Кывтэчас

Босьтöм Википедия вылiсь
Перейти к навигации Перейти к поиску

Кывтэчас — кык нето унажык асвына шуан, кӧдна йитчӧмӧсь вежӧртас ладорсянь да кыв лад сьӧрті. Кывтэчассӧ велӧтӧ-туялӧ синтаксис.

Быд асвына шуан кокнита йитсьӧ мӧдік шуаннэзкӧт. Сідз, кыв ыб позьӧ йитны кыввезкӧт: паськыт (паськыт ыб), гӧрӧм (гӧрӧм ыб), айлӧн (айлӧн ыб). Кыввез паськыт, айлӧн йитсикӧ увтыртчӧны кывлӧ ыб.

Йитсьӧм, кӧр ӧтік кыв видзӧ мӧдсӧ ас увтын, шусьӧ увтыртанӧн. Увтыртан йитсьӧмлӧн куим нёж: веськӧтлӧм, кышасьӧм, лӧсялӧм.

Эттшӧма йитсьӧм кыввез и аркмӧтӧны кывтэчассэз.

Кывтэчас, кыдз и торья кыв, мыччалӧ кытшӧмкӧ эмтор, керӧм нето тӧдчан. Но керӧ этӧ сія утлянножык, пыдынжыка: лун и кузь лун; мича и зэв мича; мунны и мунны перыта; локны и сьылӧмӧн локны; мийӧ и мийӧ быдӧнным.

Кывтэчасӧ йитчӧны видзан кыв и кӧртыштӧм кыв, шуам: кузь лунлун (кытшӧм?) кузь; зэв мичамича (кыдз?) зэв; мунны перытамунны (кыдз?) перыта; сьылӧмӧн локнылокны (кыдз?) сьылӧмӧн; мийӧ быдӧнныммийӧ (киннэз?) быдӧнным.

Кывтэчассэз асланыс состав сьӧрті овлӧны ӧтпӧвсаӧсь и унапӧвсаӧсь.

Ӧтпӧвса кывтэчас сулалӧ кык асвына кылісь.

Шуам: гижис мамыслӧ, мунны ты дорӧт

Унапӧвса кывтэчас аркмӧ ӧтпӧвсасӧ паськӧтӧмсянь.

Шуам: чожа гижис мамыслӧ, рытнас мунны ты дорӧт