аркман кад 1949' во
Юралісь Перепаденко Юрий Алексеевич
Веськöтлан кыввез коми, роч
Оліссез (2010 во) 9 011
Оліссезлӧн тшӧкыта 0,89 морт/км²
Мувывтор 10 416 км²
Койгорт район мусерпас
Кад кытш +3 (гожумнас +4)
Урал кад -2
Телефон код +7 82132
Автомобиль код 11, 111
Веськöтланлöн сайт


Койгорт район (рочӧнжык Койгородскӧй район) — веськӧтлан юкӧт Коми Республикаын, республикалӧн 15 районісь ӧтік.

Веськӧтлан шӧрин – Койгорт посадын. Койгортсянь Сыктывкарӧдз 196 км.

Районыс аркмӧтӧм 1949' юнь 7' лунӧ.

География[вильмӧтны | Вильмӧтны код]

Койгорт районыс 10.415,7 км² ыжда. Сія куйлӧ Коми Республика лунвыв-рытвылын, Сыктыв ю катытын. Койгорт мукӧт межаасьӧны асыввылын – Перем ладорись Коми кытш, лунвылын – Киров лапӧв, рытвылын – Луздор район, ойвылын – Сыктыв да Сыктывдін районнэз.

Невна не быдӧс муыс вӧрсялӧм.

Колана шедтассэз: сотчан сланеччез, фосфориттэз, торф, керамзит да кирпич сёйез, строитчан да кварца лыаэз, муувтся ваэз. Эм мымдакӧ зарни да алмаззэз. Ӧні кошшӧны газ да мусир.

История[вильмӧтны | Вильмӧтны код]

Медваж оланіннэз – посаддэз Ужга (1490), Койгорт (1586) да Грива (1586). Эна оланіннэз аркмисӧ ӧнія Койгорт район му вылын XII-XIII веккезӧ. Рочму дынӧ ӧтлаӧтӧм бӧрын перво вӧлі лӧсьӧтӧма Ужга волось, сэсся Койгорт да Грива лоисӧ торья волоссезӧн.

1757' годӧ осьтӧмась домна вылын уджалан заводдэз Кажымӧ да Нюдзпоскаӧ, кӧднӧ подналісӧ 1923'-24' воэзӧ.

1929' годӧ Койгорт пырӧ виль осьтӧм Сыктыв районӧ, а 1949' июнь 7' лунӧ РСФСР-ись Медвылісь Советлӧн Президиум аслас указӧн аркмӧтӧма Койгорт район.

Район аркмӧм бӧрын кӧзяйствоыслӧ подӧн пыр вӧлі вӧрлэдзӧм. 1936' годӧ лӧсьӧтісӧ вӧрпромхоз Койгортӧ, а 1942' – Кажымӧ. 1970' годӧ нійӧ ӧтувтісӧ, лоис ӧтласа Койгорт вӧрпромхоз, кӧда 1998' октябсянь шусьӧ ООО "Койгорт вӧркомбинат".

1949' во кежӧ му-видз уджалӧмын ноксисӧ 25 жебиник колхоз. 1959' январ 1' лунӧ нійӧ ӧтлаӧтісӧ да лӧсьӧтісӧ «Койгорт» совхоз, кӧда 2002' январ 1' лунсянь шусьӧ СПК «Койгорт».

Районын юралісö[вильмӧтны | Вильмӧтны код]

Юралісь Уджалан кад
КПСС РК-ын I секретаррез
Мальгин Василий Михайлович 1949' август - 1949' юль
Терентьев Георгий Васильевич 1954' юль - 1961' август
Семенчин Егор Михайлович 1961' август - 1963' январ
Тренькин Николай Андреевич 1963' январ - 1967' март
Арбузов Александр Алексеевич 1967' март - 1961' январ
Симонов Владимир Петрович 1961' январ - 1980' юль
Карманова Воля Ивановна 1980' юль - 1985' январ
Пономаренко Адим Михайлович 1985' январ - 1991' август
Райисполкомын председателлез
Карманов Влас Павлович 1949' юнь - 1951' юль
Митюшов Александр Иванович 1951' юль - 1957' юль
Костин Григорий Николаевич 1957' юль - 1959' нояб
Шахов Игорь Егорович 1959' нояб - 1965' декаб
Раевский Николай Михайлович 1965' декаб - 1966' сентяб
Букин Валерий Ефимович 1966' сентяб - 1968' август
Мишарин Николай Андреевич 1968' август - 1972' март
Клинцов Петр Егорович 1972' март - 1974' октяб
Осипов Юрий Иванович 1974' октяб - 1980' сентяб
Пономаренко Адим Михайлович 1980' сентяб - 1980' январ
Клинцов Владимир Григорьевич 1980' январ - 1989' апрель
Район администрациялöн юраліссез
Тебеньков Анатолий Павлович 1989' апрель - 1993' апрель
Сечин Николай Васильевич 1993' апрель - 1997' март
Муниципал районын юраліссез
Тебеньков Михаил Леонидович 1997' март - 2011' март
Перепаденко Юрий Алексеевич 2011' март - öнöдз

