Тарвасъёки (коммуна)

Тарвасъёки су. Tarvasjoki
Вужпас
Му:	Суоми
Статус:	посадму
Маакунта:	Варсинайс Суоми
посадму юралісь:	Олли Павола
Ыжда:	102,40 км²
Веськӧтлан кыв	фин кыв
Отир лыд  • Отирлӧн топыта	1 950 морт (2012)  19,13 морт/км²
Час кытш:	UTC+2+2
Категория Викичомын	Tarvasjoki
Веськӧтлан сайт

Тарвасъёки — посадму Суомиын, Варсинайс Суоми регионын, Лойма районас.

Ним йылісь

Тарвасъёки гижӧны фин кыв вылын Tarvasjoki. Посадму шусьö сідз таті котöртан ю сьöрті. Кыв ёки фин моз лоӧ ю, а тарваснас кӧркӧ шуӧмась вӧрӧшкаӧс (турӧс), а сэсся косуляӧс. Эттшӧм пода да ю и рисуйтӧмась Тарвасъёки вужпас вылын.

География

Тарвасъёки ю

Тарвасъёки вичку

Тарвасъёкиын школа

Ордча коммунаэз

Тарвасъёки посадмукöт куйлöны ордчöн сэтшöм коммунаэз: Авра, Лието, Марттила, Паймио да Пёвтюя.

Мувевдӧр

Ландшафтыс Тарвасъёки ладорын унажыксö сёйпытшкöса волькытін, кöть мукöдлаті волькыт вевдöрсö жугдöны изпытшкöса морена мыльккез: лунвылын Киимакаллио, Юӧкаллио, Хорнанкаллио, Койвистонвялья, рытвылын Такаметсянкаллио, Рахоланкаллиот, ойвылын Лепомяки, Ляхтенмяки.

Ваэз

Посадму кузя котöртö Паймионъёки ю, и медшöр посад дынын сыö усьö медыджыт вожыс, Тарвасъёки, кöда пондöтчö Пёвтюяын Каринайненсянь. Посадмуыс куйлö унажыксö Паймионъёки бассейнын, и токо Лиедонперя ордча грезддэзкöт куйлöны Авраёки бассейнісь Савиёки ю йыввезын.

Посадмуын абу ни öтік ты. .

Лунвылын эм нюррез: Мяентанрахка, Рахкасуо.

Янсалöм

Посад

• Кескуста
• Мейери
• Вирола
• Тюлли
• Пяйвяринне
• Ханканмяки

Грезддэз

• Аликулма
• Каллела
• Karhula
• Киллала
• Кирконкюля
• Кяттюля
• Лиедонперя
• Липарла
• Мяентака
• Пикку Эвра
• Прусила
• Рюӧнумми
• Сатопя
• Сеппяля
• Suitsula
• Сурила
• Такама
• Тиенсу
• Tuomarla
• Tuorila
• Tyllilä
• Уйтонкулма
• Хорринен
• Хунгерла
• Эвра
• Юва
• Юрьянкюля
• Jauhola

История

Посадыслö сетісö талуння нимсö 1909' годö. Одзжык волосьыс шусьöма Аластаро приходöн (Alastaron saarnahuonekunta), а сыбöрын Эвраöн (Eura).

Отир

Тарвасъёки посадмуын олӧны 1964 морт , оліссезлӧн тшӧкыта 19,26 морт/км².

Арлыд (31.12.2010)	морт	%
0–4-годсяээ	106	5,45
5–9-годсяээ	139	7,15
10–14-годсяээ	156	8,55
15–64годсяээ	1193	61,34
65–74-годсяээ	169	8,67
75–84-годсяээ	119	6,12
85-годсяээ да пӧрисьжык	63	3,24

Кöзяйство

Посадын эм школа, кык челядьсад, пӧриссез керку.

Культура

Посадму кузя мунӧ Хяме ӧшкатуй. Неылын сысянь сулалӧ 1779' годӧ вептӧм пуовӧй Тарвасъёки вичку (архитектор Микаэль Пимянен) да Тарвасъёки асладор музей, кытӧн лӧсьӧтӧмась Ӧшкатуйлісь история тыдӧтан "Tuu tuu tupakkirulla".

Юва именнёын видзӧны Куста Маври Армфельтлісь горт-музей.

Тарвасъёки SEO автотыртансянь неылын, 10' автотрасса дорын гожуммезӧн овлӧ тыдӧтан, кытӧн мыччалӧны 20 етш музейнӧй трактор. Тыдӧтансӧ лӧсьӧтӧ 1995 годӧ аркмӧтӧм Тарвасъёкиын оліссезлӧн котыр Uitonkulman Siivapyörämiehet ry.