Сылва (ю)

Сылва — Свердлов лапöлын да Перем ладорын ыджыткодь ю, Камалӧн шульга вож.

География

Юыс 493 км кузя, бассейныс 19 700 км² ыжда. Пондöтчö Шӧрӧт Урал рытвыв покатсянь, котöртö сё рытвылöжык. Усьö Кама вавидзан Чусва курьяö.

Юыс унаваа, ваыс сöстöм, визылыс шöркодь перыта, кывтытын жагвыв. Öрыс бура чуклясьлö, эм уна ляпытін да кось.

Сылва бассейн кывтытын öддьöн зорöтöма карст (шуам, Кунгур, Закурья, Серга мугырккез да мый да).

Серга посад дорсянь пондöтчö Сылва курья.

Вердас

Вердасыс сора, унажыксö лымья. Уссёсянь 45 км ылынаын ваыс видзсьö 139 м³/с. Юыс кынмö октяб помын — нояб пондöтчикö, овлöны бырöддэз, оссьö Сылваыс апрель мöд джынын.

Вожжез

Шульга вожжес:

• Вогулка
• Иргина
• Ирень
• Бабка
• Кишертка

Веськыт вожжес:

• Барда
• Тшаква

Кöзяйство

Юыс пыжветлана уссёсянь 74 км ылынаöдз.

Оланіннэз

Свердлов лапӧв

• Пермяки грезд
• Сылва посад
• Платонова посад
• Коптело Шамары грезд
• Шамары посёлок
• Нижнӧй Баскӧй грезд

Перем ладор

• Молёбка грезд
• Филипповка посад
• Суксун посёлок
• Усь Кишерть посад
• Кунгур кар
• Серга посад
• Сылва посёлок

Лыддьöтан

• Ыджыт советскöй экцикопедияын
• Перем лапöв энциклопедияын
• Öнняся географическöй ниммез энциклопедияын