Отир[вильмӧтны | Вильмӧтны код]

Олӧны 9,3 сюрс морт. 2002' вося гижӧтӧм дырни оліссез коласын татӧн вӧлі 48,0% роччез, 40,0% комиэз, 4,3% украинса, 2,8% немеччез да 1,0% беларуссэз. Йӧзыслӧн тшӧкыта 1,1 морт/км². Томмез (14-сянь 30-ӧдз годдэзсяӧсь) районас 2,5 сюрс морт.

Политика да веськӧтлӧм[вильмӧтны | Вильмӧтны код]

Район вылын юралісьыс – Перепаденко Юрий Алексеевичч (2011' мартсянь). Веськӧтланыслӧн адрес: 168170, Койгорт район, Койгорт посад, Мир туй, 7. Факсыс (82132) 914-00.

Янсалӧм[вильмӧтны | Вильмӧтны код]

Койгорт район ӧні янсӧтӧма 10 посадму вылӧ:

Посадму Кыным

оланін

Веськӧтлан Факс Юралісь
Грива 3 168191, Грива посад, Сӧвет туй, 37 (82132) 941-40 Игошина Людмила Сергеевна
Кажым 2 168181, Кажым посёлок, Сӧвет туй, 28 (82132) 922-91 Сычугова Светлана Игнатьевна
Койгорт 1 168170, Койгорт посад, Сӧвет туй, 30 (82132) 951-75 Перепаденко Юрий Алексеевич
Койдін 1 168183, Койдін посёлок, Берегвыв туй, 26 (82132) 913-07 Дружинин Валерий Евграфович
Ком 2 168174, Ком посёлок, Шӧр туй, 9 (82132) 944-24 Коблов Игорь Борисович
Кузьёль 1 168172, Кузьёль посёлок, Смоленск туй, 15 (82132) 946-27 Широкова Ирина Николаевна
Нюдзпоска 1 168197, Нюдзпоска посёлок, Шӧр туй, 20 (82132) 943-23 Самыйлов Андрей Борисович
Подз 4 168193, Подз посёлок, Сӧвет туй, 9 (82132) 931-54 Башманов Владимир Александрович
Турунъю 2 168181, Улыс Турунъю п-к, Гӧрд Армия т., 7 (82132) 985-19 Череватенко Евгения Александровна
Ужга 4 168190, Ужга посад, Ягдор туй, 9 (82132) 945-30 Володина Лима Валентиновна

Одзжык посадмуэз туйӧ вӧлісӧ сельсоветтэз.

Оланіннэз[вильмӧтны | Вильмӧтны код]

Ӧні Койгорт районын 21 оланін: куим посад, куим грезд (деревня) да посадчужӧма 15 посёлок.

Коми ним Роч ним Статус Кыным

морт [1]

(2007)

Индекс [2] Посадму
Вежью Вежъю посёлок 393 168196 Ужга
Воктым Усть-Воктым посёлок 102 168174 Ком
Вылыс Турунъю Верхний Турунъю посёлок 59 168180 Турунъю
Грива Грива посад 397 168191 Грива
Гуж Гуж посёлок 21 168180 Кажым
Зимовка Зимовка посёлок 374 168192 Подз
Иванчомъя Иван-Чомъя посёлок 143 168170 Подз
Кажым Кажым посёлок 1019 168181 Кажым
Карвуджӧм Карвуджем грезд 7 168191 Грива
Койгорт Койгородок посад 2986 168170 Койгорт
Койдін Койдин посёлок 1466 168183 Койдін
Ком Ком посёлок 81 168174 Ком
Кузьёль Кузьёль посёлок 333 168172 Кузьёль
Мырпонаыб Мырпонаыб грезд 0 168190 Ужга
Нюдзпоска Нючпас посёлок 244 168197 Нюдзпоска
Подз Подзь посёлок 1033 168193 Подз
Сьӧдтыдор Седтыдор посёлок 317 168195 Ужга
Тыбъю Тыбъю посёлок 1 168193 Подз
Ужга Ужга посад 206 168170 Ужга
Улыс Дав Нижние Березники грезд 2 168191 Грива
Улыс Турунъю Нижний Турунъю посёлок 155 168180 Турунъю

