Мижуй (Кудымкар район)

Босьтöм Википедия вылiсь
Перейти к навигации Перейти к поиску
Мижуй
Мижуево
Му:  Рочму
Статус:  грезд
ладор:  Перем ладор
район:  Кудымкар район
Инлыдпассэс:  59°09′50″ с. ш. 54°42′16″ в. д. / 59.163889° с. ш. 54.704444° в. д. (G)
Веськӧтлан кыв коми, роч
Отир лыд  289 морт (2009)
Час кытш:  UTC+5
Телефон нумерӧ содтӧт:  +7 34260
Почта инпас:  619567
Авто нумерӧ содтӧт:  59, 81


Мижу́йПерем ладорись Коми кытшын, Кудымкар районсис Йӧг посадмуын ыджыт грезд (деревня).

Ним йылісь[мöдкодьсьöтны | править код]

Мижуй грезд шусьö сідз натьтö Мижуй нимкодь сьöрті. Мижуйнас коми отир нимкодялö жаг мортöс.

География[мöдкодьсьöтны | править код]

Мижуйыс сулалӧ Йӧгва ю шульга вадöрын, Кудымкарсянь ойвылӧ 18 км ылынаын (автобусöн кö мунны, локтан 30 минутаöн).

Грезд кузя котöртö Чукыльшор, кöдö мижуёвса шуöны дженытика Шор.

Ордча грезддэз[мöдкодьсьöтны | править код]

Мижуйсянь рытвылын, Йӧгва саяс топ сулалӧ Ермак грезд. Йӧгва кузя кӧ каян – петӧ Гурин, лэдзчан кӧ – Педӧт грезд. Чукыльшор кузя кӧ кайны, петан Чукыль грезд дынӧ, кöдö эшö шуöны Важ Чукыль.

Мувевдöр[мöдкодьсьöтны | править код]

Ордча рельефын тöдчöны ыббез – Онокыб, Ермакыб, видззез – Нюр, Вöвйöр, вöр – Раск.

Пода да быдмассэз[мöдкодьсьöтны | править код]

Вöрын олöны руччез, кöччез, таррез. Дзоридза быдмассэзісь медуна пантасьöны пикан, пистик, шышыбар, катшасин, горадзуль.

Янсалӧм[мöдкодьсьöтны | править код]

Мижуй грездын куим тор [1]:

  • Важ Мижуй
  • Виль Мижуй
  • Онок

Туйез[мöдкодьсьöтны | править код]

Мижуйын öні лыддьöны сизим туй да öтік туйколас [2]:

Коми ним Роч ним
Аноков туй ул. Анокова
Вапöлöн туй ул. Набережная
Колхоз туй ул. Колхозная
Медшöр туй ул. Центральная
Сад туй ул. Садовая
Том туй ул. Молодежная
Юдор туй ул. Речная
Юдор туйколас пер. Речной

Ныись медыджыт туйöн лыддисьö Медшöр туй.

История[мöдкодьсьöтны | править код]

Веськöтлан[мöдкодьсьöтны | править код]

Ӧні Мижуйыс пырӧ Йӧг посадмуӧ, одзжык татӧн вӧлі Мижуй сельсоветлӧн шӧрин.

Грездын эм почта керку, но не староста, не милиция татöн абу.

Отир[мöдкодьсьöтны | править код]

2009' во пондӧтчикӧ Мижуйын олісӧ 289 морт, кӧдна видзисӧ 81 горт. Отирыс шусьӧны мижуёвчи нето мижуёвса (öтік морт – мижуёвскöй).

Памиллёэз коласын медуна Кетоввез, Тупицыннэз, Сыстероввез.

Оліссез комиöсь, баитöны комиöн.

Кӧзяйство да быт[мöдкодьсьöтны | править код]

Мижуйын – Киров нима колхозлӧн контора. Этія колхозыс аркмис 1961' годӧ, куим ордча колхоз ӧтлаӧтӧм бӧрын. А одзжык эта ладорын вӧлісö 11 колхоз.

Грездын эм йöв вузалан ферма. Колхозыслöн эм гараж.

Отирыс видзöны пода да мошшез, быдтöны сю да карч.

Мижуёвса озö вöралö, но гожумöн чериавлöны Йöгваын: вугыррезöн кыйлöны комöс (хариусöс), арöс, шулюмöс. Сэсся ягöдалöны да тшакьялöны.

Асфальтöн вевттьöм токö Медшöр туй, мöдік туйез – куш му.

Автобус быд лун керö нёль рейсöн, но уна отирлöн эм ас машинаэз.

Мижуйын кык магазин, öтыс – Йöгись сельполöн, мöдыс – асторья.

Мижуёвса вермöны видзöтны телевизор да кывзыны радио. Грездсянь позьö баитны мобильник пыр.

Быт службаэз абу, шырсьыны да мый да отирыс ветлöны Кудымкарöдз.

Грездын эм медпункт.

Кулöммезöс мижуёвса дзебöны Йöгас.

Культура[мöдкодьсьöтны | править код]

Быд челядёк олö Мижуёвскöй челядь садын.

Мижуёвчилӧн челядь велӧтчӧны Гуринын.

Эшō эм клуб, кытöн отир быд деревняись чулöтöны кад. Томмез понда лöсьöтöны дискотекаэз. Клубын эм библиотека. Уджалöны гöрдззисьöм да сьылöм сьöрті кытшоккез.

Отирыс порйöтлöны öтласа празьниккез, вильгод, масленича.

Эм фольклор мыччалісь коллектив.

Юрбытны мижуёвса ветлöны Йöгö нето Кудымкарö.

Гора нима отир[мöдкодьсьöтны | править код]

  • Кетов Валерий Петрович - колхозын кöркöся юралісь

Казьмöтаннэз да сингажöтаннэз[мöдкодьсьöтны | править код]

  • Ыджыт косясянын усьöм земляккезöс казьтыланін.

Ордча ландшафттэз да вöр-ва[мöдкодьсьöтны | править код]

Юдор (Заречнöй?) туй дын котöртö Йöгва ю, увланьжык сыö йитсьö ключ.

Ӧшмӧссэз[мöдкодьсьöтны | править код]

  • Кетова М. Н. Гижöм. Перем, 2011.
  • Коми-Пермяцкий автономный округ на рубеже веков. Кудымкар, 2000. ISBN 5-87901-051-1
  • Васькина Т. А. Висьтасьӧм. Кудымкар, 2010.
  • Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.

Ыстісяннэз[мöдкодьсьöтны | править код]

  1. Кетова Марина Николаевна сьöрті
  2. Вот öктіссез сайтісь