Экономика[вильмӧтны | Вильмӧтны код]

Районын пасйӧма 136 уджаин да аркмӧтӧмин. Эшӧ 124 уджбергӧтісь олӧны туйдӧтвывся чужӧм аркмӧттӧг.

Берсяторресӧ лэдзӧны 48 кӧзяйствуйтан субъект (35% ӧтласа лыдісь), кысъялан сфераын – 88 (65%). Медуна уджаиныс пасйӧма вузасянын да отир верданын (16%), му-видз уджалан да вӧрлэдзан кӧзяйствоын – 14 (10%), берся керӧтӧмын – 14 (10%).

Береся керӧтан сферасӧ аркмӧтӧны пукерӧтан да сёян лӧсьӧтан, шоныт да ва лэдзан, нуан да янсӧтан юкӧттэз.

Вӧрлэдзӧм пыр вӧлі и эм районас кӧзяйстволӧ подӧн. Уджалӧны вӧрвидзаннэз Койгортын и Кажымын.

Культура[вильмӧтны | Вильмӧтны код]

Койгорт районын ӧні уджалӧ Асдор музей, 5 киномыччалан, 12 клуб, 16 библиотека да 27 лыддьӧтанін.

Библиотекаэз уджалӧны Койгорт ЦБС борд увтын. Медбурӧн лыддисьӧ Челядь понда шӧрӧт библиотека Койгортын.

Быд год лӧсьӧтӧны гажжез: «Иллялун», «Зымгыштам», «Карвуджӧмись стречалун», «Роч кыдз». Район чужан лун кежӧ чулӧтӧны музыка сьӧрті фестиваль «Койгорт гожум», эм торья фестиваль челядь понда.

Фольклор видзан группаэз коласісь медбура тӧдсаӧсь «Гора Ань» (Гриваись), «Сударушки» (Подзись)

Велӧтан[вильмӧтны | Вильмӧтны код]

Койгорт районын эм 11 школа, кытӧн велӧтчӧны 1066 и велӧтӧны 151 морт.

Шӧрӧт школаэз куима, под школаэз – сизима, пондӧтчан школа – ӧтік.

Учӧтжык челядь олӧны 11 челядь садын да яслиын.

Эм и содтӧт велӧтан куим керку, ны коласын Челядь понда музыка сьӧрті школа Койгортын.

Спорт[вильмӧтны | Вильмӧтны код]

Койгорт районын 12 спортзал да 14 спортыб. Эм быдса спорткомплекс Койгорт посадын. Быд год районас лӧсьӧтӧны 30-ся унажык вермасьӧм быдкодь спорт юкӧтын. Республика тшупӧтын медбур результаттэз шедтісӧ медбӧря годдэзӧ гирялэбтіссез, волейболӧн орсісь ныввез да шахматисттэз.

Ужгаись спорт сьӧрті мастер Турышев Александр Михайлович – бура тӧдса гирялэбтісь, спортасьӧ 1976 годсянь. Сія 10-ісь лоис Коми Республикаын чемпионӧн, шедтіс «Ладӧг кубок», куимись босьтліс приза места Рочму тшупӧта вермасьӧмын посадісь спортсменнэз коласын, кимись вӧлі призёрӧн Рочму Ойвыв-Рытвыв чемпионатын.

Ыстісяннэз[вильмӧтны | Вильмӧтны код]

  1. Коми Республика статкомитет сайтісь
  2. Вот ӧктіссезлӧн сайтісь

Ӧшмӧссэз[вильмӧтны | Вильмӧтны код]

Коми Республика веськöтлöм могись янсалöм Coat of arms of the Komi Republic Flag of the Komi Republic
Канкар: Сыктывкар

Каркытшшез: Вöркута • Инта • Сыктывкар • Уква • Ускар

Районнэз: Вуктыл • Емва • Емдiн • Изьва • Койгорт • Кöрткерöс • Кулöмдiн • Луздор • Мылдiн • Печора • Сöснагорт • Сыктыв • Сыктывдiн • Удора • Чилимдiн